Kanada - Saf

Kanada í júlí 2011 vakti svo mikla athygli á Kanada, í Bretlandi og víðar í Evrópu að CTC
ákvað að framlengja auglýsingaherferð á stærstu mörkuðum sínum í Evrópu, Bretlandi og
Þýskalandi, fram í miðjan ágúst og nýta þannig meðbyrinn sem heimsókninni fylgdi (CTC -
Germany/UK Summer Campaigns Extended, 2011).
2.3. Framtíðarsýn
CTC hefur innleitt að fullu stefnumiðað árangursmat (balanced scorecard) við mat á árangri
af sinni stefnu. Með því vill stofnunin samþætta efnislega og óefnislega þætti starfseminnar
og leggja mat á það hvaða áhrif stefna og stjórnun stofnunarinnar hefur á ferðaþjónustuna í
heild sinni.
Fjórir mælikvarðar eru lagðir til grundvallar árangursmatinu:
Vitund (Destination Awareness)
Beinn árangur markaðsherferða (ROI)
Framlög samstarfsaðila (Partner contribution)
Starfsánægja (Employee engagement)
Á árinu 2010 jókst vitund um Kanada sem áfangastað úr 33,5% í 33,9% á heimsvísu. Mest var
aukningin í Bretlandi (um 12%) og í Ástralíu (um 8,7%) sem að stórum hluta má þakka
athyglinni sem Vetrarólympíuleikarnir fengu í fjölmiðlum í þessum löndum.
Samkvæmt mælikvörðum CTC fengust 44 dalir í tekjur til greinarinnar á móti hverjum dal
sem lagður var í auglýsingaherferðir (stimulus campaign) og á móti hverjum dal sem settur
var í kjarnaherferðir (core campaigns) komu 82 dalir inn í kassann í útflutningstekjur vegna
ferðaþjónustu.
Þriðji mælikvarðinn eru framlög samstarfsaðila en þau námu alls 1,32 á móti 1 í framlög frá
hinu opinbera í rekstri CTC á árinu 2010. Með öðrum orðum komu inn 1,32 dalir frá
fyrirtækjum fyrir hvern dal sem ríkið lagði í starfsemi stofnunarinnar á síðasta ári. CTC hefur
það almennt að markmiði að þetta hlutfall sé 1:1 en gerir ráð fyrir að hlutfallið á árinu 2011
verði þó talsvert lægra, eða 0,6:1. Fjórði mælikvarðinn tekur í raun aðeins til rekstrar
stofnunarinnar sjálfrar, en mælingar sýndu að ánægja starfsfólks hjá stofnuninni var meiri á
síðasta ári en árið á undan. (Canadian Tourism Commision, 2010, bls. 34).
16