You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Dilbər rəqqasəydi, mahir süzəndi.<br />
Etsəydi səsini kamançaya tuş,<br />
Vurulub düşərdi göydən uçan quş.<br />
Şah onu dinlərdi ovda, işrətdə,<br />
Keçirdi dəmləri istirahətdə.<br />
Fitnə çəng çalardı, şah gur vurardı,<br />
Bu ovlar, o isə büsat qurardı...<br />
Ansızın büründü toza düzəngah,<br />
Sıçratdı atını ov üstünə şah.<br />
Özünü gurların səmtinə saldı,<br />
Qızğın şirlər kimi ox, kaman aldı.<br />
Oxunu tuşlayıb, qoydu tez yaya,<br />
Uçurtdu yel kimi sonra səhraya.<br />
Gurun sağrısını ox birdən-birə<br />
Dəldi, ağzı üstə düşdü ov yerə.<br />
Bir an bu ovlaqda şikara durdu,<br />
Bəzən canlı tutdu, bəzən də vurdu.<br />
Qaravaş – hiyləgər, ədalı Fitnə<br />
Göz yumdu padşahın şücaətinə.<br />
Hökmdar bir saat səbr etdi, baxdı.<br />
Ta uzaqdan bir gur qaçmağa qalxdı.<br />
Şah dedi: “Söylə, bir, tatargözlü, sən,<br />
Almayırsan ovu gözünə nədən?<br />
Belə bir ovçuluq sığışmaz sözə,<br />
Girməz əlbəttə ki, elə dar gözə.<br />
Bax, o gur çaparaq gəlir uzaqdan,<br />
Harasından vurum, başdan, dırnağdan?”<br />
Şəkər dodaqlıda çoxlu kibrü-naz,<br />
Qadındı, qadınlar olur boşboğaz,<br />
Dedi: “İnanaram qüdrətinə mən,<br />
Onun dırnağını başına tiksən”.<br />
Şah gördü naz edir inadkar gözəl,<br />
Onun istəyinə eylədi əməl.<br />
Əvvəlcə istədi güruha – kaman,<br />
İçinə girdə daş qoyaraq, haman,