Edukata shoqërore 3 - Albas

Parashikimi
Libër mësuesi për tekstin “Edukata shoqërore 3”
Struktura PNP Metoda, teknika e veprimtari Koha
Ndërtimi i njohurive
Lojë në role, diskutim
Marrëdhënie pyetje-përgjigje, punë në grupe
Përforcimi
Pesëvargjësh
Zhvillimi i mësimit
Parashikimi: Lojë në role, diskutim
• Situata e parë.
Miri: - Mami më duhen para për të blerë fletore se m’u mbarua.
Mami: - Patjetër shpirti i mamit. Merri.
Miri: - “Sa mirë, tani do të blej letrat me Jugi On”, - thotë ai me vete.
Nxënësit diskutojnë për këtë situatë. Ata duhet të dallojnë se kush veproni mirë dhe kush nuk veproi ashtu si duhet.
• Situata e dytë.
Mami: - Era sot në pushim do të blej një akullore 100-lekëshe.
Era: - Faleminderit mami.
Kur shkon në shkollë Era blen një akullore 50-lekëshe.
Era: - Me paratë që më mbetën nesër do të blej një akullore tjetër.
Nxënësit diskutojnë për veprimet e dy fëmijëve.
Këto situata mësuesi/ja i shpërndan në dy-tri grupe nxënësish që aktrojnë bukur dhe i fton të luajnë, dhe më
pas zhvillohet diskutimi.
Mësuesi/ja i prezanton nxënësit me temën e re. Sot do të mësojmë më shumë për të ardhurat, kursimin.
Ndërtimi i njohurive: Marrëdhënie pyetje-përgjigje, punë në grupe
Altini do të na tregojë se çfarë i dhuroi atij gjyshi për Vitin e Ri.
- Çfarë mendoni ju se mund të jetë dhurata
Nxënësit japin idetë e tyre. Lexohet tregimi nga një nxënës.
Lexohet informacioni i ri dhe diskutohet për të qartësuar nxënësit.
Punohen situatat problemore. Në situatën e parë nxënësit duhet të arrijnë në përfundimin se të kursesh do të
thotë të menaxhosh paranë në mënyrë të zgjuar, duke blerë gjëra të nevojshme, cilësore që të jetojnë gjatë.
Nxënësit sjellin përvoja të kursimeve të tyre dhe për çfarë i kanë përdorur këto kursime. Kursimet e familjes.
Nëse janë përdorur për t`u ardhur në ndihmë personave të sëmurë, që kanë nevojë etj.
Lexohet fletëpalosjet nga mësuesi/ja mbi informacionet dhe shërbimet e shumta që ofrojnë bankat si
institucione ku depozitohen, ruhen të ardhurat. Një funksion tjetër i tyre është marrja e rrogës mujore, marrja e
kredive për të plotësuar nevojat e familjes, hapja e depozitave të së ardhmes, ku prindërit mund të hapin llogari
për fëmijët e tyre që në moshë të vogël.
Mësuesi/ja mund të nxitë diskutimin se për çfarë do t’i shpenzojnë këto të ardhura kur të rriten. Është mirë
që nxënësve t’u drejtohet dëshira drejt përdorimit të të ardhurave për t’u shkolluar.
Përforcimi: Pesëvargësh
Banka
e madhe e sigurt
depozitoj tërheq siguroj
Banka na siguron paratë.
siguri
Nxënësit lexojnë pesëvargëshat e krijuar dhe përgëzohen për punën e tyre.
Detyrë shtëpie. Pyesni prindërit mbi faturat e energjisë elektrike, ujit dhe
telefonit për dy muajt e fundit. Bëni krahasimin e shpenzimeve
dhe arsyet që nuk janë kursyer për të ulur shpenzimet.
129