PËR PROCEDURAT TATIMORE NË REPUBLIKËN E SHQIPËRISË ...

) njoftimi për një palë të tretë sipas nenit 97 të Ligjit(Transferimi i Detyrimit Tatimor
Palës së Tretë), ose
c) njoftimi për një palë të tretë sipas nenit 98 të Ligjit (E Drejta për të Kërkuar Detyrimet
nga Pala e Tretë), etj.
Në raste të tilla akti apo vendimi nuk mund të bëhet objekt ankimi administrativ sepse
këto vendime kanë të bëjnë me menyren me te mire të mbledhjes se detyrimeve tatimore siç
parashikohet në Kreun XI (nenet nga 88 deri në 104).
106.1.9 Akti administrativ i marrë sipas nenit 121 të Ligjit, që lejon konfiskimin e
mallrave në rrethana të caktuara (Mallrat e pashoqëruar me Dokumente Tatimore), është një akt
administrativ i krahasueshëm me një masë të mbledhjes me forcë, kështuqë nuk mund të
ankimohet.
106.1.10 Akti administrativ per vendosjen e mases se sigurise sic parashikohet ne nenin
92 ankimohet ne Drejtorine e Apelimit Tatimor. Ankimi bëhet vetëm në ato raste kur vendimi i
ekzekutimit të masave të sigurisë nuk është ekzekutuar në mënyrë të rregullt. Neni 92 parashikon
fillimisht ankimin tek Drejtori i Drejtorise Rajonale dhe me pas, nese tatimpaguesi nuk pranon
vedimin e tij, lejon ankim në Drejtorinë e Apelimit Tatimor sipas Kreut XIII të Ligjit. Kërkesa
drejtuar Drejtorit të Drejtorisë Rajonale Tatimore mund të mos merret parasysh dhe të bëhet
ankim drejtpërsëdrejti në Drejtorinë e Apelimit Tatimor vëtëm nëqoftëse Drejtori i Drejtorisë
Rajonale Tatimore nuk nxjerr aktin brenda 15 diteve kalendarike nga dita e marrjes së kërkesës.
106.1.11 Tatimpaguesi ka të drejtë të bëjë vërejtje për mënyrën e punës së administratës
tatimore dhe të punonjësve të saj. Këto vërejtje dëgjohen nga Drejtori i Drejtorisë Rajonale
Tatimore dhe nga zyrtarët e Drejtorisë së Përgjithshme të Tatimeve. Në këto raste nuk mund të
bëhet ankim administrativ.
106.2 Dorëzimi i ankimit administrativ tatimor
106.2.1 Ankimi bëhet në Drejtorinë e Apelimit Tatimor dhe mund te dorëzohet dorazi ose
dërgohet me postë rekomande. Datë e marrjes se ankimimit nga Drejtoria e Apelimit Tatimor
konsiderohet data e protokollimit ne Drejtorinë e Përgjithshme të Tatimeve për ankimet e
dorëzuara dorazi. Per rastet e ankimimeve te derguara me poste rekomande, date e dorezimit te
ankimit nga ana e tatimpaguesit konsiderohet data e dorëzimit në postë.
106.2.2 Nëqoftëse ankimi dorëzohet pranë një organi jokompetent (për shembull në zyrën
tatimore rajonale ose në Ministrinë e Financave), ai konsiderohet i pranueshëm vetëm nëqoftëse
merret nga Drejtoria e Apelimit Tatimor brenda afatit të caktuar. Nëse Drejtoria e Apelimit
Tatimor nuk e merr ankimimin brenda afatit 30 ditor, afati mund të zgjatet në përputhje me nenin
109 (pika 4) të Ligjit për Procedurat Tatimore. Rivendosja në afat të cilës i referohet neni 109 i
Ligjit per Procedurat Tatimore përcaktohet në nenet 64 dhe 65 të Kodit të Procedurave
Administrative.
106.2.3 Ankimi bëhet me shkrim dhe nënshkruhet nga ankimuesi. Gabime jo materiale,
ortografike, apo mungesa qe nuk prekin vlefshmerine apo thelbin, të cilat nuk cënojnë mundësinë
e trajtimit efikas të apelimit, nuk përbëjnë arsye për mos-marrjen në shqyrtim të apelimit. Kushti i
paraqitjes së ankimimit me shkrim plotësohet nëse ankimi dërgohet me faks, por nuk plotësohet
nëse ankimimi dërgohet me postë elektronike.
106.2.4 Ankimi me shkrim dhe dokumentacioni që i bashkangjitet duhet të përfshijë
informacionin e mëposhtëm:
a) emrin dhe adresën e tatimpaguesit,
b) numrin e regjistrimit të tatimpaguesit (NIPT),
c) aktin administrativ, të nxjerrë ose të panxjerrë nga organi tatimor, që është objekt
ankimi duke përfshirë periudhën tatimore përkatëse dhe shumën e detyrimit tatimor,
ç) vertetimin e pageses se detyrimit tatimor qe ankimohet,
d) arsyet për ankimin e tij,
dh) informacion në mbështetje të ankimit (Aktin e kontrollit, proces-verbalet, etj.)
e) çdo dokument tjetër që ankimuesi e gjykon të rëndësishëm,