Kanada - Saf

1.2.1. Skattar og gjöld
Hvert hinna 13 svæða hefur heimild til innheimtu skatta. Skattar og gjöld sem ferðamenn geta
átt von á að greiða af vörum og þjónustu sem þeir kaupa í landinu geta því verið afar ólíkir
eftir svæðum .
Samræmdur söluskattur (HST eða Harmonised Sales Tax) var settur á í British Columbia og
Ontario (tvö lykilsvæði í ferðaþjónustu) í júlí 2010 en hann bætir um 7% við kostnað við
margs konar ferðaþjónustu. Nova Scotia hækkaði söluskatt sinn úr 13% í 15% á árinu 2010.
Þessar skattahækkanir höfðu strax áhrif á innlenda ferðamenn sem sáu þann kost vænstan að
sitja heima fremur en að ferðast um þessi svæði. Þá eru skattar og gjöld á flugvöllum hærri en
gengur og gerist í öðrum löndum og ferðaþjónustan hefur áhyggjur af því að þetta allt leiði til
þess að minnka samkeppnishæfni Kanada sem áfangastaðar.
„Tax Free“ endurgreiðsla, þ.e. endurgreiðsla söluskatta fyrir ferðamenn, var afnumin árið
2007 og hefur það verið gagnrýnt af ferðaþjónustunni. Í Ontario hafði áður verið boðið upp á
5% endurgreiðslu söluskatts fyrir ferðamenn en sú endurgreiðsla var afnumin þegar HST var
settur á. Söluskattar eru misjafnir eftir ríkjum og fara úr 5% í Alberta upp í 16% á Prince
Edward Islands. Að auki er t.d. hótelskattur 3% í Quebec og 4% í Alberta. Forsvarsmenn í
ferðaþjónustu í landinu hafa lagt áherslu á að skattar og gjöld verði samræmd milli fylkja
(Euromonitor International, 2011, bls. 5).
Skattar og gjöld á flugvöllum eru hærri en í Bandaríkjunum sem hefur leitt til þess að um 20%
ferðalanga til Kanada kjósa að lenda á bandarískum flugvöllum og keyra þaðan til Kanada.
Einhver svæði hafa ákveðið að lækka flugvallargjöld á þessu ári og t.d. hafa flugmálayfirvöld
í Vancouver tilkynnt að þau muni ekki hækka lendingargjöld eða flugvallargjöld næstu fimm
árin. Vancouver er stutt frá Seattle og því skiptir miklu að vera samkeppnishæf í gjöldum við
þann flugvöll. Toronto flugvöllur mun einnig lækka flugvallar- og lendingargjöld og lækka
„Airport Improvement Fees“.
Sá möguleiki hefur verið ræddur að landsstjórnin grípi inní og knýji fram samræmda
skattastefnu í þágu ferðaþjónustunnar. Haldist Kanadadollar áfram sterkur mun Kanada eiga
erfiðara með að keppa í verðlagi á alþjóðlegum mörkuðum. Samræmd skattastefna og t.d.
afnám HST skattarins er eitt af baráttumálum í ferðaþjónustu í landinu (Euromonitor
International, 2011, bls. 6).
7