“Kimia 7-8-9”e-mail - Albas

Libër mësuesi për tekstin “Kimia 7-8-9”
Modele alternative të planifikimit të një ore mësimore
Disa modele të planifikimit të orës së mësimit në lëndën e kimisë, mund të jenë një
alternativë më shumë për të hartuar një plan pune efektiv.
Lënda:
Kimia 7
Kuptimi për lëndën. Dukuritë fizike. Vetitë fizike të lëndës.
Objektivat: Në fund të orës së mësimit, nxënësi të jetë i aftë:
1. Të njohë dhe dallojë gjendjet e lëndës.
2. Të shpjegojnë ç’janë dukuritë fizike.
3. Të listojnë disa veti fizike të lëndës.
Fjalë kyç: lëndë, dukuri fizike, ndryshim
Mjetet:
objekte të ndryshme, provëza, ujë, kripë, sheqer, vaj,
pluhur shkumësi, gotë kimike, hinkë etj.
Struktura e mësimit: E R R
Evokimi:
1 - Verifikim
2 - Analizë
3 - Vlerësim
U jepet detyrë nxënësve që në fletoren e klasës të ndërtojnë tri tabela dhe në to të shkruajnë
emrat e objekteve që janë të ndërtuara prej druri, qelqi, metali. Në një grupim më vete nxënësit
do të listojnë disa objekte që janë të ndërtuara me përzierje të këtyre materialeve.
Realizimi i kuptimit:
Në dërrasën e zezë mësuesi/ja shkruan fjalën LËNDË. ( kllaster)
U prezanton nxënësve objektivat që do të realizojmë për këtë orë mësimi.
e ngurtë ← Lëndë → e gaztë
↓
e lëngët
Mësuesi/ja thekson se lëndët kanë veti fizike të ndryshme dhe u kërkon nxënësve t’i
klasifikojnë ato duke i emërtuar:
qelqi - i thyeshëm, i tejdukshëm, nuk e përcjell rrymën elektrike,
metali - i fortë, telëzohet, përcjell rrymën elektrike,
druri - ka erë, ndryshon formë, ka ngjyrë,
kripa, sheqeri - kanë ngjyrë, kanë shije, treten në ujë,
vaji - nuk tretet në ujë, ka shije, ka erë.
Nxënësve u drejtohet pyetja: - A ndryshojnë vetitë fizike të lëndëve? Dhe kërkohet
që ata të shpjegojnë përgjigjen.
Përgjigja e saktë: Lëndët ndryshojnë nga vetitë fizike nga njëra-tjetra, por ato veti
ruhen për çdo lëndë dhe nuk ndryshojnë edhe pse lëndën
mund ta copëtojmë, ta tresim apo ta avullojmë.
Përfundimi pas shpjegimit është: Dukuritë gjatë të cilave lënda ruan vetitë e saj,
quhen dukuri fizike.
26