PËR PROCEDURAT TATIMORE NË REPUBLIKËN E SHQIPËRISË ...

ajo i merr masat shtrënguese vetëm nëse është përpara kushteve te parashikuara nga neni 88 i
Ligjit “Për procedurat tatimore”. Një gjë e tille do te thotë qe detyrimi tatimor i transferuar
këtyre personave ka marre forme te prere dhe është ne fuqi.
100. Parashkrimi i së drejtës për fillimin e procedurave për zbatimin e masave
shtrënguese
100.1 Procedurat për mbledhjen me force te tatimeve, qe janë procedurat për zbatimin e
masave shtrënguese te parashikuara nga ligji, janë ne te drejtën e organit tatimor për tu filluar
brenda 5 viteve nga data kur detyrimi tatimor duhej te paguhej. Detyrimi per te paguar tatimin
eshte dita kur vlerësimi tatimor eshte hedhur zyrtarisht ne regjistrat apo sistemet elektronike te
administratës tatimore. Një gjë e tille do te thotë, qe e drejta e administratës tatimore për te
filluar zbatimin e masave shtrënguese parashkruhet me kalimin e 5 viteve nga data e mesiperme.
100.2 Afati parashkrues për te drejtën e administratës tatimore për zbatimin e masave
shtrënguese, ndërpritet vetëm nëse gjate periudhës 5 vjeçare kane ndodhur njëra nga ngjarjet e
mëposhtme:
a) Periudha kohore kur detyrimi tatimor është kundërshtuar nga ana e tatimpaguesit. Si
periudhe gjate se cilës ndërpritet afati parashkrues për nxjerrjen dhe zbatimin e masave
shtrënguese do te konsiderohet koha nga data kur tatimpaguesi ka paraqitur një ankim ne
organin administrativ dhe deri ne përfundimin e shqyrtimit te ankimit te tij ne rruge gjyqësore.
Periudha e ankimit mbaron ditën qe akti i organit tatimor me ane te te cilit është vendosur tatimi
ka marre forme te prere. Ne ketë rast afati i llogaritjes se parashkrimit te se drejtës se
administratës tatimore për zbatimin e masave shtrënguese fillon ditën e nesërme nga data e
marrjes se aktit tatimor forme te prere.
b) Kur detyrimi tatimor është objekt i një kontrolli ose hetimi zyrtar nga ana
administratës tatimore. Ne ketë rast si date ne te cilën ndërpritet afati do te merret data ne te
cilën administrata tatimore, ka marre një vendim qe për detyrimin tatimor te zhvilloje kontrollin
apo te ketë nisur një hetim tatimor. Data ne te cilën do te rifilloje llogaritja e afatit parashkrues
do te merret dita e nesërme e datës ne te cilën kontrolli tatimor apo hetimi zyrtar i administratës
tatimore ka përfunduar, dhe data e vendosur ne aktin zyrtar, me ane te cilin mbyllet kontrolli apo
hetimi zyrtar i administratës tatimore.
c) Kur detyrimi tatimor është objekt i një çështjeje penale. Si date për fillimin e
ndërprerjes se afatit parashkrues te parashikuar ne nenin 100 paragrafi 1 do te merret data kur
organi i ndjekjes se veprës penale ka regjistruar fillimin e procedimit penal, dhe ky afat do te
filloje te llogaritet nga dita e nesërme e datës kur ceshtja penale është mbyllur me një vendim te
vlefshëm dhe te formës se prere te organit te ndjekjes penale apo te gjykatës qe ka shqyrtuar
ceshtjen penale.
101. Detyrimi për t’u paraqitur
101.1 Me qellim për te zbatuar ne mënyre te rregullt dhe te plote legjislacionin tatimor,
si dhe për te marre te dhëna te nevojshme për çështje te cilat i kërkohen administratës tatimore
për zbatimin e ligjit, ajo ka të drejtë te thërrasë dhe te dëgjoje çdo person i cili ka dijeni për
ceshtjen e cila është ne objektin e punës se organit tatimor brenda kufijve te dhëne nga ligji.
101.2 Thirrja e personave pranë administratës tatimore behet ne ato raste kur personi i
cili thirret ka ne zotërim dokumente apo regjistrime te ndryshme te te dhënave, te cilat kane
interes për organin tatimor, për përcaktimin sa me te drejte te detyrimit tatimor, ose kur bëhet ne
funksion te masave shtrënguese për mbledhjen e detyrimeve tatimore, me qellim marrjen e
informacioneve për pasuri apo transaksione te kryera nga tatimpaguesi.
101.3 Flete thirrja mundëson administraten tatimore te ushtrojë funksionet e saj ne ato
raste kur ajo nuk arrin te siguroje bashkepunimin vullnetar te tatimpaguesve. Kjo metode
përdoret për te detyruar paraqitjen e personave, me apo pa dokumenta, si dhe deklarimin e tyre
mbi ceshtje qe lidhen me hetime te kryera nga administrata tatimore. Informacioni i kërkuar ne
një flete thirrje mund te jete i natyrës dokumentare ose dëshmuese.