Kanada - Saf

Bretland
Næst stærsti markaðurinn með um 4% erlendra ferðamanna sem komu til Kanada á árinu
2010. Þótt breskum ferðamönnum hafi heldur fækkað undanfarin ár þá er straumur
ferðamanna frá Bretlandi nokkuð stöðugur, einkum vegna fjölda Breta sem eiga ættingja í
Kanada (Euromonitor - Tourism Flows Inbound Canada, 2011, bls. 1).
Markaðsupplýsingar og markaðsrannsóknir fyrir Bretland
Upplýsingar um markaðsaðgerðir CTC í Bretlandi
Ástralía
Ástralir eru þeir erlendu ferðamann sem koma fast á hæla Bandaríkjamanna í eyðslu á
sólarhring á ferðalögum sínum um Kanda. Þótt Bandaríkjamenn eyði meiru þá staldra Ástralir
jafnan lengur við eða að meðaltali í 14 nætur og því telur CTC að eftir miklu sé að slægjast í
Ástralíu og leggur áherslu á að ná í gegn með sinn markaðsboðskap þar í landi
(Canada.Travel - Australia). Gert er ráð fyrir áframhaldandi fjölgun gesta frá Ástralíu fram til
ársins 2015 (Euromonitor - Tourism Flows Inbound Canada, 2011, bls. 7).
Markaðsupplýsingar og markaðsrannsóknir fyrir Ástralíu
Upplýsingar um markaðsaðgerðir CTC í Ástralíu
Frakkland
Frakkland er þriðji stærsti markaðurinn á eftir Bandaríkjunum og Bretlandi en hið
frönskumælandi Quebec fylki er langvinsælasti áfangastaður Frakka sem koma til Kanada.
Miklir möguleikar eru taldir á fjölgun ferðamanna frá Frakklandi enda sýna rannsóknir CTC
að 5,8 milljónir franskra ferðamanna segja líklegt eða mjög líklegt að þeir muni ferðast til
Kanada á næstu tveimur árum (Canadian tourism Commission - Global Tourism Watch 2010, 2011,
bls. 11).
Markaðsupplýsingar og markaðsrannsóknir fyrir Frakkland
Upplýsingar um markaðsaðgerðir CTC í Frakklandi
Þýskaland
Eftir fækkun Þjóðverja sem heimsækja Kanada á árunum 2008 og 2009 virðist ferðamönnum
þaðan vera að fjölga að nýju á árinu 2010 (Canadian Tourism Commission - Germany).
Markaðsupplýsingar og markaðsrannsóknir fyrir Þýskaland
Upplýsingar um markaðsaðgerðir CTC í Þýskalandi
24