You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
İki rəqib alimin hekayəti<br />
İki alim yaşardı hikmət evi dünyada,<br />
Höccət başdan aşardı hikmət evi dünyada.<br />
Hər biri “mən”, “mən” dedi, “sən”, “sən” deyən olmadı,<br />
Bu mənzilin sahibi “sənsən” deyən olmadı.<br />
İki deyil yaradan, tanrı təkdir dünyada.<br />
Bir baş varkən, ikinci nə gərəkdir dünyada?<br />
İki Cəmşid bir yerdə dövran sürə bilərmi?<br />
İki qılınc bir qına, söylə, girə bilərmi?<br />
Bir-birinə qənimtək kələk qurdu alimlər,<br />
“Hikmət evi mənimdir” deyib durdu alimlər.<br />
Hikmət evi çevrildi kin-ədavət evinə,<br />
Biri köçsün, ev dönsün bir ədalət evinə.<br />
Canla, başla girişdi iki yağı köçməyə.<br />
Hazırlaşdı hər biri toran çağı köçməyə.<br />
Dedilər ki, bu evdən köçsək daha yaxşıdır,<br />
İki şərbət düzəldib içsək daha yaxşıdır.<br />
Bir görək ki, kim kimə yağıdan da betərdir,<br />
Görək kimin şərbəti ağıdan da betərdir.<br />
İki hikmət mülkündə qala bilək hünərlə,<br />
Bir bədənə iki can ala bilək hünərlə.<br />
Biri zəhər düzəltdi - beyni-başı yandıran,<br />
Üfunəti, qoxusu qara daşı yandıran.<br />
Verib dedi: “Nuş eylə, nəşə verən meydi bu,<br />
Zəhər deyil, şərbətdən daha şirin şeydi bu.”<br />
Şirürəkli bildi ki, qatıb meyə ağını,<br />
Alıb çəkdi başına şərbət deyə ağını.<br />
Çimmək üçün qaynatdı nuşgiyanı əlüstü,<br />
Tiryək kəsdi zəhəri, hər ziyanı əlüstü.<br />
Pərvanətək yansa da yenə qanad açdı o,<br />
Hər məclisə şam kimi öz nurunu saçdı o.<br />
Gül bağından gül dərdi, yaman güldü düşmənə,<br />
Zəhər deyil, qıydığı haman güldü düşmənə.<br />
Qəniminə uzatdı qoxuduğu o gülü.