You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Sən onun şəklinə vuruldun belə,<br />
Özünü görəndə neylərsən, söylə?<br />
Orda nurdan doğmuş dünya taparsan,<br />
Gözlərin nurudur, özü də cavan,<br />
Maraqlı, zirək və ayıq igiddir,<br />
Ülfətdə ceyrandır, qəzəbdə bir şir.<br />
Bir güldür ki, hələ görməmiş xəzan,<br />
İlk bahar gəncliyi öyrənmiş ondan.<br />
Hələ gül yanında bitməmiş şümşad.<br />
Süsəni andırır o sərvi-azad.<br />
Oxunun yeləyi tərlan canında,<br />
Nilufəri suda, odu qanında.<br />
Hələ günəşini örtməmiş duman,<br />
Nə günəşdən qorxur, nə də buluddan.<br />
Bir ətri cənnətə yüz qapı açar,<br />
Ay gözəl üzündən utanıb qaçar.<br />
Atı yəhərlədi – Rüstəm kimidir,<br />
İçərkən görənlər Keyqubad bilir.<br />
O gecə ki, Xosrov səxavət eylər,<br />
Qarun xəznəsini aparar yellər.<br />
Söhbətdə mərcandan inci çıxarar,<br />
Bir vurğuda şirin qəlbini yarar.<br />
Əyri üzəngisi tərpənən zaman<br />
Yellər cilovunu çəkər tozundan.<br />
Nəsəbini sorsan, söyləyim: Cəmşid,<br />
Həsəbini sorsan, günəşdir, eşit!