Kanada - Saf

Markmiðið með þessari verkfærakistu er að tengja saman félagsleg gildi og viðhorf gesta
annars vegar og ferðahegðun þeirra hins vegar. Hugmyndin að baki þessu markaðstóli gengur
út á að tveir ferðamenn sem standa í sömu sporum á sama áfangastað geti upplifað sama
viðburð á gjörólíkan hátt. Túlkun ferðaupplifunar er tekin með í reikninginn og samkvæmt
rannsóknum CTC hafa grunngildi einstaklingsins, lífsreglur hans og viðhorf áhrif á það
hvernig hann upplifir tiltekinn áfangastað eða reynslu af heimsókn til landsins.
Sem dæmi má nefna að fólk sem lítur á veröldina sem hættulegan stað leitar eftir öryggi og
kunnugleika á sínum ferðalögum á meðan þeir sem sækjast í ævintýri vilja annars konar
upplifanir á sínum ferðalögum. Fjöldi áfangastaða innan Kanada höfðar til beggja hópa, en
mestu skiptir að skoða reynsluna í réttu samhengi og greina niður hvaða týpa af ferðamanni
hver og einn er (Canadian Tourism Commision, 2011)
Mynd 7 KA Níu týpur ferðamanna. (http://en-corporate.canada.travel/resources-industry/toolkits/eq-teaser).
3.1.4. Kaupákvörðunarferli erlendra ferðamanna
Ásamt því að nota EQ við greiningar á þeim markaðsupplýsingum sem CTC aflar í sínum
rannsóknum skoðar stofnunin enn fremur svokallað kaupákvörðunarferli (path-to-purchase) á
hverjum markaði. Með því leitast CTC við að aðstoða fyrirtæki í ferðaþjónustu við að auka
skilning á þörfum viðskiptavina.
Kaupákvörðunarferlinu er ætlað að varpa ljósi á það ferli sem mögulegur viðskiptavinur
ferðaþjónustunnar í Kanada fer í gegnum áður en hann stígur skrefið að kaupa sér ferð í
Kanada. Sjö stig eru í ferlinu frá því ferðamaðurinn fær vitund um Kanada þar til hann kaupir
27