PËR PROCEDURAT TATIMORE NË REPUBLIKËN E SHQIPËRISË ...

89. Njoftimi dhe kërkesa për të paguar
89.1 Duke patur parasysh përmbushjen e dispozitave të pikës 88 më lart, kur
administrata tatimore, arrin ne përfundimin se një detyrim tatimor nuk është paguar plotësisht,
ajo menjëherë njofton tatimpaguesin për detyrimin e papaguar, nëpërmjet postes rekomande.
Njoftimi nga ana e administratës tatimore mund te behet edhe me forma te tjera te
dërgimit te njoftimit, përveç postes, duke përfshire edhe dorëzimin dorazi te njoftimit kundrejt
konfirmimit te marrjes se tij prej tatimpaguesit.
Njoftimi përmban shumën e detyrimit te papaguar, llojin e tatimit apo te sanksionit qe
pason ne rast te mos pagimit, fillimin e aplikimit të masave shtërnguese.
Njoftimi i kërkesës për pagimin e detyrimit tatimor, nxirret nga personi përgjegjës, apo
çdo person tjetër i cili e ka te drejtën e nxjerrjes se njoftimit, si e drejte e deleguar, apo si një e
drejte e rrjedhur për shkak te funksioneve qe ai kryen.
Ne rastin kur detyrimet tatimore qe do te paguhen janë te pushtetit vendor, njoftimi
nxirret nga Kryetari i Zyrës Tatimore te qeverisjes vendore. Njoftimi i tatimpaguesit për te
paguar detyrimet tatimore, nxirret brenda 10 ditëve nga ana e administratës tatimore, dhe ky afat
fillon te llogaritet nga data kur tatimpaguesi ka patur detyrimin për ta paguar atë.
Administrata tatimore duhet ta nxjerre njoftimin e kerkeses per pagim brenda tre diteve
pune nga dita e parë e punës pas përfundimit të afatit ligjor për pagimin e detyrimeve. Njoftimi
vendoset ne dosjen e tatimpaguesit brenda 5 ditëve nga data e dërgimit te tij me poste rekomande
apo nga data kur njoftimi i është dorëzuar dorazi tatim paguesit kundrejt konfirmimit te këtij te
fundit për marrjen e tij. Me kalimin e 10 ditëve nga data e nisjes me postë të këtij njftimi ose
brenda 3 ditëve nga data e dorëzimit tatimpaguesit të njoftimit, fillon zbatimi i procedurës për
mbledhjen me force te detyrimeve tatimore.
89.2 Administrata tatimore përdor mënyrën me efikase dhe me te sigurtë për mbledhjen e
detyrimeve tatimore te papaguara nga ana e tatimpaguesit. Ne asnjë rast administrata tatimore
nuk mbivlerëson një mënyre kundrejt një tjetre, si dhe nuk përjashton ekzekutimin mbi disa grupe
pasurish te tatimpaguesit kundrejt te tjerave. Ajo, ne kuptim te nenit 91 te Ligjit për procedurat
tatimore, nxjerr njoftimin sipas te cilit për pasuritë e tatimpaguesit do te fillojnë procedurat për
vënien ne ekzekutim te tyre, me qellim përmbushjen e detyrimit tatimor te papaguar nga
tatimpaguesi.
89.3 Kur administrata tatimore, nga provat e mbledhura prej saj, ose qe gjenden pranë
saj, krijon bindjen se pagimi i detyrimeve tatimore është ne rrezik për tu paguar, ajo nuk pret
dërgimin e njoftimit sipas paragrafit 1 te nenit 89 te ligjit për procedurat tatimore, por fillon
menjëherë procedurën e mbledhjes me forcë te detyrimeve duke përdorur një ose te gjitha
mënyrat e parashikuara nga Kreu XI i ligjit.
89.4 Kur të dhënat dhe provat e mbledhura nga administrata tatimore tregojnë se
ndodhemi përpara rasteve të parashikuara në paragrafin 3 te nenit 89 te ligjit për procedurat
tatimore, organi tatimor mund të bëjë kallëzim për ndjekje penale sipas nenit 131, paragrafi “2”
të këtij ligji, dhe i kërkon organit të prokurorisë të kërkoje në gjykatë marrjen e masës së
sigurimit personal sipas nenit 233 të Kodit të Procedurës Penale. Gjithashtu administrata
tatimore, vetë ose nëpërmjet organit të prokurorisë, ka të drejtë t’i kërkoje edhe bankave me seli
në Republikën e Shqipërisë, të mos lejojnë tatimpaguesin të kërkoje transferimin e shumave jashtë
territorit te Republikës së Shqipërisë. Ky ndalim transferimi nuk kërkohet vetëm për
tatimpaguesin, por edhe për te gjithë pronaret dhe/ose administratoret e tij.
90. Urdhëri i bllokimit të llogarive bankare të tatimpaguesit
90.1 Ne kuptim të paragrafit 1 të nenit 90 si afat i mospagimit në mënyre vullnetare i
detyrimeve tatimore do te merret dita e pare e punës mbas datës se vendosur ne njoftimin e bere
nga ana e administratës tatimore sipas paragrafit 1 te nenit 89 te ligjit. Në rast se ne ketë date
nga ana e tatimpaguesit nuk është paguar detyrimi tatimor, Drejtori i Drejtorise Rajonale ose
titullari i qeverisjes vendore detyrohet të nxjerrë Urdhër Bllokimin e llogarive bankare dhe te
llogarive depozite të tatimpaguesit. Ky Urdhër Bllokimi i dërgohet bankave tek te cilat