Untitled - CESD

3. İnvestİsİya strategİyası və Rİsklərİn İdarə edİlməsİ
2010-cu ildə dünya bazarlarında qızılın qiymətində təxminən 30% artım qeydə alınmışdır.
Belə ki, qızılın bir unsiyasının qiyməti 1091 ABŞ dollarından 1420 ABŞ dollarına qədər
artmışdır. Bunun əsas səbəbi kimi Avropada yaşanan suveren borc böhranını göstərmək olar.
2010-cu ildə Dövlət Neft Fondunun investisiya siyasətinin məqsədi Neft Fondunda
toplanan vəsaitlərin aşağı risk və aşağı qiymət dəyişkənliyi şəraitində idarə edilməsi və
belə investisiya siyasətinə uyğun olan gəlirliliyin əldə edilməsi olmuşdur. Neft Fondunun
vəsaitlərinin idarə edilməsinin əsas istiqamətlərində 2009-cu ilə nisbətən ciddi dəyişiklik
edilməmiş, əsas məqsəd mühafizəkar, əsas kapitalın itirilməməsinə və təminatlı gəlirin
əldə edilməsinə imkan verən investisiya siyasətinin yeridilməsi olmuşdur.
2010-cu ilin əvvəllərindən başlayaraq Neft Fondunun investisiyaları əsasən qısamüddətli
sabit gəlirli qiymətli kağızlara və dəyişkən kuponlu qiymətli kağızlara yönəldilməyə
başlanılmışdır. Neft Fondunun yeni investisiyalarında, o cümlədən daha aşağı kredit
reytinqinə malik qiymətli kağızlar yer almağa başladı. Fondun bu siyasətində əsas məqsəd
dünya maliyyə bazarlarında faiz dərəcələrinin kifayət qədər aşağı olması səbəbindən daha
az faiz dərəcəsi riski götürməklə mövcud şərtlər daxilində maksimum gəlirlilik əldə etmək,
o cümlədən investisiya portfelinin yüksək diversifikasiyasını təmin etmək idi. Belə ki,
2009-cu ilin sonunda Neft Fondunun investisiya portfelində korporativ istiqrazların çəkisi
7,5% təşkil etmişdirsə, bu rəqəm 2010-cu ilin ilk rübünün sonunda, yəni mart ayının 31-nə
14,24%-ə çatdırılmışdır. Bu müddət ərzində eyni zamanda suveren borc istiqrazlarının xüsusi
çəkisi 28,15% -dən 22,38%-ə qədər azaldılmışdır. Fondun investisiya portfelindəki “AAA”
reytinqinə malik istiqrazların çəkisi 31 dekabr 2009-cu ildəki səviyyəsindən, yəni 61,11%
-dən 2010-cu il mart ayının 31-nə 51,1% -ə qədər azaldılmışdır. Bu müddət ərzində investisiya
portfelindəki “A” kredit reytinqinə malik kağızların çəkisi 19,63%-dən 24,88%-ə qədər,
“BBB” kredit reytinqinə malik kağızların çəkisi 2,16%-dən 4,77%-ə qədər artırılmışdır. Bu
dövr ərzində Fondun investisiya portfelinin əsas hissəsini təşkil edən istiqraz portfelinin
dürasiyası 0,455 səviyyəsində olmuşdur.
Qrafik 3.1.7. Neft Fondunun investisiya portfelindəki istiqrazların kredit reytinqləri üzrə
təsnifatı
AAA
AA
A
BBB
Digər
0% 10% 20% 30% 40% 50% 60% 70%
31.12.10 30.06.10 31.12.09
26 AZƏRBAYCAN RESPUBLİKASI DÖVLƏT NEFT FONDU İLLİK HESABAT 2010