Kanada - Saf

eru þó í boði en þeir eru oftar en ekki ætlaðir fyrirtækjum sem búa yfir vörum sem þegar eru
tilbúnar til útflutnings og markaðssetningar (export ready).
6. Helstu niðurstöður
Ferðamönnum sem sækja Kanada heim hefur fækkað undanfarin áratug. Hins vegar hafa
tekjur á hvern ferðamann aukist. Flestir koma í júlí og ágúst en komur eru þó nokkuð jafnar
yfir árið samanborið við önnur lönd, t.d. Ísland og Noreg.
Umhverfi ferðaþjónustufyrirtækja er að mörgu leyti afar ólíkt milli ríkja auk þess sem
gestafjöldi er misjafn. Sé tekið mið af tölum um komur erlendra ferðamanna til hvers fylkis
(provinces visited) má sjá að fjögur stærstu fylkin fá til sín um tæp 90% erlendra gesta en öll
hin deila með sér tekjunum af þeim 10% sem eftir standa. Skattlagning er líka ólík eftir
fylkjum og eins mikilvægi ferðaþjónustunnar.
Þar sem Kanada er skipt í mörg svæði sem hvert hefur sína stjórn þá er misjafnt frá einu fylki
til annars hvernig skipan ferðamála er háttað. Sem dæmi má nefna að í British Columbia þar
sem ferðaþjónusta er afar mikilvæg atvinnugrein (yfir 6% mannaflans starfa beint við
ferðaþjónustu) heyra málefni hennar undir sérstakt ráðuneyti atvinnu, ferðamála og
nýsköpunar. Ferðaþjónustan er því nátengd þróun og nýsköpun í atvinnumálum fylkisins. Í
fylkjum sem leggja meiri áherslu á hefðbundnari atvinnugreinar, eins og t.d. landbúnað og
skógarhögg er ferðaþjónustunni ekki gert eins hátt undir höfði og minni áhersla lögð á þróun.
Stefna Kanada í ferðamálum á landsvísu er að gera landið að heilsársáfangastað fyrir
ferðamenn. Lagt er upp með það að ná sem mestu út úr þeim erlendu ferðamönnum sem koma
til landsins og hámarka þannig gjaldeyristekjur.
Markaðsherferðir CTC á erlendri grundu hafa undanfarið miðast við það að ná til þeirra
ferðamanna sem líklegastir eru taldir til að skilja mest eftir sig í landinu, þ.e. eyða mestu. Með
þetta markmið í huga gerir CTC reglulega rannsóknir á erlendum mörkuðum og skoðar vitund
um Kanada, væntingar og óskir væntanlegra ferðamanna. Þá eru gerðar kannanir meðal þeirra
ferðamanna sem þegar eru komnir til landsins og skoðað hvort vöruframboð í ferðaþjónustu
passar við þann hóp sem heimsækir Kanada.
CTC leggur í umfangsmikla vinnu við greiningu markaða og öflun nýrra viðskiptavina.
Skilgreindir lykilmarkaðir eru 11, þar af eru fimm kjarnamarkaðir (Bandaríkin, Bretland,
Frakkland, Þýskaland og Ástralía) og sex nýir markaðir (Kína, Indland, Mexíkó, Brasilía, S.-
45