You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
5. Neft Fondu—şəffaf suveren fond<br />
5.1. Neft Fondunun ictimaiyyətə açıqlama vasitələri<br />
Yaradıldığı gündən etibarən şəffaflıq Dövlət Neft Fondunun fəaliyyətinin əsas prinsiplərindən<br />
birini təşkil edir. Neft Fondu tərəfindən şəffaflığın təmin edilməsi ilk növbədə Fondun<br />
maliyyə fəaliyyəti haqqında hesabatının müstəqil beynəlxalq nüfuzlu auditor tərəfindən<br />
yoxlanılması vasitəsilə həyata keçirilir.<br />
Dövlət Neft Fondunun İnformasiya Siyasəti. Dövlət Neft Fondunun ictimaiyyətlə əlaqələri<br />
və kütləvi informasiya vasitələri ilə (KİV-lə) münasibətləri Fondun İcraçı direktoru tərəfindən<br />
təsdiq edilmiş Neft Fondunun İnformasiya Siyasətinə uyğun olaraq qurulur. Fondun<br />
İnformasiya Siyasəti Dövlət Neft Fondunun İcraçı direktorunun 20 aprel 2007-ci il tarixli<br />
Sərəncamı ilə təsdiq edilmişdir. Neft Fondunun İnformasiya siyasəti “İnformasiya əldə<br />
etmək haqqında” Azərbaycan Respublikasının Qanununa uyğun olaraq, Fondun ictimaiyyətlə<br />
əlaqələrinin düzgün koordinasiya edilməsini, effektli idarə edilməsini, ictimaiyyətin Fondla<br />
bağlı informasiya ehtiyaclarının ödənilməsini və Fondun şəffaf dövlət təşkilatı imicinin<br />
qorunmasını və inkişaf etdirilməsini təmin etmək məqsədi ilə hazırlanmışdır. Neft Fondunun<br />
ictimaiyyətə informasiya açıqlama vasitələrinə əsasən aşağıdakılar daxildir:<br />
• Pres-relizlər;<br />
• Rüblük və illik hesabatlar;<br />
• Neft Fondunun rəsmi internet səhifəsi;<br />
• Mətbuat konfransları;<br />
• Kütləvi informasiya vasitələri (KİV) vasitəsilə məlumatın çatdırılması.<br />
Pres-reliz kütləvi informasiya vasitələri ilə təcili yayılmalı olan informasiyanı əks etdirən<br />
xüsusi bülletenlərdir. Pres-reliz geniş auditoriya üçün nəzərdə tutulan və Fond haqqında<br />
faydalı informasiyanı və ya mühüm yeniliyi əks etdirən məlumatdır. Pres-reliz mətbuatda<br />
dərc edilmək və ictimaiyyətin məlumatlandırılması üçün Fondun İctimaiyyətlə əlaqələr<br />
şöbəsi tərəfindən yayılır. Neft Fondu hər rüb Fondun aktivləri, həyata keçirilən layihələr,<br />
gəlirlər və xərclər barədə dövri mətbuatda pres-relizlər yayır. Bundan başqa Fondun İcraçı<br />
direktorunun işgüzar səfərləri, Fondda keçirilən müxtəlif tədbir və görüşlər barədə presrelizlər<br />
vasitəsilə ictimaiyyət məlumatlandırılır.<br />
Neft Fondu Azərbaycan Respublikasının “İnformasiya əldə etmək haqqında” Qanunu və<br />
Azərbaycan Respublikası Dövlət Neft Fondunun İnformasiya Siyasətinə uyğun olaraq təbii<br />
ehtiyatların idarə olunmasından əldə edilən gəlirlər və onların xərclənməsi istiqamətlərinin<br />
ictimaiyyətə çatdırılmasında şəffaflığın təmin olunması üçün gəlir və xərcləri haqqında<br />
rüblük məlumatları, fəaliyyəti barədə illik hesabatları, MHŞT-nin tətbiqi barədə məlumatları<br />
mətbuatda və Neft Fondunun internet səhifəsində (www.oilfund.az) mütəmadi olaraq<br />
dərc etdirir.<br />
Hər il beynəlxalq nüfuzlu auditorlar tərəfindən Neft Fondunun fəaliyyəti audit olunur. Dövlət<br />
Neft Fondunun 2010-cu il üzrə maliyyə fəaliyyətinin auditi Ernst ənd Yanq şirkəti tərəfindən<br />
keçirilib. Eyni zamanda Azərbaycan Respublikasının Hesablama Palatası tərəfindən Dövlət<br />
Neft Fondunun 2008 və 2009-cu illər üzrə vəsaitinin idarə olunması və istifadəsi ilə bağlı<br />
audit yoxlaması keçirilib.<br />
54 AZƏRBAYCAN RESPUBLİKASI DÖVLƏT NEFT FONDU İLLİK HESABAT 2010
Change language