PËR PROCEDURAT TATIMORE NË REPUBLIKËN E SHQIPËRISË ...

130.1 Mosafishimi i çmimeve të shitjes së mallrave apo shërbimeve dënohet me gjobë me
35 000 lekë, për tatimpaguesit e klasifikuar si biznes i vogël dhe 65 000 lekë për tatimpaguesit e
tjerë. Në aplikimin e këtij dënimi mbahen parasysh edhe faktet dhe rrethanat konkrete të shitjes së
mallrave dhe shërbimeve.
131. Veprat penale
131.1. Konsiderohen veper penale dhe denohen në përputhje me dispozitat e Kodit Penal
veprat e përkufizuara në nenin 131 të ligjit për proçedurat tatimore.
131.2 Administrata tatimore bën kallëzim penal në prokurori për çdo shkelje të
parashikuar në pikën 1 të nenit 131 të ligjit.
132. Ndjekja e dyfishtë
132.1 Vendosja e dënimit administrativ, sipas këtij ligji ose një ligji tjetër tatimor, nuk e
ndalon administratën tatimore për të paraqitur kallëzim penal në prokurori, për vepra penale
tatimore.
132.2 Përfundimi i një çështjeje penale kundër tatimpaguesit nuk ndalon vendosjen, për
të njëjtin tatimpagues, të një dënimi administrativ, sipas këtij ligji ose një ligji tjetër tatimor.
KREU XV
DISPOZITA TRANZITORE DHE TË FUNDIT
133. Efekti në detyrimet tatimore dhe vlerësimet ekzistuese
Pas hyrjes në fuqi të Ligjit nr.9920 datë 19.5.2008 “Për Procedurat Tatimore në
Republikën e Shqipërisë”:
1. Çdo vlerësim tatimor i kryer pas hyrjes në fuqi të ligjit duhet detyrimisht të jetë i
bazuar në dispozitat e ligjit, pamvarësisht nga periudha tatimore me të cilën lidhet njoftim
vlerësimi.
2. Për shkeljet që konstatohen, pas hyrjes në fuqi të Ligjit, do të zbatohen nivelet e
dënimeve administrative që parashikon ky ligj, pamvarësisht nga koha kur ka ndodhur shkelja.
P.sh. gjobat për mosdeklarim në afat për të gjitha llojet e detyrimeve tatimore që i njoftohen
tatimpaguesit pas datës së hyrjes në fuqi të ligjit të ri, duhet të llogariten bazuar në nenin 113 të
Ligjit, pra me 10.000 lekë për çdo deklaratë tatimore të padorëzuar, pamvarësisht nga periudhat
e mosdeklarimit. Po kështu, gjobat për pagesë të vonuar që i njoftohen tatimpaguesit pas datës së
hyrjes në fuqi të ligjit do të llogariten në bazë të nenit 114 të Ligjit. Pra gjoba për pagesë të
vonuar do të jetë 5% e shumës së detyrimit të papaguar për cdo muaj apo pjesë të muajit gjatë
kohës që pagesa nuk është kryer, por jo më pak se 10 mijë lek dhe jo më shumë se 25% e
detyrimit tëpapaguar.
3. Çdo apelim i paraqitur në Drejtorinë e Apelimit Tatimor pas hyrjes në fuqi të këtij ligji
do të shqyrtohet bazuar në procedurat e ligjit të ri.
134. Komisioni i Apelimeve Tatimore
134.1. Komisioni i Apelimit Tatimor pranë Ministrisë së Financave pushon së ekzistuari
60 ditë kalendarike pas hyrjes në fuqi të Ligjit te Procedurave Tatimore.
134.2 Nëqoftëse, për çfarëdo arsyeje, Komisioni i Apelimit Tatimor nuk nxjerr vendim
brenda kësaj periudhe prej 60 ditësh, ankimi gjykohet i refuzuar dhe tatimpaguesi mund të bëjë
ankim drejtpërsëdrejti në gjykatë brenda 30 ditësh nga data në të cilin Komisioni i Apelimit
Tatimor pushon së ekzistuari.
134.3. Komisioni i Apelimit Tatimor shqyrton të gjitha praktikat e depozituara në
Sekretarinë e Komisionit brenda 60 ditëve kalendarike pas hyrjes në fuqi të Ligjit te Procedurave
Tatimore.
134.4 Apelimet kundër vendimeve të nxjerra nga Drejtoria e Apelimit Tatimor mund të
bëhen në Komisionin e Apelimit Tatimor vetëm:
a) brenda 15 ditësh pas hyrjes në fuqi të Ligjit të ri të Procedurave Tatimore (nëqoftëse
dita e fundit e periudhës 15 ditore është ditë pushimi, afati shtyhet në ditën pasardhëse të punës)