PËR PROCEDURAT TATIMORE NË REPUBLIKËN E SHQIPËRISË ...

administrata tatimore e pranon vendimin, detyrimi tatimor, i paguar më tepër nga tatimpaguesi
dhe kamatëvonesa për tatimet e paguara më tepër, të llogaritura nga data e pagesës së detyrimit
tatimor deri në datën e rimbursimit, i rimbursohen tatimpaguesit brenda 30 ditëve kalendarike
nga data kur është marrë ose vlerësohet të jetë marrë vendimi i drejtorisë së apelimit tatimor.
110.2. Nëse drejtoria e apelimit tatimor lë në fuqi vendimin e administratës tatimore,
kamatëvonesa, e llogaritur nga data e nxjerrjes së vlerësimit tatimor fillestar, dhe çdo gjobë
paguhen nga tatimpaguesi, brenda 30 ditëve kalendarike nga data kur vendimi і kësaj drejtorie
është marrë ose vlerësohet të jetë marrë.
110.3. Njësitë e administratës tatimore, të përfshira në shqyrtimin administrativ të aktit,
mund të ankohen në gjykatë kundër vendimit të drejtorisë së apelimit tatimor, sipas afateve të
parashikuara në nenin 107, të këtij ligji.
KREU XIV
SANKSIONET
111. Denimet administrative
111.1 Çdo veprim ose mosveprim i tatimpaguesit, agjentit tatimor apo përfaqësuesit të
tatimpaguesit, që bie në kundërshtim me ligjin, dhe qe nuk eshte veper penale, përbën shkelje
tatimore administrative dhe denohet administrativisht.
Për shkeljet që konstatohen, pas hyrjes në fuqi të Ligjit nr.9920 datë 19.5.2008 “Për
Procedurat Tatimore në Republikën e Shqipërisë”, do të zbatohen nivelet e dënimeve
administrative që parashikon ky ligj, pamvarësisht nga koha kur ka ndodhur shkelja.
111.1.1 Ne rastet kur shkeljet e konstatuara jane pasoje e njera tjetres, te rrjedhura nga
nje shkelje baze, për një lloj tatimi, vendoset nje denim i vetem qe është dënimi me gjobën më të
lartë i njërës nga shkerljet e mësipërme. P.sh., nëse një tatimpagues nuk ka lëshuar faturë
tatimore ai do të dënohet sipas nenit 116 të Ligjit. Në të njejtën kohë ky tatimpagues ka shkelje që
lidhen ose janë pasojë e moslëshimit të kësaj fature, si mosregjistrimi i faturës në librin e
shitjeve, mosdeklarimi dhe mos-pagesa e tvsh-së që i takon kësaj fature, etj. Në këtë rast do të
aplikohet denimi sipas nenit 116 të Ligjit, i cili përmban dënimin më të lartë krahasuar me rastet
kur shkeljet e tjera do kishin ndodhur të veçuara. Ose, psh, nese nje tatimpagues nuk instalon
pajisjen fiskale atehere ai nuk leshon as kupon tatimor. Mosleshimi i kuponit eshte pasoje e
mosinstalimit te pajisjes fiskale, keshtu qe ne kete rast mund te vendoset nje gjobe e vetme.
111.1.2 Ne rastet kur gjoba nuk eshte fikse por me diapazon (me kufi minimal dhe
maksimal), madhesia e gjobes brenda diapazonit te percaktuar nga ligji vendoset duke përdorur
gjykimin më të mirë bazuar në:
a) Rendesinë e shkeljes
b) Arësyet e shkeljes
c) Historia e rregullshmerisë në plotësimin e detyrimeve tatimore nga tatimpaguesit
d) Rrethanat konkrete të tatimpaguesit ne kohen e shkeljes;
e) Madhesia e biznesit dhe vendndodhja
f) A është e përsitur shkelja dhe a ka qene i informuar tatimpaguesi
g) Pasojat lidhur me tatimin e papaguar
111.2 Shkeljet e ligjit, që parashikohen për lëvizjen e mallrave, nëpërmjet kufirit doganor
të Republikës së Shqipërisë, dënohen në përputhje me legjislacionin doganor në fuqi. Ne kete
rast organet doganore jane pergjegjese per konstatimin e shkeljes dhe aplikimin e denimeve
administrative.
111.3 Shkeljet e ligjit, që parashikohen për mallrat e akcizës, zbatohen në përputhje me
ligjin në fuqi për akcizat. Çdo shkelje tatimore, e karakterizuar si e tille nga ligji per akcizat,
denohet sipas percaktimeve te bera ne kete ligj. Nga ana tjeter, çdo shkelje tjeter, qe nuk
permendet ne ligjin per akcizat por karakterizohet si shkelje ne baze te ligjit per procedurat
tatimore, denohet sipas percaktimeve te bera ne kete te fundit.