PËR PROCEDURAT TATIMORE NË REPUBLIKËN E SHQIPËRISË ...

merret afati maksimal postar qe llogaritet nga data e nisjes se njoftimit me poste deri ne
mbërritjen ne adresën e personit te trete. Njoftimi për personin e trete mund te behet edhe me
forma te tjera te dërgimit te tij si dhe me dhënien dorazi te tij kundrejt konfirmimit për marrjen e
tij për personin qe i adresohet njoftimi. Personi i trete te cilit i drejtohet njoftimi duhet te paguaje
detyrimin brenda afatit 14 ditor nga data e marrjes dijeni për njoftimin. Ne rast se dita e 14 bie
dite pushimi, ky afat shtyhet deri ne ditën e pare te punes qe vjen mbas këtij afati.
97.2 Detyrimi tatimor qe do te perllogaritet per personin e trete ndaj te cilit eshte
transferuar detyrimi, do te behet mbi bazen e vleres se tregut te pasurise e cila i eshte transferuar
personit te trete. Ne asnjë rast organi tatimor, nuk mund te llogarise detyrimin per personin e
trete me shume sesa eshte vlera reale e tregut per pasurinë e përfituar prej tij. Për te llogaritur
vlerën e tregut administrata tatimore mbështetet ne te dhëna qe mund te marre prej INSTAT-it, në
te dhëna qe ajo disponon prej tatimpaguesve te tjerë për te njëjtin transaksion të kryer ne kushte
dhe vend te njëjte me atë qe ka kryer tatimpaguesi dhe personi i trete, në çmime qe mund te kenë
zyra te ndryshme qe merren me regjistrimin e pasurive dhe në çmimet ne rastet e kryerjes se
transaksioneve për kalimin e pronesise se tyre, në çmimet qe mund te ketë nxjerre vete
administrata tatimore nga hulumtimi i tregut.
97.3 Ne çdo rast kur detyrimi tatimor i transferohet një te treti, administrata tatimore
kryen te gjitha veprimet e parashikuara nga neni 88 e vijues i ligjit dhe ne ketë udhëzim, pasi
personi i trete qe i eshte transferuar detyrimi tatimor, konsiderohet si tatim pagues debitor dhe
njoftohet për transferimin e këtij detyrimi. Ne çdo rast njoftimi përveç sa është parashikuar ne
nenin 89 te Ligjit, dhe ne ketë Udhëzim, duhet te përmbaje te arsyetuar edhe shkakun e
transferimit te këtij detyrimi tatimor tek personi i trete. Personit te cilit i transferohet detyrimi, i
jepen te gjitha te drejtat qe ai ka për ta kundërshtuar ketë transferim, dhe për t’i provuar
administratës tatimore, se detyrimi tatimor nuk mund t’i transferohet këtij personi. Nëse personi
qe i transferohet detyrimi, edhe pas njoftimit te bere nga administrata tatimore, nuk e
kundërshton atë brenda afateve kohore te parashikuara ne ligj për tatimpaguesin, administrata
tatimore është e detyruar te filloje te gjitha masat shtrënguese qe i jep ligji për mbledhjen me
force te tatimit prej tij.
98. E drejta për të kërkuar detyrimet nga pala e tretë
98.1 Administrata tatimore, ne ato raste kur ka dijeni qe pale te treta kane per te paguar
shuma te caktuara ne favor te tatimpaguesit debitor, mund te kërkoje nga këta persona qe
detyrimet e tyre monetare kundrejt tatimpaguesit, ti derdhin ne favor te administratës tatimore.
Palët e treta për të kryer këto pagesa ne favor te administratës tatimore, duhet te jene njoftuar
prej kësaj te fundit me shkrim, dhe detyrimi i tyre fillon brenda 30 ditëve nga data e marrjes se
njoftimit, por jo me vone se sa 37 dite prej datës se nisjes se njoftimit nga organit tatimor.
98.2 Ne çdo rast administrata tatimore është e detyruar te njoftoje palën e trete sipas
afateve te përcaktuara ne nenin 69 te ligjit për procedurat tatimore, çka do te thotë qe ajo brenda
10 ditëve nga data e marrjes dijeni për pagesat qe kane për te kryer palët e treta kundrejt
tatimpaguesit duhet te përgatisë njoftimin për palën e trete. Si rregull administrata tatimore
duhet te nxjerre njoftimin qe ditën e pare te marrjes dijeni te detyrimeve qe palët e treta i kane
tatimpaguesit, detyrimi tatimor i te cilit nuk është paguar.
98.3.1 Nëse me kalimin e 37 ditëve nga data kur është nxjerre njoftimi për pagimin e
detyrimeve nga pala e trete, prej kësaj te fundit nuk janë kryer pagesat, administrata tatimore
mund te filloje te gjitha procedurat e parashikuara nga nenet 88 e vijues te ligjit
98.3.2 Kur tatimpaguesi nuk e ka paguar detyrimin e tij brenda afatit 30 ditor te njoftuar
sipas paragrafit te pare te nenit 98, dhe kur njoftimi i është dërguar brenda te gjitha afateve te
parashikuara ne nenin 98, paragrafi 2 te Ligjit, administrata tatimore fillon mbledhjen me force
te këtij detyrimi ndaj personit te trete. Procedura e mbledhjes me force te detyrimit tatimor ndaj
nje personi te trete është e njëjte me procedurën për mbledhjen e detyrimeve tatimore te
papaguara nga tatimpaguesit debitorë.
99. Përgjegjësia e ortakut, aksionerit dhe administratorit