PËR PROCEDURAT TATIMORE NË REPUBLIKËN E SHQIPËRISË ...

territorit te Republikës se Shqipërisë, ose ne ato raste kur ditën dhe orën e takimit ai është thirrur
nga ndonjë gjykate e çdo shkalle për pjesëmarrje me cilësi te ndryshme procedurale ne gjykim,
dhe raste te tjera te ngjashme me to. Ne çdo rast administrata tatimore duhet te kete te provuara
prej personit arsyen e mosparaqitjes para organit tatimor. Ne rastin e mos paraqitjes se shkaqeve
për pamundësi objektive për tu paraqitur, administrata tatimore ndërmer sanksionet përkatëse
sipas neneve 126 dhe 127 të ligjit. .
102. Ndërprerja e procedurave të mbledhjes me forcë të detyrimit tatimor
102.1 Administrata tatimore i ndërpret masat shtrënguese për sigurimin e pagimit te
detyrimit tatimor ne rast se:
a) Tatimpaguesi e ka paguar te gjithë detyrimin e tij tatimor.
b) Në përputhje me nenin 100 të ligjit është parashkruar e drejta e administratës tatimore
për fillimin e procedurave të zbatimit të masave shtërnguese, duke patur parasysh edhe rastet e
ndërprerjes së afatit të parashkrimit sipas pikës 2 të nenit 100 të ligjit. Procedurat e mbledhjes
me forcë të detyrimit tatimor që kanë filluar përpara skadimit të afatit të parashkrimit e spostojnë
këtë afat deri në përfundim të procedurës. P.sh. nëse në zbatim të procedurave të mbledhjes me
forcë është konfiskuar një sasi malli apo një automjet, një ditë para afatit të parashkrimit, ky afat
do të shtyhet deri në datën e përfundimit të procedurës, pra të shitjes së mallit apo automjetit.
c) Kur nga ana e autoriteteve te parashikuara ne nenin 103 te Ligjit “Për procedurat
tatimore” është vendosur dhe shpallur detyrimi tatimor i pambledhshem. Ne ketë rast ndërprerja
e procedurave fillon nga dita e nxjerrjes se aktit për deklarimin e tatimeve si te pambledheshme,
dhe kjo evidentohet dhe regjistrohet ne dosjen e tatim paguesit.
ç) Ne te gjitha ato raste kur tatimet janë falur me ligj nga ana e Kuvendit te Republikes
se Shqiperise. Ne ketë rast procedurat ndërpriten ditën e hyrjes ne fuqi te ligjit me ane te cilit
është vendosur falja e detyrimeve tatimore, dhe kjo gjë regjistrohet ne dosjen e tatim paguesit. Ne
ato raste kur detyrimi tatimor përbehet nga detyrime qe falen dhe detyrime qe nuk falen
administrata tatimore bën zbritjen e detyrimeve te falura dhe i regjistron ato ne dosjen e
tatimpaguesit, dhe për pjesën e mbetur te detyrimit ajo mban ne fuqi masat shtrënguese për
sigurimin e pagimit te detyrimit.
103. Procedurat për deklarimin e detyrimit tatimor si të pambledhshëm
103.1 Deklarimi si i pambledhshem i detyrimeve tatimore, është procesi i cili kryhet
vetëm ne raste ekstreme, dhe vetëm ne ato raste kur administrata tatimore ka zbatuar te gjitha
masat e mbledhjes me forcë të detyrimeve tatimore te parashikuara nga nenet 88- 101 te Ligjit,
dhe nuk është arritur te mblidhet dhe te arkëtohet detyrimi tatimor. Detyrimi tatimor mund te
deklarohet i pambledhshem vetëm ne rastet e mëposhtme:
a) Kur megjithëse eshte bere shitja e investimeve likuide dhe aktiveve te tjera, nuk eshte
bere i mundur arketimi i detyrimit. Sipas këtij parashikimi administrata tatimore ne çdo rast
duhet te ketë te evidentuara dhe te provuara qe ajo ka kryer te gjitha veprimet e kërkuara nga
ligji për vendosjen e masave te sigurisë mbi te gjitha pasuritë e subjektit. Tatimpaguesi duhet
gjithashtu të provojë se nuk disponon pasuri të tjera të çdo forme dhe kudo që të ndodhen të cilat
mund të përdoren për shlyerjen e detyrimeve,
b) Tatimpaguesi dhe administrata tatimore provojnë me evidencë të saktë se tatimpaguesi
nuk disponon asnjë lloj pasurie apo të ardhure që do mund të përdorej për shlyerjen qofte edhe
me këste te detyrimit tatimor te papaguar, dhe se edhe veprimtaria e ardhshme e tatimpaguesit,
nuk mund te gjeneroje, apo te sjelle te ardhura, te cilat te jene te vlefshme për përmbushjen e
detyrimit tatimor.
c) Kur administrata tatimore nga analiza e situatës financiare dhe pasurore te subjektit
tatimpagues arrin ne përfundimin se edhe nëse ndaj tatimpaguesit do te fillonte nje procedure
likuidimi apo falimentimi, shuma e detyrimit tatimor nuk mund te mblidhej edhe sikur ky proces te
përfundonte dhe se pasuria ne pronësi te tatimpaguesit, debitorit qe gjendet pranë tij apo ne
përdorim tek personat e trete, nuk është ne gjendje te përmbushe edhe pagimin e kostove
administrative te këtij procesi.