PËR PROCEDURAT TATIMORE NË REPUBLIKËN E SHQIPËRISË ...

që ankimi i tij është i papranueshëm.
107.3.2 Nëqoftëse tatimpaguesi bën ankim kundër një detyrimi tatimor dhe në të njejtën
kohë ka paraqitur një kërkesë për kompensim detyrimi (nepermjet se cilës ka argumentuar
kompensimin e detyrimit tatimor qe ankimohet me tatime te paguara teper apo teprice kreditore
nga periudha te me parshme), ne zbatim te neneve 75 dhe 107 te Ligjit, Drejtoria rajonale
tatimore eshtë e detyruar që brenda një periudhe jo më shumë se 15 ditë kalendarike, të
konfirmoje me shkrim ne Drejtorinë e Apelimit Tatimor kompensimin e detyrimit objekt apelimi.
107.4 Tatimpaguesi nuk mund te apelojë në gjykatë një akt administrativ që eshtëbjekt
objekt ankimimi në Drejtorinë e Apelimit Tatimor, pa patur një Vendim të kësaj drejtorie lidhur
me këtë akt administrativ.
108. Veprimet e ndërmarra nga drejtoria e apelimit tatimor lidhur me ankimin
108.1 Drejtoria e Apelimit Tatimor shqyrton dhe merr vendime të pavarura për ankimet e
paraqitura nga tatimpaguesit. Ajo i bazon vendimet e saj në provat dhe argumentet e paraqitura
nga tatimpaguesi dhe administrata tatimore.
108.2.1 Drejtoria e Apelimit Tatimor mund të kërkojë informacion shtesë, p.sh.
dokumente të tjera nga tatimpaguesi, nga administrata tatimore dhe nga palë të treta, si dhe
mund të kërkojë ose të bëjë verifikime që ndihmojne ne shqyrtimin dhe zgjidhjen e drejtë të
çështjes.
108.2.2 Drejtoria e Apelimit Tatimor mund të marrë masa të tjera për qartësimin e
fakteve, p.sh. ata mund të takohen me ankimuesin për qartësimin e fakteve.
108.3.1 Gjatë shqyrtimit të ankimit Drejtoria e Apelimit Tatimor nuk ka të njëjtat të
drejta me ato të organit që ka bërë vlerësimin fillestar të detyrimit tatimor. Drejtoria e kufizon
shqyrtimin vetëm në çeshtjet e ngritura gjatë ankimit. Nëqoftëse gjatë procedurës zbulohen fakte
të reja që provojnë se detyrimi tatimor i përcaktuar nuk është i mjaftueshëm, Drejtoria e Apelimit
Tatimor nuk mund ta rrisë vetë detyrimin tatimor. Kjo drejtori i dërgon shkresë organit
administrativ që ka nxjerrë vendimin objekt ankimi me të cilën vë organin në dijeni për rrethanat
e reja.
108.3.2 Drejtoria e Apelimit Tatimor ka të drejtë të gjykoje gjoba që nuk lidhen me
detyrime tatimore në të njëjtat rrethana që gjykon per detyrimin tatimor te lidhur me te ose
shkeljen tatimore te lidhur me te. Ky gjykim bazohet në analizimin e plotë të arësyeve që kanë
shkaktuar dhe rrethanave në të cilat është kryer shkelja, duke evidentuar faktet dhe argumentat
mbi bazën e të cilave bëhet gjykimi dhe merret vendimi.
Drejtoria e Apelimit Tatimor ka të drejtë të anullojë gjoba, plotësisht apo pjesërisht,
pavarësisht nga vlefshmëria e detyrimit tatimor, ne rastet e parashikuara në përputhje me nenin
111 të Ligjit.
Drejtoria e Apelimit Tatimor heq detyrimet apo gjobat që lidhen me gabime në llogaritje
apo gabime të administrates tatimore apo të sistemit kompiuterik tatimor, dhe një gjë e tillë
provohet nga Drejtoria e Apelimit Tatimor, nga tatimpaguesi ose nga Drejtoria Rajonale e
Juridiksionit.
108.3.3 Vendimi i Drejtorisë së Apelimit Tatimor duhet të nënshkruhet dhe vuloset nga
Drejtori i Drejtorisë së Apelimit Tatimor ose personi i autorizuar prej tij. Vendimi duhet të
përfshijë një shpjegim me shkrim të bazës së tij, duke përfshirë mënyrën e arsyetimit si
parashikohet në nenin 108 të Ligjit të Procedurave Administrative. Për të gjithë pjesëmarrësit në
procedurën e ankimit duhet të jetë e qartë pse Drejtoria e Apelimit Tatimor ka marrë një vendim
të caktuar. Arsyetimi duhet te jete:.
a) I qartë dhe të përfshijë shpjegimin e bazës ligjore dhe faktike të aktit. Kur arsyetimi
është bërë në informacionet apo propozimet e mëparshme, mund të mjaftojë si arsyetim pranimi i
tyre nga ana e organit përgjegjës për marrjen e vendimit përfundimtar. Në këto raste
informacionet dhe propozimet janë pjesë përbërëse e vendimit përfundimtar.
b) Përdorimi për arsyetim i të dhënave të paqarta, kontradiktore ose të pasakta është i
barazvlefshëm me mungesën e arsyetimit.