Kanada - Saf

Lifandi borgir og náttúra (Vibrant cities on the edge of nature)
Borgirnar okkar eru opnar og iða af lífi. Með náttúruna sem bakgrunn fyllast gestir innblæstri
og uppgötva nýjar víddir. Hraði og aðdráttarafl kanadískra miðborga getur einnig staðið undir
því að vera sérstakur styrkleiki þegar kemur að samkeppnishæfni.
Ferðalög á landi, sjó og í lofti (Personal journeys by land, sea, air, rail)
Í Kanada getur ferðin sjálf verið jafn ánægjuleg og upplifunin á lokaáfangastað.
Tenging við Kanadabúa (Connecting with Canadians)
Einkenni Kanada koma fram í fólkinu: hnyttið, skemmtilegt, aðgengilegt og ekta. Ferðamenn
munu skilja hvaðan Kanada kemur og á hvaða leið það er.
Kanadískt verðlaunaeldhús (Award-winning local cuisine)
Kanadískar matarhefðir eru eins konar kynning á þeim staðarháttum, menningu og fólki sem
mótar landið.
Ævintýramennska og mikilfengleg náttúruundur (Active adventure among aweinspiring
natural wonders)
Ferðamenn þurfa ekki að fórna þægindum til að upplifa náttúruundur og geta notið þeirra án
þess að hafa sérstaka færni eða reynslu af útivist og ævintýramennsku.
Með því að beina sjónum að þessum fimm þáttum er reynt að draga saman það sem Kanada
hefur helst fram að færa og getur keppt í á heimsvísu (Canadian Tourism commision, 2011,
bls. 14).
3.4.2. Söluvörur helstu áfangastaða
Þótt spilavíti séu sjaldan nefnd á nafn í opinberri stefnumótun eru þau lykiþáttur í tekjuöflun
ferðaþjónustunnar. Á árinu 2010 námu tekjur af spilavítum 7,1 milljarði dala og heimsóknir
þangað voru 42% allra heimsókna á ferðamannastaði (tourist attractions) innan Kanada.
Náttúruundur, upplifanir og ævintýramennska eru fyrirferðamest í stefnu á landsvísu þá má
t.d. benda á að fleiri ferðamenn sækja spilavítið Casino Niagra heim á ári hverju en skoða
sjálfa Niagra fossana (sjá töflu) .
38