PËR PROCEDURAT TATIMORE NË REPUBLIKËN E SHQIPËRISË ...

52.4 Drejtori i Përgjithshëm i Tatimeve, ka të drejtë të lejojë mospërdorimin e
dokumentave tatimore të përmendura në pikën 52.1 më lart. Per kete, personi i tatueshëm,
subjekt i tatimit mbi vleren e shtuar apo i tatimit mbi fitimin duhet te paraqese kerkesen me
shkrim tek drejtoria rajonale e tatimeve te juridiksionit, ne te cilen argumenton se sistemi i tij i
regjistrimeve është i kompjuterizuar, i aftë të prodhojë besueshmërisht dokumenta tatimore me
numer serial per çdo transaksion të tatueshëm dhe se ka një numër të konsiderueshëm klientësh.
Ne kete rast personi i tatueshem paraqet edhe modelin e fatures qe propozon te perdore.
Drejtoria rajonale e tatimeve, pas verifikimit te faktit nese fatura kompjuterike qe do te leshoje
personi i tatueshem permban te gjithe te dhenat e nevojshme, kerkesen me shkrim te personit, se
bashku me nje opinion te shkurter te saj, e dergon ne Drejtorine e Pergjithshme te Tatimeve. Kjo
e fundit brenda 30 ditesh nga data e marrjes se kerkeses nga drejtoria rajonale e tatimeve, jep
ose jo miratimin per perdorimin e kesaj fature, duke njoftuar me shkrim personin e tatueshem dhe
njekohesisht drejtorine rajonale te tatimeve. Ne rastin e miratimit, Drejtoria e Përgjithshme e
Tatimeve, nëpërmjet drejtorise rajonale te tatimeve në të cilën personi është regjistruar, i njofton
atij zyrtarisht diapazonin e numrave seriale për faturat që ai do të përdorë ne aktivitetin e tij
ekonomik e tregtar.
52.5 Në raste të veçanta, duke përdorur të njejtat kritere të dhëna në pikën 52.4 më lart,
Drejtori i Përgjithshëm i Tatimeve autorizon përdorimin e faturave kompiuterike për faturat e
shoqërimit dhe për faturat ë thjeshta tatimore, sipas rastit, për tatimpaguesit e tvsh-së, për
tatimpaguesit e bisnesit të vogël, organizatat jo-fitimprurëse, fondacionet, njesite e zbatimit te
projekteve, entet publike kombetare e vendore, organizatat politike dhe organet e tjera te
ngjashme me to.
53. Faturat tatimore të përgatitura nga blerësi
53.1 Në rastin e shitjeve nga individët, që nuk kanë cilësinë e tregtarit, fatura përgatitet
nga blerësi, ushtrues i veprimtarisë tregtare, me kusht që dokumenti të përmbajë përshkrimet dhe
të dhënat e parashikuara në këtë ligj dhe vërtetohet nga furnizuesi. Fatura e përdorur në këtë rast
është fatura tatimore me numur serial qe blerësi subjekt tregtar përdor në aktivitetin e tij.
Personi i tatueshem si marres i furnizimit eshte i detyruar qe te shenoje ne faturen e
pergatitur per veten e tij të dhënat identifikuese të shitësit. Fatura e leshuar si me siper nga vete
bleresi, person i tatueshem eshte një dokument qe justifikon shpenzimet e zbritshme te biznesit per
efekt te llogaritjes se tatimit mbi fitimin.
P.sh. një tatimpagues grumbullues produktesh bujqësore blen produkte bujqësore apo
blektorale nga fermerë të vegjël të pa regjistruar në tatime. Në këtë rast blerësi përpilon një
faturë ku figuron si blerës dhe ku vendos të dhënat identifikuese të shitësit individ dhe sasinë dhe
vleftën e mallit të blerë prej tij. Për këtë qëllim mund të shërbejë, sipas rastit, fatura tatimore me
tvsh ose fatura e thjeshtë tatimore, të cilat tatimpaguesi i përdort normalisht në bisnesin e tij në
përputhje me dispozitat e këtij udhëzimi. Në këto fatura shënohet gjithashtu në një vend të
dukshëm “Faturë e lëshuar nga blerësi”.
Po kështu, një shoqëri tregtare paguan një individ vendas ose të huaj (që nuk është i
regjistruar në organet tatimore shqiptare) për një shërbim rastësor konsulence, përkthimi, etj.,
Në këtë rast shoqëria përfituese e shërbimit përpilon një faturë, e cila përfshirë shënimin “Faturë
e lëshuar nga blerësi”, të dhënat identifikuese të individit shitës të shërbimit, vleftën e shërbimit
dhe tatimin që mbahet në burim të llogaritur për pagesen e këtij shërbimi.
53.2 Ministri i Financave, me udhëzim, mund të parashikojë forma të posaçme
dokumentesh, që zëvendësojnë faturën tatimore.
54. Kuponi tatimor i lëshuar nëpërmjet paisjeve fiskale
54.1 Kuponi tatimor eshte dokument i leshuar me ane te pajisjeve fiskale apo te pajisjeve
te tjera elektronike me aparat shtypshkrimi. Forma dhe permbajtja e kuponit tatimor eshte siç
percaktohet ne Vendimin e Keshillit te Ministrave Nr.781, date 14.11.2007 “Per karakteristikat
teknike e funksionale te pajisjeve fiskale, sistemit te integruar te kompjuterizuar per transferimet
periodike, automatike te deklarimeve financiare, sistemit te komunikimit per proceduren e