You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
5. Neft Fondu—şəffaf suveren fond<br />
5.3. Suveren Fondların Beynəlxalq Forumu<br />
Suveren Fondların Beynəlxalq Forumu (SFBF) Suveren Fondların Beynəlxalq İşçi Qrupunun<br />
2009-cu il aprelin 5-6-da Əl-Küveyt şəhərində keçirilmiş iclasında yaradılmışdır. SFBF könüllü<br />
qrup olub, əsas məqsədi Suveren Fondların ümumi maraqlarına dair məsələlər ətrafında<br />
fikir mübadiləsi aparmaq və Santyaqo prinsipləri və Suveren Fondların fəaliyyətlərinin<br />
anlaşılmasını asanlaşdırmaqdır.<br />
Azərbaycan Respublikası Dövlət Neft Fondu SFBF-nin aktiv üzvüdür və davamlı olaraq<br />
Forumun iclaslarında iştirak edir. Təsadüfi deyil ki, SFBF-nin ilk görüşü 2009-cu il 8-9<br />
oktyabr tarixlərində Azərbaycan hökuməti və Dövlət Neft Fondunun təşkilatçılığı ilə Bakı<br />
şəhərində keçirilmişdir.<br />
SFBF-nin növbəti görüşü 2010-cu ilin 8-11 may tarixlərində Avstraliyanın Sidney şəhərində<br />
keçirilmişdir. SFBF-nin üzvləri Santyaqo Prinsipləri, eləcə də cari bazar şərtləri nəzərə<br />
alınmaqla formalaşmaqda olan investisiya meylləri və hazırlanmaqda olan siyasi islahatlar<br />
gündəliyi ətrafında fikir mübadiləsi aparmışdır. Müzakirə olunan vacib məsələlərdən biri<br />
də suveren fondların investisiya yatırdığı ölkələr ilə uzunmüddətli investisiya kapitalının<br />
sərbəst axınına nail olunmasına istiqamətlənmiş dialoqun davam etdirilməsi olmuşdur.<br />
Görüşdə SFBF-nin tərkibində fəaliyyət göstərən hər üç alt-komitənin işindəki irəliləyişlər<br />
nəzərdən keçirilmiş və Forumun gələcək iş planları yenilənmişdir.<br />
2010-cu il ərzində Dövlət Neft Fondunun aktiv iştirakı ilə Santyaqo prinsiplərinin tətbiqi<br />
ilə əlaqədar sorğu hazırlanmış və SFBF-nin üzvü olan suveren fondlara göndərilmişdir.<br />
Sorğunun nəticələri əsasında hazırlanan hesabat SFBF-nin 2011-ci ilin may ayında<br />
Çinin Pekin şəhərində keçirilən görüşündə Forumun bütün üzvləri tərəfindən nəzərdən<br />
keçirilmişdir və bu hesabatın iyul ayında SFBF-nin internet səhifəsi vasitəsi ilə ictimaiyyətə<br />
açıqlanması planlaşdırılır.<br />
Santyaqo Prinsiplərinin 24-cü prinsipinə əsasən Neft Fondu bu prinsiplərin tətbiqi ilə<br />
bağlı ilk hesabatını ictimaiyyətə açıqlamışdır. Hesabat ilə ətraflı şəkildə Əlavə 1-də tanış<br />
olmaq olar.<br />
İLLİK HESABAT 2010<br />
AZƏRBAYCAN RESPUBLİKASI DÖVLƏT NEFT FONDU<br />
57