PËR PROCEDURAT TATIMORE NË REPUBLIKËN E SHQIPËRISË ...

Ky dënim do të aplikohet si për blerësin edhe për shitësin, nëse të dy janë persona
juridikë dhe/ose fizikë tregtarë, dhe blerësi ka paguar direkt shitësin me para në dorë. Në rast se
blerësi ka paguar me para në dorë në llogarinë bankare të shitësit, dënimi aplikohet vetëm ndaj
blerësit.
121. Mallrat e pashoqëruara me dokumente tatimore
121.1 Tatimpaguesi, që mban në ruajtje, përdor ose transporton mallra të pashoqëruara
me dokumentet e duhura tatimore, në përputhje me dispozitat e këtij ligji, dënohet me konfiskim të
të gjithë sasisë së mallit, që mbahej në ruajtje, përdorej apo transportohej, i pashoqëruar me
dokumente tatimore.
Për zbatimin e këtij dënimi punonjësit e administratës tatimore duhet të evidentojnë me
saktësi faktin që mallrat jane pa dokumentat e kërkuar ligjorë dhe gjykojnë se këto mungesa kanë
shkaktuar ose kanë për qëllim shmangien e tatimeve, duke patur parasysh edhe dispozitat e pikës
58 të këtij Udhëzimi.
121.2 Me kërkesë të tatimpaguesit, masa e konfiskimit zëvendësohet me pagesën e
menjëhershme të një gjobe, të barabartë me vlerën e tregut të mallit të konfiskuar, në përputhje
me kriteret e dhëna në pikat 51.3 dhe 58 të këtij Udhëzimi.
122. Kundërvajtjet administrative në përdorimin e pajisjeve fiskale
Vendimi i Këshillit të Ministrave nr. 781 datë 14.11.2007 “Per karakteristikat teknike e
funksionale te pajisjeve fiskale, sistemit te integruar te kompjuterizuar per transferimet periodike,
automatike te deklarimeve financiare, sistemit te komunikimit per proceduren e dokumentacionin
per miratimin e tyre dhe per kriteret per pajisjen me autorizim te shoqerive te autorizuara per
ofrimin e pajisjeve fiskale” rregullon administrimin e paisjeve fiskale dhe kuponave tatimorë.
Kundravajtjet administrative lidhur me perdorimin e pajisjeve fiskale dënohen bazuar në
dispozitat që vijon:
122.1 Tatimpaguesi, person juridik ose person fizik tregtar, dënohet me gjobë nga 20 000
deri në 100 000 lekë nëse, për shkeljet e listuara në paragrafin 1 të nenit 122 të Ligjit.
Për percaktimin e nivelit të gjobës së mësipërme, Drejtoria Rajonale e Tatimeve bazohet
në kriteret e dhëna në pikën 111.1.2 të këtij Udhëzimi.
122.2 Për kundërvajtjet e parashikuara në paragrafin 1 të nenit 122 të Ligjit , drejtori
përgjegjës i tatimpaguesit dënohet individualisht me gjobë nga 10 000 deri në 30 000 lekë.
122.3 Për kundërvajtjet e parashikuara në në paragrafin 1 të nenit 122 të Ligjit, të kryera
më shumë se një herë, mund të vendoset pezullimi i veprimtarisë deri në tre muaj.Gjykimi për këtë
dënim gjithashtu duhet të gjykohet me kujdes bazuar në kriteret e pikës 111.1.2 të këtij Udhëzimi.
122.4 Për kundërvajtjet e parashikuara në paragrafin 1 të nenit 122 të Ligjit, të kryera
më shumë se tre herë, mund të vendoset mbyllja e veprimtarisë.
122.5 Konstatimi, shqyrtimi dhe dënimi i shkeljeve të parashikuara në këtë nen bëhen
nga organet tatimore të juridiksionit, ku tatimpaguesi ushtron veprimtarinë ose kryen shkeljet. Në
rastet kur strukturat qëndrore të Drejtorisë së Përgjithshme të Tatimeve disponojnë informacione
ose ndermarrin verikime ne terren, verifikime dhe kontrolle të tilla duhet të ushtrohen në
bashkëpunim me strukturat përkatëse të organeve tatimore të juridiksionit.
123. Dënimet për shoqëritë e autorizuara
123.1 Shoqëritë e autorizuara, që tregtojnë pajisje fiskale, dënohen me gjobë 50 000-100
000 lekë, për shkeljet që listohen në paragrafin i të nenit 123 të Ligjit.
123.2 Shoqëritë e autorizuara të mirëmbajtjes së pajisjeve fiskale, dënohen me gjobë 30
000-60 000 lekë, për shkeljet që listohen në paragrafin 2 të nenit 123 të Ligjit.
Për percaktimin e nivelit të këtyre dënimeve, Drejtoria Rajonale Tatimore bazohet në
kriteret e dhëna në pikën 111.1.2 të këtij Udhëzimi dhe në veçorite, kushtet dhe rrethanat
konkrete të shkeljes.
124. Kundervajtjet për mos leshimin e faturës tatimore
124.1 Kur nje tatimpagues i regjistruar ne TVSH konstatohet se nuk leshon fature