“Kimia 7-8-9”e-mail - Albas

Libër mësuesi për tekstin “Kimia 7-8-9”
16
Mësuesi si menaxhues i situatës, përdor dërrasën e zezë apo tabakë letre për
hedhjen e ideve, të cilat nuk komentohen. Idetë e shkruara duhet të jenë të dukshme,
të shkruara qartë dhe nënvizimet të jenë të dallueshme nga pjesa tjetër e ideve që nuk
janë të vlefshme. Në fund, mësuesi bën përmbledhjen dhe komentet e duhura.
Eksperimenti është një tjetër metodë që përfaqëson një përsëritje të kontrolluar në
kushte laboratorike, të dukurive natyrore. Ajo përdoret për të parë ndikimin e faktorëve
të ndryshëm në zhvillimin e këtyre dukurive apo për të përcaktuar një rrugë të re për
realizimin e diçkaje.
Kjo metodë është shumë e rëndësishme në lëndën e kimisë. Gjatë zbatimit të saj,
synohet që kryerja e veprimtarisë praktike, ta nxisë nxënësin për të vëzhguar, për të
mbledhur të dhëna, për t’i interpretuar ato si dhe për të nxjerrë përfundime, si p. sh.,
vetitë kimike të metaleve, elementi galvanik, elektroliza, ndarja e substancave nga
tretësirat etj.
Eksperimenti synon të:
• vërtetojë ose të hedhë poshtë hipotezat e ngritura;
• përcaktojë mënyrën se si ndikojnë në proces ndryshimi i kushteve;
• nxjerrë ligjësi apo përfundime;
• gjejë rrugë të reja implementimi;
• tregojë në mënyrë praktike dukuri, duke përmirësuar ndjeshëm shkallën
e të nxënit.
Nëpërmjet eksperimentit, nxënësit kuptojnë thelbin e dukurisë apo ligjësisë, zhvillojnë
aftësitë për punë të pavarur, nxitin të menduarin aktiv, sintetik dhe analitik, krijojnë
shprehi për përdorimin e aparaturave, njohin dhe respektojnë rregulla të caktuara etj.
Eksperimenti, kur është e mundur, mund të përdoret me sukses edhe si detyrë
shtëpie, si në rastin e pastrimit të kripës së gjellës, eksperimentit që tregon kristalizimin
e sulfatit të bakrit etj.
Demonstrimi përfaqëson një teknikë të përdorshme në lëndën e kimisë. Kjo teknikë
tregon se si të paraqesësh një veprim ose të përdorësh një procedurë.
Në thelb, demonstrimi është një prezantim vizual i sendeve, dukurive ose proceseve.
Demonstrimi përfaqëson në të njëjtën kohë mënyrën me të cilën mësuesi modelon
paraqitjen, analizën dhe sintezën. Roli i nxënësit gjatë zbatimit të kësaj teknike është ai
i vëzhguesit, i regjistruesit të informacionit, të aftësive dhe shprehive.
Kur materiali teorik shoqërohet me demonstrim të eksperimenteve gjatë shtjellimit të
temës së mësimit, informacioni që përcillet te nxënësit, është më i qenësishëm, pasi ai
përcillet nëpërmjet vëzhgimit dhe dëgjimit.
Diagrami i Venit është një teknikë mësimore që shërben për përcaktimin e anëve të
përbashkëta dhe të dallimeve midis dy ose më shumë koncepteve, dukurive, kategorive
sistematike etj.
Në mënyrë grafike kjo teknikë paraqitet përmes strukturave të dy ose më shumë
rrathëve që priten mes njëri-tjetrit. Në sektorin e prerjes së këtyre rrathëve renditen