Nôvambra - The Church of Jesus Christ of Latter-day Saints

Misy ny fikasana hamoaka an’ izany boky izany izay
hanana fonony matevina amin’ ny Anglisy, Pôrtôgey ary
Espaniôla amin’ ny faran’ ny taona ary ho hita any amin’ ny
Foibe Fanapariahana sy ao amin’ ny store.lds.org izany. ◼
Tranonkala Vaovao mba Hanampiana
ireo Tanora Hanomboka ny
Tantaram-pianakaviana
N atao mba hanampiana ireo tanora hahafantatra
mikasika ny tantaram-pianakaviana sy hanompo
ireo razambeny amin’ ny alalan’ ny fikarohana ny
firaketana momba azy ireny ilay fizarana vaovao ao amin’
ny FamilySearch Youth and Family History an’ ny youth .lds
.org (lds .org/ familyhistoryyouth).
Manome fampahalalana izay mampianatra ireo tanora
hahay ny fomba hanombohana ny fampiasana ny FamilySearch
izany tranonkala izany. Amin’ ny alalan’ ny dingana
tsotra miisa dimy no ampianarana ireo tanora ireo fomba
hikarohana ny tetiaran’ ny fianakaviany, hanaovana ny
firaketana ny fianakaviana ary hanomanana ireo anarana ho
entina any amin’ ny tempoly. Ilay tranonkala koa dia ahitana
hevitra maromaro mikasika ny fomba ahafahan’ ireo olona
mianatra any amin’ ny kilasy sy kôlejy mampiasa ny tantaram-pianakaviana
ho fitaovana entina hanompoana ny hafa.
Misy amin’ ny teny Anglisy, Pôrtôgey ary Espaniôla ilay
fizarana vaovao hatreto. Hisy amin’ ny fiteny hafa fanampiny
izany afaka volana vitsivitsy. ◼
Manasa ireo Tanora mba
Hamirapiratra ny Fifaninana
Ara-javakanto
Manasa ireo tanora 13 taona ka hatramin’ ny 18
taona ny Tranom-bakoky ny Fiangonana mba
handray anjara amin’ ny Fifaninana Ara-javakanto
ho an’ ny Tanora.
Asaina mamorona asa tanana izay maneho ny dikan’ ny
hoe “mitsangàna ary mamirapirata” (jereo ny F&F 115:4–6)
ireo mpahaikanto.
Tsy maintsy asa tanana noforonina taorian’ ny 1 Janoary
2009 ilay izy. Ireo mpandray anjara dia tsy maintsy 13 taona
amin’ ny 1 Janoary 2012, ary afaka mandrotsaka asa tanana
iray ao amin’ ny tranonkala manomboka ny 2 Janoary 2012
mandrapahatonga ny daty fametrahana farany—ny Zoma
1 Jona 2012. Ny halehiben’ ilay asa tanana dia tsy mihoatra
ny 213 sentimetatra manaraka ny halavany. Ekena ao
anatin’ ny fifaninana ny fampiasana haino aman-jery sy ny
fiangaly ara-java-kanto rehetra.
Ho hita ao amin’ ny lds.org/youthartcomp ny fampahalalana
momba ny fisoratana anarana.
Ireo mpandresy dia ho angatahina handefa ny asa
tanana nataon’ izy ireo ao amin’ ny tranom-bakoka mba
ho haseho mandritra ny fampiratiana manomboka ny 16
Nôvambra 2012 ka hatramin’ ny 17 Jona 2013. ◼
128 Liahona
Loholona
Tad R. Callister
Ao amin’ ny Fiadidian’ ny
Fitopololahy
Nanazava ny Loholona Tad
Richards Callister, izay vao
notohanana ho ao amin’ ny
Fiadidian’ ny Fitopololahy ary mpikambana ao amin’ ny
Kôlejy Faharoa ao amin’ ny Fitopololahy, fa ny tanjon’ ireo
Rahalahy dia ny hitondra “firoboroboana azo tsapain-tanana”
eto am-piangonana. “Izany dia tsy midika fotsiny
hoe fitondrana olona bebe kokoa hanatrika ny fivorian’ ny
Fanasan’ ny Tompo fa koa handray ny Fanasan’ ny Tompo,
handray ireo ôrdônansy atolotry ny Fiangonana ary hitandrina
ireo fanekempihavanana,” hoy izy.
Noho ny faniriany hanampy ireo mpitarika ny Fiangonana
any amin’ ny toerana maro ao anatin’ izany asa izany,
dia naneho fankasitrahana ny Loholona Callister noho ny
nanomezan’ ny Tompo azy fahafahana hanompo tamin’ ny
antso maro. Hoy izy nanazava hoe: “Noho izaho efa niaina
izay iainan’ ireo olona iarahako miasa ankehitriny—toy
ny filohan’ ny tsatòka sy eveka ary filohan’ ny kôlejin’ ny
loholona—dia antenaiko fa hahatonga ahy hahatsapa sy
hahafantatra bebe kokoa izay zavatra ilain’ izy ireo izany.”
Ny Loholona Callister dia efa misiônera nanompo tamin’
ny fotoana feno tany amin’ ny Misiônan’ i Eastern Atlantic States,
filohan’ ny kôlejin’ ny loholona, filohan’ ny misiônan’ ny
tsatòka, mpanolotsain’ ny tsatòka, eveka, filohan’ ny tsatòka,
solontenan’ ny vondrom-paritra, Fitopololahin’ ny Vondromparitra,
filohan’ ny Misiônan’ i Canada Toronto Atsinanana
(2005–08), ary Filohan’ ny Vondrom-paritra Pasifika izao
voantso ho ao amin’ ny Fiadidian’ ny Fitopololahy izao.
Zanak’ i Reed sy Norinne Callister izy ary teraka tamin’
ny Desambra 1945, tany Glendale, Californie, Etazonia.
Ny Loholona Callister dia manana mari-pahaizana momba
ny haitoebola izay azony tao amin’ ny Oniversiten’ i
Brigham Young tamin’ ny 1968. Nahazo mari-pahaizana
avy tao amin’ ny sampam-pianarana lalàna tao amin’ ny
Oniversiten’ i Californie Los Angeles tamin’ ny 1971 izy.
Nahazo ny mari-pahaizana ambony LLM (na Masters)
momba ny lalàna miompana amin’ ny hetra tao amin’ ny
Oniversiten’ i New York izy tamin’ ny 1972. Niasa toy ny
mpahay lalàna izy nanomboka tamin’ ny 1972 ka hatramin’
ny 2005 ary efa nanoratra boky maromaro mikasika
ny Sorompanavotana sy ny Apôstazia ary ny Famerenana
tamin’ ny Laoniny.
Nanambady an’ i Kathryn Louise Saporiti tamin’ ny volana
Desambra 1968 tao amin’ ny Tempolin’ i Los Angeles
Californie izy. Manan-janaka enina izy ireo.
Nahatsapa ny fiasan’ ny tanan’ ny Tompo teo amin’ ny
fiainany ny Loholona Callister. “Mihoapampana tokoa ny
fitiavan’ ny Mpamonjy ka mieritreritra aho fa tsy andrin’ Izy
sy ny Raintsika any an-danitra ny hanomezana fitahiana
antsika na amin’ izay zavatra tsara faran’ izay kely indrindra
ataontsika aza, satria izay ny toetoetran’ Izy ireo.” ◼