Kanada - Saf

Auk þess að starfa með yfirvöldum á hverju svæði leggur CTC mikið uppúr samstarfi við
einkafyrirtæki, í ferðaþjónustu víða um landið, einkum í gegnum vefinn með því að bjóða
öllum aðgang af rannsóknum sínum og markaðsupplýsingum.
Grunnstefið í stefnu stjórnvalda kemur fram í skilaboðum og markaðssetningu CTC á Kanada
sem heilsársáfangastað fyrir ferðamenn. Áhersla er lögð á að kynna Kanada sem áfangastað
þar sem ferðamenn geta upplifað eitthvað nýtt og spennandi og búið til sína eigin einstöku
reynslu úr sínu ferðalagi (create extraordinary personal experiences).
Stjórnarformaður og framkvæmdastjóri CTC eru skipaðir beint af landsstjóra Kanada
(Governor-in-Council) en 26 einstaklingar sem eiga sæti í framkvæmdastjórn (board of
directors) eru skipaðir af iðnaðarráðherra með samþykki landsstjóra (Canadian Tourism
Commision, 2010, bls. 28)
2. Stefnumótun
CTC sem undirstofnun kanadíska iðnaðarráðuneytisins virðist halda alfarið utan um
stefnumótun og framtíðaráætlanir í ferðamálum landsins. Þetta má sjá af því að öll ný skjöl
(frá síðustu fimm árum) um stefnu í ferðamálum koma frá CTC en nýjustu gögn sem finna má
á vef ráðuneytisins um heildarstefnu á landsvísu í málaflokknum eru frá því í
stefnumótunarvinnu sem fram fór árið 2006. Frá þeim tíma virðist CTC hafa alfarið tekið við
keflinu, en ráðherrar ferðamála í hverju fylki starfa náið með stofnuninni.
Yfirlýst markmið CTC er að auka útflutningstekjur vegna ferðaþjónustu í Kanada. Sýn CTC
byggir á hugmyndinni um að „inspire the world to explore Canada.“ Lagalegt hlutverk
stofnunarinnar er fjórþætt:
Að stuðla að lifandi og arðvænlegri ferðaþjónustu
Að markaðssetja Kanada sem ákjósanlegan áfangastað fyrir ferðamenn
Að styðja við samstarf milli einkageirans og hins opinbera sem og milli fylkja og
svæða í þágu ferðaþjónustunnar
Að útvega og birta upplýsingar um ferðaþjónustu í Kanada fyrir fyrirtæki í
ferðaþjónustu og yfirvöld á öllum stjórnstigum
Samkvæmt iðnaðarráðuneytinu á stefna í ferðaþjónustu á landsvísu að leggja grunn að
„langtíma, samhæfðri nálgun að varanlegum vexti atvinnugreinarinnar. Með því að vinna
9