Create successful ePaper yourself
Turn your PDF publications into a flip-book with our unique Google optimized e-Paper software.
Yeddi Gözəl<br />
Bəhram şah bir səhər çıxdı şikara,<br />
Üz qoydu çöllərə, uca dağlara.<br />
Öz kəhər atıyla, qovhaqov saldı,<br />
Şur çəkdi, gur vurdu, atdı, o saldı...<br />
...Səhrada atlılar bağlayıb dəstə,<br />
Gurları qovdular Bəhramın üstə,<br />
Gur dırnaqlı kəhər altında oynaq<br />
Durmuşdur pusquda şah aslan sayaq.<br />
Gur saçan əlinin hünəri vardı,<br />
Kirişi boşaldıb ox doldurardı.<br />
Oxları torpağa saçardı alov,<br />
Həm də hey vururdu, salırdı bol ov.<br />
Gur budu olanda kabab gərəkdir,<br />
Demək od gərəkdir, şərab gərəkdir.<br />
Şahın o gur vuran iti peykanı<br />
Odur ki, döndərdi oda hər yanı.<br />
Oxu yağdırardı uçarkən alov,<br />
Bişərdi o saat hər vurulan ov.<br />
Qarşıya çıxandan əsər qoymazdı,<br />
Peylərdi, peylərdi yenə doymazdı.<br />
İzləyirdi ovu, gəzirdi dağ-daş,<br />
Yanında ay kimi gözəl qaravaş.<br />
Soruşsanız onun siz, nədir adı,<br />
Bu şən fitnəkarın Fitnədir adı.<br />
Baxışı məxmurdu, gözləri durğun,<br />
Şah ona vurğundu, o şaha vurğun.<br />
Cənnət baharıtək üzü təzə, şən,<br />
Yerişi taxılın üstündə əsən<br />
Üzləri oxşayan yelə oxşardı,<br />
Duruşunda başqa incəlik vardı,<br />
Paldavadan şirin, dadlı, yumşaqdı,<br />
Sanki bal qatılan gərəydi, yağdı.<br />
O bütün hüsnüylə bir nəğməzəndi,