You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
6. Bizim dəyərlərimiz: Hörmət,<br />
Kollektiv iş, İnam, Şəffaflıq<br />
Yarandığı gündən etibarən Neft Fondu Azərbaycanın, eləcə də dünyanın bir çox iqtisadi<br />
təşkilatları, maliyyə qurumları, bankları ilə sıx əməkdaşlıq edir. Fond əməkdaşlıq etdiyi bütün<br />
təşkilatlarla iqtisadi münasibətlərini hörmət, şəffaflıq, qarşılıqlı inam, etibarlı tərəfdaşlıq<br />
prinsipləri əsasında qurur.<br />
Dövlət Neft Fondu tərəfindən qısa müddət ərzində yüksək uğur əldə etmənin səbəbi<br />
kollektivin öz işinə yaradıcı yanaşması, fədakar əməyi, əsasən də, peşəkarlığın artırılması<br />
və korporativ mədəniyyətin qurulmasıdır. Yüksək ixtisaslı, peşəkar və gənc kadrlardan<br />
formalaşmış komanda şəxsiyyətə hörmət, məsuliyyət, komanda halında çalışmaq kimi<br />
meyarları əsas tutur. Yüksək keyfiyyətli, səmərəli işin ərsəyə gətirilməsinin başlıca səbəbi<br />
işçi heyətdə formalaşan münasibətlərin qarşılıqlı hörmət, inam əsasında qurulmasıdır.<br />
Kollektiv iş vahid bir xəyal uğrunda birgə işləmək bacarığı, fərdi nailiyyətləri təşkilati<br />
vəzifələrə yönəltməkdir. Hər bir təşkilatın adı və mövqeyi həyata keçirdiyi yüksək keyfiyyətli<br />
işlə yanaşı, onun kollektivindən və onların birgə işinin səmərəli nəticəsindən asılıdır.<br />
Kollektiv iş əməkdaşlara bir-birini tanımaq, bir-birinə qarşılıqlı təsir göstərmək, həmçinin<br />
birgə əmək vasitəsilə böyük uğurlar əldə etmək imkanı verir. Bu da adi insanlara qeyri-adi<br />
nəticələr əldə etməyə kömək edən stimuldur.<br />
Dövlət Neft Fondu kollektivin həmrəyliyinə, işçilər arasında etibarın olmasına, qarşılıqlı<br />
anlaşmaya, düzgünlüyə, vicdanlılığa və kollektiv işə böyük önəm verir. Məhz kollektiv<br />
iş və ümumi səylər nəticəsində Dövlət Neft Fondu böyük uğurlar əldə etmiş və nəinki<br />
Azərbaycanda, o cümlədən beynəlxalq arenada da yüksək nüfuz qazanmışdır. Şəffaflıq<br />
Təşəbbüsünün tətbiqi nəticəsində Hasilatın Pay Bölgüsü Sazişlərinə uyğun olaraq ölkənin<br />
hər barel neftin, hər kub metr qazın satışından əldə etdiyi bütün vəsaitləri barədə istənilən<br />
məlumatı vətəndaşlarımız Dövlət Neft Fondunun rəsmi internet saytından əldə edə<br />
bilərlər. Əldə edilən vəsaitlərin geniş ictimaiyyətə açıqlanması vətəndaşların və beynəlxalq<br />
təşkilatların Dövlət Neft Fondunun şəffaf fəaliyyətinə yüksək inam hissini yaradır.<br />
Dövlət Neft Fondu yüksək ixtisaslaşmış qurum olaraq fəaliyyətini şəffaflıq prinsipi və<br />
kriteriyaları əsasında qurur. Tərəfdaş təşkilatlarla, işçilər və xarici menecerlər ilə birlikdə<br />
şəffaflıq prinsiplərinə əsaslanan, müasir standartlara uyğun fəaliyyət göstərən Fond<br />
Azərbaycanda və beynəlxalq aləmdə etibarlılıq və şəffaflıq nümunəsi olan qurum kimi<br />
yüksək dəyərləndirilir. MHŞT–nin prinsip və meyarlarına tam cavab verən ölkə olması və<br />
MHŞT-nin tətbiqi sahəsində əldə etdiyi nailiyyətlərə görə Neft Fondu “BMT-nin Dövlət<br />
Qulluğu Mükafatı” və “2009-cu il MHŞT mükafatı”na layiq görülmüşdür.<br />
64 AZƏRBAYCAN RESPUBLİKASI DÖVLƏT NEFT FONDU İLLİK HESABAT 2010