Nôvambra - The Church of Jesus Christ of Latter-day Saints

afaka misafidy ny hanaiky ireo fepetra
ireo. Raha manaiky ireo fepetra mifehy
ilay fanekempihavanana ny olona iray,
ka mankatò ny lalàn’ Andriamanitra
dia mandray ireo fitahiana izay mifandray
amin’ ilay fanekempihavanana.
Fantatsika fa “rehefa mahazo fitahiana
avy amin’ Andriamanitra isika, izany
dia noho ny fankatoavana ny lalàna
izay ifotorany.” 4
Nandritra ny tantaran’ ny zanak’
olombelona dia nanao fanekempihavanana
tamin’ ireo zanany Andriamanitra.
5 Ireo fanekempihavanany dia
hita soritra ao anatin’ ny drafitry ny
famonjena manontolo ary dia tafiditra
noho izany ao anatin’ ny fahafenoan’
ny Filazantsarany. 6 Ohatra, nampanantena
Andriamanitra fa haniraka
Mpamonjy iray ho an’ ireo Zanany, 7
ary etsy ankilany kosa Izy mangataka
amin’ izy ireo ny hankatoavany
ny Lalàny. 8
Ao amin’ ny Baiboly isika dia
mamaky mikasika ireo lehilahy sy
vehivavy tany amin’ ny Tontolo Fahiny,
izay nantsoina hoe zanaky ny fanehempihavanana.
Fanekempihavanana
inona moa? “Ny fanekena nataon’ Andriamanitra
tamin’ ny [razan’ izy ireo],
raha hoy Izy tamin’ i Abrahama: Ary
amin’ ny taranakao no hitahiana ny
firenena rehetra ambonin’ ny tany.” 9
Ao amin’ ny Bokin’ i Môrmôna isika
dia mamaky mikasika ireo vahoaka tao
amin’ ny Tontolo Vaovao izay nantsoina
koa hoe zanaky ny fanekempihavanana.
10 Izao no nampahafantarin’
ny Tompo efa nitsangana tamin’ ny
maty azy ireo: “Ary indro, zanaky ny
mpaminany ianareo; ary avy amin’ ny
mpianakavin’ i Isiraely; ary avy amin’
ny fanekempihavanana izay efa nataon’
ny Ray tamin’ ny razanareo, tamin’ ny
filazana tamin’ i Abrahama hoe: Ary
amin’ ny taranakao no hitahiana ny
firenena rehetra amin’ ny tany.” 11
Nazavain’ ny Mpamonjy ny maha
zava-dehibe ny hahafantaran’ izy ireo
hoe zanaky ny fanekempihavanana
izy ireo. Hoy Izy hoe “Ny Ray, rehefa
avy nanangana Ahy ho anareo aloha,
sy naniraka Ahy hitahy anareo amin’
ny fampihodinana ny tsirairay avy
aminareo hiala amin’ ny helony; ary
izany dia noho ianareo zanaky ny
fanekampihavanana.” 12
Ilay fanekempihavanana izay
nataon’ Andriamanitra tamin’ i Abrahama
13 ary nohamafisina taty aoriana
tamin’ i Isaka 14 sy Jakôba 15 dia tena
faran’ izay manan-danja. Hita tao amin’
izany ny fampanantenana maromaro,
an’ isan’ izany ny hoe:
• I Jesoa ilay Kristy dia ho teraka avy
amin’ ny taranak’ i Abrahama.
• Ny taranak’ i Abrahama dia ho
maro, ary atokana hitombo isa
mandrakizay ary atokana ihany koa
hihazona ny fisoronana.
• I Abrahama dia ho tonga rain’ ny
firenena maro.
• Hisy tany sasany ho lovain’ ny
taranany.
• Ny firenena rehetra maneran-tany
dia hotahiana amin’ ny alalan’ ny
taranany. 16
• Ary io fanekempihavanana io
dia haharitra mandrakizay—eny
hatramin’ ny “taranaka arivo
mandimby.” 17
Ny sasany amin’ ireo fampanantenana
ireo dia efa tanteraka; ny sasany
dia mbola andrasana ny fahatanterahany.
Faminaniana iray voalohandohany
ao amin’ ny Bokin’ i Môrmôna
no tanisaiko: “Koa [Lehia] raintsika dia
tsy niresaka ny amin’ ny taranatsika
fotsiny fa ny amin’ ny mpianakavin’
i Isiraely rehetra koa, nanondro ny
fanekempihavanana izay hotanterahina
amin’ ny andro farany; dia ilay
fanekempihavanana izay nataon’ ny
Tompo tamin’ i Abrahama raintsika.” 18
Koa tsy mahatalanjona ve izany? Tany
amin’ ny 600 taona tany ho any talohan’
ny nahaterahan’ i Jesoa tao Betlehema,
dia fantatr’ ireo mpaminany
fa ny fanekempihavanan’ i Abrahama
dia tsy ho tanteraka raha tsy amin’ ny
andro farany.
Mba hanatanterahana izany
fampanantenana izany dia niseho tamin’
izao andro farany izao ny Tompo
mba hanavao io fanekempihavanan’
i Abrahama io. Hoy ny Tompo tamin’
i Joseph Smith Mpaminany hoe:
“Abrahama dia nandray fampanantenana
momba ny taranany sy ny
amin’ ny nateraky ny kibony—avy ao
an-kibony no niavianao, . . . ry Joseph
mpanompoko. . . .
“Izany fampanantenana izany koa
dia anareo, satria taranak’ i Abrahama
ianareo.” 19
Tamin’ izany fanavaozana izany no
nandraisantsika, tsy misy hafa tamin’
ireo fahiny, ny fisoronana masina sy
Nôvambra 2011
87