PËR PROCEDURAT TATIMORE NË REPUBLIKËN E SHQIPËRISË ...

mbi te cilat nuk mund te shtrihet ekzekutimi sipas nenit 529 te Kodit te Procedurës Civile;
d) kur akti me ane te te cilit kërkohet te veprohet për ekzekutimin për mbledhjen me force
te tatimeve ka dale jo ne emër te tatimpaguesit por kundrejt një personi tjetër.
92.1.2 Tatimpaguesi, ne rast se ka konstatuar parregullshmeri ne ekzekutimin e vendimit,
e ushtron te drejten e ankimit brenda 30 ditëve nga data e konstatimit te tyre. Ne çdo rast ne
ankesën e tij tatimpaguesi është i detyruar t’i provoje administratës tatimore momentin se kur ai
ka marre dijeni për një parregullsi, gjë e cila duhet te provohet vetëm me ane te provave
shkresore. Ne çdo rast, pavarësisht nga paraqitja e provave prej tatimpaguesit, kur rrethanat e
çështjes tregojnë se ai kishte mundësi për te marre dijeni për njoftimin për ekzekutimin e vendimit
me pare, ankesa e tatimpaguesit nuk merret ne konsiderate nga ana e administratës tatimore.
Kërkesa, nëse nuk është paraqitur brenda afatit kohor prej 30 ditësh, konsiderohet e pavlefshme
dhe nuk shqyrtohet.
92.2 Kur një parregullsi e pretenduar nga tatimpaguesi rezulton se është e vërtete,
atëherë titullari i administratës tatimore qe ka nxjerre vendimin për marrjen e masave te
sigurisë, i përcaktuar sipas paragrafit 2 te nenit 92 te Ligjit, ka te drejte qe ne baze te një vendimi
me shkrim, te motivoje revokimin e vendimit dhe te çliroje nga barra sendet mbi te cilat është
vendosur barra siguruese apo hipoteka. Ne çdo rast vendimi i revokimit dhe i pranimit te
kërkeses ankimore te tatimpaguesit duhet te jete i arsyetuar dhe te jepet brenda afateve kohore te
parashikuara ne rastin e kthimit te përgjigjes për një ankim tatimor. Ne çdo rast vendimi qe ka
marre ne shqyrtim kërkesën për kundërshtim te vendimit te marrjes se masave te sigurisë për
shkak te parregullshmerive ne ekzekutim ruhet ne dosjen e tatimpaguesit.
92.3 Tatimpaguesi ka te drejte te apeloje vendimin e Drejtorit te Drejtorise Rajonale, te
Zyrës se Tatimeve te njësisë se qeverisjes vendore, brenda afateve dhe ne formën dhe mënyrën e
kërkuar nga Kreu XIII i Ligjit dhe sipas procedurave te përcaktuara ne ketë udhëzim për ankimet
tatimore.
93. Sekuestrimi i pasurisë
93.1 Sipas nenit 89 te ligjit, ne lajmërimin për pagimin e detyrimeve tatimore,
administrata tatimore është e detyruar te njoftoje tatimpaguesin për afatin kohor qe ai ka ne
dispozicion për te paguar vullnetarisht detyrimin e tij tatimor. Kur administrata tatimore
konstaton se nga ana e tatimpaguesit nuk është paguar detyrimi brenda këtij afati kohor, ajo, ne
përputhje me nenin 90 dhe 91 te ligjit, bllokon llogarite bankare te tatimpaguesit, nxjerr njoftimin
për fillimin e procedurave te mbledhjes me force te detyrimit tatimor, si dhe merr masat për
sigurimin e pasurisë se tij duke vendosur mbi sendet ne pronësi te tatim paguesit, barre siguruese
apo hipoteke. Me nxjerrjen e Urdhër Bllokimit sipas nenit 90 dhe Vendimit për marrjen e masave
te sigurisë ne përputhje me nenin 91 te ligjit, administrata tatimore siguron ne favor e saj
pagimin e detyrimit nëpërmjet tërheqjes se parave nga llogaria bankare e tatimpaguesit, ose
nëpërmjet vendosjes se sekuestros per pasuritë mbi te cilat është vendosur barra siguruese dhe
hipoteka. Sipas nenit 90 te Ligjit për procedurat tatimore bankat te cilave ju është dërguar
Urdhër Bllokimi i llogarive dhe depozitave te kursimit te tatimpaguesit kalojnë, sipas
parashikimeve te pikës 90.1 te këtij Udhëzimi, shumat ne favor te administrates tatimore, dhe
nëse këto shuma nuk plotësojnë detyrimin tatimor te papaguar te tatim paguesit, administrata
tatimore sekuestron ne favor te saj te gjitha sendet e luajtshme dhe te paluajtshme ne pronësi te
tatimpaguesit, ndaj te cilave ajo ka vendosur me pare barrën siguruese apo hipotekën.
93.2 Administrata tatimore është organi përgjegjës për kryerjen e te gjitha veprime
procedurale për te ekzekutuar sekuestron mbi sendet, mbi te cilat janë vendosur si barre
siguruese dhe hipoteke. Për ketë qellim administrata tatimore e cila ka kompetencën e kryerjes se
sekuestros, njofton zyrën ku ajo ka regjistruar barrën siguruese, dhe Zyrën Qendrore dhe
Vendore te Regjistrimit te Pasurive te Paluajtshme ne rastin kur sendet janë ne hipoteke.
93.3. Urdhëri për Sekuestrim nxirret nga Drejtori i Drejtorisë Rajonale, ose titullari i
Zyrës Tatimore te qeverisjes vendore. Sekuestrimi mbi te gjitha pasuritë e luajtshme dhe te
paluajtshme dhe te drejtave mbi këto pasuri te tatimpaguesit debitor ekzekutohet duke filluar