Edukata shoqërore 3 - Albas

Tema 1. Janë në shërbimin tim
KAPITULLI IV
SHËRBIMET NË KOMUNITET
Libër mësuesi për tekstin “Edukata shoqërore 3”
Objektivat: Në fund të orës së mësimit nxënësi duhet të jetë i aftë:
• Të tregojë jo më pak se tri shërbime që i ofrohen qytetarëve bazuar në
materialin e dhënë.
• Të diskutojë mbi rëndësinë e shërbimeve në jetën e njerëzve.
• Të ofrojë zgjidhje të situatave pro+blemore bazuar në përvojat vetjake.
Fjalë kyç:
Mjetet:
shërbim, ndihmesë.
teksti i nxënësit.
Aftësitë: të përshkruarit, të diskutuarit, të shprehurit.
Struktura PNP Metoda, teknika e veprimtari Koha
Parashikimi
Imagjinatë e drejtuar
Ndërtimi i njohurive
Studim rasti
Përforcimi
Punë në dyshe, lojë në role
Zhvillimi i mësimit
Parashikimi: Imagjinatë e drejtuar
Imagjinoni një qytet pa spitale dhe ambulanca.
- Çfarë do të ndodhte
- Si do t’ia bënin njerëzit që kishin nevojë urgjente për mjekun
Nxënësit japin idetë e tyre.
Mësuesi/ja prezanton objektivat e orës së mësimit.
- Sot do të mësojmë më shumë për shërbimet që iu ofrohen njerëzve në komunitet dhe sa të
rëndësishme janë për njerëzit këto shërbime.
Ndërtimi i njohurive: Studim rasti
- Sot Iliri do të na tregojë një ngjarje që ka ndodhur në familjen e tij.
Lexohet tregimi nga mësuesi/ja ose nga një nxënës. Më pas nxënësve iu drejtohen pyetjet e mëposhtme.
- Çfarë kishte rënë në fshatin e Ilirit
- Për çfarë kishte nevojë mamaja e Ilirit
- Si erdhi ai
- Çfarë lajmi të gëzuar iu dha babi në telefon
- Pse Iliri ia vuri emrin Shpëtim
Punohet rubrika ku jepen sqarime mbi shërbimet në komunitet. Nxënësit nënvizojnë me laps shërbimet, të
cilat ilustrohen me figurat.
Punohet situata problemore. Në këtë situatë nxënësit diskutojnë mbi ndihmën që punonjësi i policisë u ofron
fëmijëve për të kaluar rrugën. Nxënësit diskutojnë dhe për rëndësinë e spitaleve, zjarrfikësve etj.
Nxënësit tregojnë përvoja të tyre në spitale, kopshte, këndet sportive etj.
Përforcimi: Punë në dyshe, lojë në role
Listoni shërbimet që ofrohen në komunitetin tënd.
Nxënësit lexojnë punët e tyre.
Lojë në role.
Dy-tri grupe nxënësish ndërtojnë dialogë midis të sëmurit dhe mjekut. Mësuesi/jam mund të tregojë dhe ndonjë
gazmore për fëmijë në rastet kur nxënësit hiqen si të sëmurë për të mos shkuar në shkollë, sigurisht duke nxjerrë
mesazhin se nuk është mirë të shtiremi si të sëmurë, sepse shqetësojmë prindërit dhe mësuesit në shkollë.
Vlerësohen nxënësit për pjesëmarrjen e tyre dhe idetë e ofruara.
Detyrë shtëpie. Shkruani detyrat që mendoni se ka një polic. Pastaj tregojani
një polici. A i keni gjetur mirë ato
109