Kanada - Saf

saman geta einkaaðilar og hið opinbera haldið áfram að byggja upp atvinnugrein sem er
samkeppnishæf á alþjóðamörkuðum Kanadamönnum og komandi kynslóðum til heilla“
(Industry Canada, 2006, bls. 20).
CTC gengur út frá þessari stefnu og lítur á hlutverk sitt á eftirfarandi hátt:
Í samstarfi við kanadíska ferðaþjónustu vinnum við að því að kynna Kanada sem
alþjóðlega samkeppnishæfan fyrsta flokks heilsársáfangastað þar sem ferðamenn hafa
aðgang að einstökum upplifunum. Við tölum einni röddu fyrir hönd Kanada á
alþjóðlegum vettvangi (Canadian Tourism Commision, 2011, bls. 7).
2.1. Á hvaða sviðum ferðaþjónustu byggir stefnumörkun
Heildarstefna í ferðamálum á landsvísu í Kanada byggir á svokallaðri Quebec yfirlýsingu sem
undirrituð var í nóvember 2003. Yfirlýsinguna undirrituðu ráðherrar og ráðamenn á sviði
ferðamála í landinu (ríkisstjórnar, fylkjastjórna og svæðisstjórna) og með henni var mikilvægi
ferðaþjónustu fyrir efnahagslíf í Kanada undirstrikað (Industry Canada , 2003).
Þremur árum síðar var farið í þróunarvinnu þar sem farið var ofan í saumana á því hvernig
mætti auka samkeppnishæfni Kanada á sviði ferðamála og sett var fram forgangsröðun sem
stuðla átti að vexti ferðaþjónustu.
(http://www.ic.gc.ca/eic/site/dsib-tour.nsf/eng/h_qq00173.html).
Þriðja mikilvæga skrefið í átt að samræmdri stefnu var stigið þegar ferðaþjónustan fékk
sérstaka fjárveitingu í efnahagsáætlun (Economic Action Plan) sem sett var fram af ríkisstjórn
Kanada í janúar 2009 (Department of Finance Canada, 2009).
Segja má að í þessum stefnumótunarskjölum komi fram helstu áherslur í stefnu stjórnvalda
varðandi ferðaþjónustu.
Úr Quebec yfirlýsingunni 2003
Ferðaþjónustan í heild er einn af stærstu atvinnuveitendum landsins og þar skapast
störf sem krefjast fjölbreyttrar þekkingar og færni og dreifast um þéttbýl og dreifbýl
svæði Kanada
Sjálfbær ferðaþjónusta er hagsmunamál fyrir náttúru, menningararf og lífsgæði
Kanadabúa
10