Kanada - Saf

Kanada í hnotskurn
•Kanada markaðssetur sig á 11 erlendum mörkuðum. Þrír fjórðu hlutar erlendra ferðamanna
koma frá Bandaríkjunum
•Áhersla í stefnumótun er á að kynna Kanada sem fjölbreyttan heilsársáfangastað. Þessu er fylgt
eftir í markaðssetningu og kynningu.
•Upplifun í sinni víðustu mynd er það sem kynning á stefnu í ferðamálum byggir á. Áfangastaðir
eru síður í forgrunni en þeim mun meiri áhersla lögð á að ferðamaðurinn skapi sína eigin upplifun,
hann sé aðalhetjan í ævintýrasögu sem hann skrifar með ferðalögum sínum.
•Lagt er upp með fimm söluráða (USP´s) í opinberri stefnu:
•1. Lifandi borgir og náttúra: borgirnar iða af lífi en eru þó með náttúruna í bakgrunni þannig að
ævintýrin eru aldrei langt undan.
•2. Ferðalög á landi og sjó: vísar til þess að ferðin sjálf sé jafn ánægjuleg og upplifunin á
lokaáfangastað.
•3. Tenging við Kanadabúa: Einkenni Kanada koma fram í fólkinu: hnyttið, skemmtilegt,
aðgengilegt og ekta. Ferðamenn munu skilja hvaðan Kanada kemur og á hvaða leið það er.
•4. Kanadískt verðlaunaeldhús: Kanadískar matarhefðir eru eins konar kynning á þeim
staðarháttum, menningu og fólki sem mótar landið.
•5. Ævintýramennska og mikilfengleg náttúruundur: Ferðamenn eiga ekki að þurfa að fórna
þægindum til að upplifa náttúruundur .
•Ferðamönnum sem sækja Kanada heim hefur fækkað undanfarin áratug. Hins vegar hafa tekjur á
hvern ferðamann aukist. Flestir koma í júlí og ágúst .
•Kanadíska ferðamálaráðið (Canadian Tourism Commission, CTC) sér um alþjóðlega
markaðssetningu Kanada undir einkunnarorðunum „Keep Exploring“
•Lagt er upp með það að fá sem mestar tekjur af þeim erlendu ferðamönnum sem koma til
landsins og hámarka þannig gjaldeyristekjur. Markaðsherferðir CTC erlendis miðast við að ná til
þeirra ferðamanna sem líklegastir eru taldir til að skilja mest eftir sig í landinu, þ.e. eyða mestu.
•CTC leggur í umfangsmikla vinnu við greiningu markaða og öflun nýrra viðskiptavina. Lögð er
áhersla á að aðstoða fyrirtæki við að undirbúa sig undir að taka við ferðamönnum frá nýjum
mörkuðum og er það m.a. gert með aðstoð markaðstólsins Explorer Quotient. Með því geta
fyrirtæki greint þær „týpur“ ferðamanna sem eru líklegar til að vilja þeirra vöru og sniðið
markaðssetningu sína beint að þeim.
•Fyrirtæki hafa einnig aðgang að verkfærakistum í upplifunarferðamennsku (experience toolkit)
og mörkun (brand toolkit).
•CTC ásamt samtökum ferðaþjónustunnar (Tourism Industry Association, TIA) hefur beitt sér fyrir
því að laga vegabréfaeftirlit að þörfum ferðaþjónustunnar, en hert vegabréfaeftirlit er talin ein af
helstu ógnum við iðnaðinn.
3