PËR PROCEDURAT TATIMORE NË REPUBLIKËN E SHQIPËRISË ...

18.2 Drejtori i Drejtorise se Apelimit Tatimor emerohet nga Ministri i Financave.
19. Emerimi i personelit
19.1 Per emërimin dhe ngritjen në përgjegjësi të nënpunësve të administrates tatimore
qendrore zbatohet legjislacioni i nepunesit civil per institucionet e pavarura, perveç rasteve kur
ne kete ligj parashikohet ndryshe.
19.2 Per procedurat e rekrutimit të punonjësve të rinj të administratës tatimore qendrore
zbatohet legjislacioni i nepunesit civil per institucionet e pavarura.
19.3 Punonjesit e administrates tatimore, qe nuk kane statusin e nepunesit civil,
administrohen bazuar në dispozitat te Kodit te Punes.
20. Punesimi dhe kategorite e punesimit
20.1 Rekrutimi, lëvizjet paralele, ngritja në përgjegjësi, motivimi apo marrja e masave
disiplinore për punënjonjësit e administratës tatimore qendrore bëhen nga Drejtori i
Pergjithshem i Tatimeve me propozim të strukturave përkatëse dhe në përputhje me dispozitat e
legjislacionit të shërbimit civil ose Kodit të Punës sipas rastit.
20.2 Ne organike, personeli ndahet sipas detyrave, ne punonjes te nivelit te larte, te
mesem e te ulet drejtues dhe ne punonjes ekzekutues. Kjo ndarje realizohet nëpërmjet miratimit të
strukturave organizative dhe organigramës së detajuar, duke patur parasysh edhe pikat 14, 16
dhe 19 të këtij Udhëzimi.
20.3 Nivelet e pagave per çdo kategori, si dhe procedurat e afatet e kalimit nga nje nivel
me i ulet ne nje nivel me te larte karriere, miratohen nga Keshilli i Ministrave, me propozimin e
Ministrit te Financave, pas bashkerendimit me DAP-in.
21. Shperblimet e personelit
21.1 Punonjësit e administrates tatimore qendrore motivohen nëpërmjet shpërblimeve
duke u bazuar në efektivitetin dhe efikasitetin e punës së tyre dhe në vështirësitë e veçanta në
funksione të caktuara. Në përcaktimin e masës së shpërblimit merren parasysh treguesit
individualë të performances (arritjes së objektivave), bazuar në gjykimin e eprorëve direktë dhe
në raportet e kontrollit të brendshëm e të jashtëm.
21.2 Shperblimet stimuluese jepen nga Drejtori i Pergjithshem i Tatimeve, me propozim
të eprorit direkt të punonjësit të miratuar nga zëvendës drejtori i përgjithshëm ose drejtori i
drejtorisë rajonale sipas rastit.
21.3 Ministri i Financave miraton një udhezim të posaçëm rregullat dhe kriteret që ndjek
Drejtori i Pergjithshem i Tatimeve ne dhenien e shperblimeve.
22. Procedura disiplinore
22.1 Drejtori i Pergjithshem i Tatimeve shqyrton rastet e shkeljeve, te evidentuara nga
eprorët direktë, nepunesit dhe punonjesit e tjere te administrates tatimore qendrore dhe miraton
masat disiplinore ndaj punonjësve të administratës tatimore qendrore. Për ushtrimin e këtij
funksioni, Drejtori i Përgjithshëm i Tatimeve miraton një Komitet Disiplinor të përbërë nga pesë
anëtarë, përkatësisht nga: Zëvendësdrejtori i Përgjithshëm i Shërbimeve Mbështetëse me
atributet e kryetarit, dhe nga katër punonjës të kategorisë A (Drejtorë Drejtorie). Ky Komitet
mblidhet sipas nevojave (propozimeve të mbledhura) dhe i propozon Drejtorit të Përgjithshëm të
Tatimeve masat disiplinore për punonjësit që kanë bërë shkelje, duke dhënë fakte dhe argumenta
për shkeljen dhe masën disiplinore të propozuar.
22.2 Komiteti i Disiplinës Tatimore merr në shqyrtim rastet që i paraqiten nëpërmjet:
a) kerkeses me shkrim te eprorit, nepunesit apo punonjesit te administrates tatimore;
b) kerkeses me shkrim, te bere nga tatimpaguesi, ose përfaqsuesi i tij;
c) me nismen e Drejtorit te Pergjithshem të Tatimeve.
22.3 Masat disiplinore, qe zbatohen per nepunesit civile te administrates tatimore, duhet
të jenë ne perputhje edhe me legjislacionin per sherbimin civil. Po kështu, masat disiplinore që
merren ndaj punonjësve që nuk gëzojnë statusin e nëpunësit civil, duhet të jenë në përputhje me
dispozitat e Kodit të Punës.