PËR PROCEDURAT TATIMORE NË REPUBLIKËN E SHQIPËRISË ...

Informacioni qe kerkohet te merret duhet t’i përshtatet qëllimit te hetimit te ceshtjes dhe
është e arsyeshme te supozohet se ky informacion është ne zotërim te personit te cilit i drejtohet
flete thirrja.
Fletë thirrja nxirret që të sigurohet informacioni që nuk është dhënë ne mënyre te
vullnetshme nga tatimpaguesi ose nga një pale te trete. Gjithashtu fletë thirrja mund të nxirret
kur pala e trete kërkon nxjerret e saj për të justifikuar dhënien e informaciont.
Ne rast se fletethirrja synon te siguroje marrjen e te dhënave ose dokumenteve te
posaçme, atëherë fletethirrja duhet te permbaje një përshkrim te qarte te te dhenave apo
dokumentave qe kerkohen. Për shembull, ne rast se qëllimi i flete thirrjes është marrja e
informacionit qe i nevojitet administrates tatimore për vleresimin e detyrimit te TVSH-se për
periudhën tatimore mars 2008, atëherë ne flete thirrje duhet te shkruhet “te gjithë regjistrat dhe
te dhënat ne zotërimin tuaj ose brenda kontrollit dhe aksesit tuaj ne lidhje me detyrimin e TVSHse
te tatimpaguesit për periudhën tatimore Mars 2008”.
Në rast se fletë-thirrja synon te siguroje marrjen nga administrata tatimore te te dhënave
ose dokumenteve te ndryshme nga persona të tretë, atëherë fletethirrja duhet te permbaje një
përshkrim te qarte te transaksioneve që personi i tretë mund të ketë kryer me tatimpaguesin
debitor, përfshirë te dhena apo dokumenta të tjera qe kerkohen.
Personi qe thirret duhet te paraqitet personalisht. Ai/ajo nuk mund te dërgoje një
përfaqësues por mund te shoqërohet nga nje i tille.
Administrata tatimore dhe personi i thirrur per t’u paraqitur mund te bien dakort per
ndryshimin e datës dhe orës se paraqitjes. Asnjë ndryshim nuk mund te behet ne menyre te
njeaneshme nga i thirruri ne lidhje me daten dhe oren e takimit. Kjo do te perbente shkas per
penalizimin e personit te thirrur ne përputhje me ligjin.
Ne paraqitjen e tij, dëshmitari mund te pyetet ne lidhje me regjistrat dhe te dhënat e tjera
te tatimpaguesit te cilat ekzistojnë ne forme shkresore. Nëse thirrja përmban kërkesën për
dokumenta specifike, personi i thirrur duhet t’i paraqesë ato dokumenta sigurisht kur ato janë
nën zotërimin apo aksesin e tij/saj.
Në rastet kur nuk është e qartë për administratën tatimore se cilat dokumenta specifike
mund të zotërojë tatimpaguesi apo një palë e tretë, flete thirrja mund të nxirret vetëm për tu
paraqitur dhe për të dëshmuar. Një flete thirrje e dyte mund te nxirret duke përshkruar me
hollësi te mjaftueshme të dhënat apo dokumentat që nevojiten.
101.4 Fletë thirrja dërgohet me postë rekomande, të paktën 15 ditë kalendarike para
datës së caktuar për paraqitje ose dërgim informacioni. Nëse një tatimpagues ose palë e tretë
merr një fletë thirrje nga administrata tatimore dorazi, një kopio e fletë thirrjes duhet t’i dërgohet
edhe me postë rekomande.
101.5 Kur administrata tatimore kërkon te thërrasë një person për tu paraqitur, ajo e bën
këtë duke pasur parasysh kohen qe personi ka me te përshtatshme për tu paraqitur, normalisht
gjatë orëve zyrtare të punës, me përjashtim të rasteve kur për nevoja urgjente thirrja bëhet jashtë
orarit zyrtar dhe për këtë bihet dakort me personin e thirrur. Një fletë thirrje për paraqitje
urgjente mund të bëhet kur administrata tatimore ka bindjen se tatimpaguesi ose pala e tretë
mund të humbasin, manipulojnë apo zhdukin dokumentat që disponojnë.
101.6 Kur personi i thirrur nuk paraqitet ne vendin dhe orën e kërkuar nga ana e
administratës tatimore, dhe nuk ka paraqitur shkaqe te arsyeshme për pamundësinë objektive te
paraqitjes se tij, administrata tatimore ka detyrimin e aplikimit te sanksioneve ndëshkuese në
përputhje me nenet 126 dhe 127 të Ligjit.
101.7 Ne ato raste kur tatimpaguesi ose pala e tretë janë ne pamundësi objektive për tu
paraqitur, ato njoftojnë administratën tatimore e cila shtyn takimin për një date tjetër, dhe për
ketë qellim duhet te njoftoje përsëri personin sipas formës dhe procedurës te parashikuar ne
nenin 105 te ligjit. Si shkaqe objektive te cilat e detyrojnë personin të mos paraqitet, mund te
merren ne konsiderate, sëmundja e personit apo e familjareve te tij ne ato raste kur këta te fundit
kane nevoje për kujdesin e personit qe është thirrur, kur nuk ndodhet përkohësisht brenda