PËR PROCEDURAT TATIMORE NË REPUBLIKËN E SHQIPËRISË ...

planit te kontrolleve, eshte vleresimi i analizes se riskut te kryer ne menyre automatike apo
manuale nga çdo drejtori rajonale e tatimeve, per te identifikuar personat e tatueshem qe
paraqesin riskun me te larte per evazion dhe shmangie tatimore. Plani i kontrollit hartohet duke
synuar perfshirjen per kontroll te personave te tatueshem me riskun me te larte. Plani i kontrollit
të drejtorisë rajonale pergatitet nga pergjegjesi i drejtorise se kontrollit tatimor dhe miratohet e
nenshkruhet nga drejtori i drejtorise rajonale te tatimeve.
80.4.2 Ne perzgjedhjen e personave te tatueshem per kontroll merret parasysh fakti se sa
risk paraqesin keto persona per te ardhurat tatimore, duke ruajtur njekohesisht edhe nje ekuiliber
te arsyeshem ndermjet perzgjedhjes per kontroll dhe burimeve ne dispozicion te administrates
tatimore.
80.5 Kontrollet, që kryhen nga administrata tatimore qendrore, urdhërohen nga drejtori i
drejtorisë rajonale të tatimeve, duke u bazuar në planet e kontrollit dhe rezultatet e analizës së
riskut.
81. Njoftimi i kontrollit tatimor
81.1 Administrata tatimore i dërgon tatimpaguesit njoftimin për kontroll, duke
përcaktuar edhe periudhën apo periudhat tatimore object kontrolli, llojet e tatimit që do të
kontrollohen dhe kohën e parashikuar të zgjatjes së kontrollit.
Gjatë ushtrimit të kontrollit administrata tatimore dhe tatimpaguesi duhet të
bashkëpunojnë për realizimin efikas të kontrollit.
81.2 Njoftimi i kontrollit tatimor përmban:
a) identifikimin e organit, që kryen kontrollin tatimor;
b) emrin dhe mbiemrin e tatimpaguesit, person fizik, ose emrin e personit juridik, subjekt
kontrolli;
c) numrin e identifikimit të tatimpaguesit;
ç) datën e lëshimit;
d) bazën ligjore për kontrollin:
dh) llojet e tatimit, objekt kontrolli;
e) periudhën ose periudhat tatimore, për të cilat kryhet kontrolli tatimor;
ë) një përshkrim të shkurter me referencat ligjore të drejtave dhe të detyrave të
tatimpaguesit gjatë kontrollit tatimor, përfshirë të drejtën e ankimit të vlerësimit, që bëhet në bazë
të kontrollit tatimor;
f) datën dhe orën kur fillon kontrolli tatimor;
g) vendin e kontrollit tatimor;
gj) nënshkrimin nga personi që autorizon kontrollin;
h) një kërkesë për vënien në dispozicion të administratës tatimore të informacionit
specifik për kontrollin tatimor.
82. Përjashtimi i inspektorit nga kontrolli tatimor
82.1 Nëpunësit e administratës tatimore, të lidhur me tatimpaguesin, subjekt kontrolli,
nuk mund të marrin pjesë në kontrollin e këtij tatimpaguesi.
82.2 Me nëpunës të administratës tatimore, të lidhur me tatimpaguesin, subjekt kontrolli,
kuptojmë personin:
a) me lidhje gjaku deri në shkallën e tretë;
b) përfaqësues të tatimpaguesit;
c) të lidhur me marrëveshje biznesi me tatimpaguesin.
83. Raporti i kontrollit tatimor
83.1 Pas çdo kontrolli tatimor, jo me shume se shtate dite nga perfundimi i tij, inspektori
i kontrollit tatimor, eshte i detyruar te pergatise raportin e kontrollit.
83.2 Raporti i kontrollit tatimor, pershkruan veprimtarine ekonomike e tregtare te
personit te tatueshem, deklaratat, dokumentat, librat, regjistrat dhe regjistrimet e kontrolluara, te
dhenat e shfrytezuara gjate kontrollit dhe burimet e tyre, menyrat e ushtrimit te kontrollit, etj.
Raporti i kontrollit jep gjetjet e tij, problemet e dala, rezultatet e kontrollit, shkeljet e kryera nga