You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Xarici menecerlər<br />
Azərbaycan Respublikası Prezidentinin 19 iyun 2001-ci il tarixli 511 nömrəli Fərmanı ilə<br />
təsdiq edilmiş, 21 dekabr 2001-ci il tarixli 607 nömrəli və 1 mart 2005-ci il tarixli 202 nömrəli<br />
Fərmanı ilə əlavə və dəyişikliklər edilmiş “Azərbaycan Respublikası Dövlət Neft Fondunun<br />
valyuta vəsaitinin saxlanılması, yerləşdirilməsi və idarə edilməsi haqqında Qaydalar”a uyğun<br />
olaraq Fondun valyuta vəsaitinin idarə edilməsinə xarici menecer (bundan sonra menecer)<br />
cəlb edildikdə menecerin özünün və ya onun əsas təsisçisinin kredit reytinqi investisiya<br />
dərəcəli kredit reytinqindən (Baa3 (Mudiz) və ya BBB- (Standard ənd Purz, Fiç)) aşağı<br />
olmamalı, və ya onun aktivlərinin idarə edilməsində beş ildən az olmayan müsbət təcrübəsi,<br />
və yaxud dəyəri 1 milyard ABŞ dolları məbləğindən az olmayan aktivlərin idarə edilməsi<br />
sahəsində səriştəsi olmalıdır. 31 dekabr 2010-cu il tarixinə Dövlət Neft Fondunun vəsaitlərini<br />
idarə edən xarici menecerlər bunlardır: Dünya Bankı, Deutsche AM və Clariden Leu.<br />
3.4. Risklərin idarə edilməsi<br />
Risklərin idarə olunması Neft Fondunun fəaliyyətinin ən vacib istiqamətlərindən biridir. Fond<br />
bu istiqamətdə dünya səviyyəsində tanınan, mütərəqqi modellərdən, proseduralardan və<br />
göstəricilərdən istifadə edir. 2010-cu ilin fevral ayında satın alınmış RiskMetriks proqram<br />
təminatı risklərin idarə olunması sahəsində Fondun imkanlarını xeyli artırmışdır. Fondda<br />
risklərin idarə olunması iki istiqamətdə həyata keçirilir: maliyyə riskləri və əməliyyat riskləri.<br />
Maliyyə riskləri<br />
Bazar riski. Eyni zamanda sistematik risk kimi tanınan bazar riski bazar risk amillərinin<br />
dəyişməsi ilə əlaqədar portfelin qiymətinin aşağı düşməsi riskidir. Bazar risk amilləri<br />
dedikdə qiymətli kağızın qiymətləri, faiz dərəcələri, xarici valyuta məzənnələri və əmtəə<br />
qiymətləri başa düşülür. Bazar riskləri investisiya fəaliyyəti ilə məşğul olan hər bir şirkət<br />
tərəfindən nəzarətdə saxlanılan ən vacib risklərdən biridir və Neft Fondu da bu istiqamətdə<br />
öz səylərini artırmaqda davam edir. Fondun investisiya portfelində qısamüddətli istiqrazlar<br />
üstünlük təşkil edir. Digər tərəfdən Fondun aktivlərinin yerləşdirildiyi ölkələrin mərkəzi<br />
banklarının faiz dərəcələri daimi nəzarətdə saxlanılır və faiz dərəcələrinin dəyişməsinə<br />
uyğun olaraq müvafiq sabit gəlirli qiymətli kağızlar üzrə dürasiyalar nizamlanır.<br />
Kredit riski. Bu risk növü ümumi olaraq borc götürənin borcun əsas hissəsini və onun faiz<br />
ödənişlərini vaxtında ödəyə bilməməsi və ya müqavilə öhdəliklərini yerinə yetirə bilməməsi<br />
riskidir. Kredit riski bir neçə mənbədən qaynaqlana bilər, məsələn borc götürən şirkətin<br />
iflas olması, kredit reytinqinin aşağı salınması və s. Kredit riskləri artdıqca investorlar öz<br />
aktivlərini daha yuxarı faiz dərəcəsi ilə borc verirlər. Kredit riski sabit gəlirli aktivlər üzrə<br />
investisiyalarda çox mühüm əhəmiyyət daşıyır və əsas kredit təşkilatları minlərlə şirkətin,<br />
agentliyin və maliyyə qurumlarının kredit reytinqini mütəmadi olaraq hesablayırlar. Fondun<br />
vəsaitlərinin qiymətli kağızlara yerləşdirildiyi maliyyə qurumlarının, habelə qiymətli kağızların<br />
kredit reytinqi Azərbaycan Respublikası Prezidentinin 2001-ci il 19 iyun tarixli 511 nömrəli<br />
Fərmanı ilə təsdiq edilmiş “Fondun valyuta vəsaitinin saxlanılması, yerləşdirilməsi və idarə<br />
edilməsi haqqında Qaydalar”la tənzimlənir.<br />
32 AZƏRBAYCAN RESPUBLİKASI DÖVLƏT NEFT FONDU İLLİK HESABAT 2010