PËR PROCEDURAT TATIMORE NË REPUBLIKËN E SHQIPËRISË ...

dorezon nje deklarate te re me ndryshime ne vend te nje deklarate te pasakte, neni 115 i ligjit nuk
zbatohet.
P.sh. Në muajin Dhjetor 2008 tatimpaguesi konstaton se ka harruar të regjistrojë në
Librin e Shitjeve të TVSH dhe të deklarojë në FDP-ne e muajit Shtator 2008, një faturë me vlerë
të tatueshme 10.000 lekë dhe tvsh të llogaritur 2.000 lekë. Në këtë rast tatimpaguesi do të
dorëzojë një deklaratë të re për periudhën tatimore Shtator 2008, ku të ketë reflektuar gabimin e
sipër-përmendur. Në të njetin moment tatimpaguesi paguan diferencën e papaguar, pra 2.000
lekë tvsh, si dhe interesin për këtë shumë.
116. Evazioni fiskal
116.1 Fshehja e detyrimeve tatimore, nëpërmjet dorëzimit të dokumenteve false,
deklaratave të pavërteta apo informacioneve joreale, vlerësimi i të cilave çon në përllogaritjen e
pasaktë të shumës së tatimit, taksës apo kontributit, përbën evazion fiskal dhe dënohet me gjobë
të barabartë me 100 për qind të diferencës së shumës së përllogaritur nga ajo që duhet të ishte në
fakt.
Në kuptim të këtij neni termi “evazion fiskal” përfshin fshehjen me dashje te detyrimeve
tatimore, mos deklarimin e shitjeve dhe të ardhurave të realizuara, falsifikimin e dokumentacionit
kontabël dhe tatimor, marrjen e dokumentave te falsifikuara për të rritur fiktivisht shpenzimet e
bisnesit. Klasifikimi i nje shkelje si evazion fiskal duhet te jete i argumentuar dhe i mbeshtur ne
prova konkrete.
117. Dënimet për agjentët e mbajtjes së tatimit në burim
Agjenti i mbajtjes së tatimit në burim apo agjenti i taksave, që nuk arrin të mbajë, të
llogarisë, të raportojë dhe të transferojë në Buxhetin e Shtetit tatimin në burim apo tatimet dhe
taksat e mbledhura, apo i shmanget mbledhjes së tyre, detyrohet të paguajë gjobë të barabartë
me 50 për qind të shumës së plotë të tatimit të pambledhur apo të shmangur.
118. Mosmbajtja e saktë e librave, regjistrave dhe dokumentacionit
Tatimpaguesi, që nuk arrin të mbajë regjistrat dhe dokumentacionin tatimor, të kërkuar
sipas këtij ligji, detyrohet të paguajë një gjobë me 10 000 lekë, për çdo shkelje, në rastet kur është
klasifikuar si biznes i vogël, dhe me 50 000 lekë për çdo shkelje, në rastet kur është klasifikuar si
lloj tjetër biznesi.
Kjo gjobe aplikohet per mosmbajtjen e librave, regjistrave apo dokumentacionit tatimor.
Gabime jo materiale, qe nuk cenojne ne thelb permbajtjen e dokumentacionit dhe nuk kane efekt
ne llogaritjen e sakte te detyrimeve tatimore, nuk denohen me gjoben e mesiperme. Por, penaliteti
do te aplikohet kur gabime te tilla jo materiale jane te shumta, te persëritura dhe tatimpaguesi
nuk merr masa per ndreqjen e tyre.
119. Mosdeklarimi i të punësuarve
119.1 Tatimpaguesi punëdhënës, i cili nuk ka deklaruar në organin tatimor çdo të
punësuar rishtazi, të paktën 48 orë përpara fillimit të punës, përveç detyrimit për pagimin e
shumës së kontributeve të papaguara, detyrohet të paguajë edhe një gjobë 10 000 – 20 000 lekë
për çdo rast.
Për efekte të zbatimit të këtij dënimi, date e deklarimit në organin tatimor të të
punësuarve rishtazi konsiderohet data e protokollimit në Drejtorinë Rajonale Tatimore të
formularit përkatës.
120. Pagesat ose arkëtimet me para në dorë mbi 300 000 lekë
Tatimpaguesit, që janë persona fizikë apo juridikë, tregtarë, që kryejnë transanksione
shitjeje apo blerjeje me para në dorë, për shuma, që tejkalojnë 300 000 lekë, dënohen me gjobë,
në masën 10 për qind të vlerës së secilit transaksion.
Dënimi nuk aplikohet ndaj individëve jo-tregtarë, por aplikohet ndaj shitesit person
juridik ose fizik tregtar i cili pranon pagesa me para në dorë nga individet në shuma mbi 300.000
lekë. Në të tilla raste individi jotregtar duhet të pagujë blerjen në llogarinë bankare të shitësit
person juridik ose fizik tregtar.