Untitled - CESD

3. İnvestİsİya strategİyası və Rİsklərİn İdarə edİlməsİ
ABŞ Federal Rezerv 2010-cu ildə istər iqtisadi artımın stimullaşdırılması, istərsə inflyasiyanın
yol verilə bilinən həddə saxlanılması, istərsə də maliyyə bazarlarında etimadın təmin
olunması məqsədilə əsasən iki istiqamətdə siyasət aparmışdır. İlk öncə Federal Rezervin
qiymətli kağızlar portfelinə daxil olan və qaytarılma müddəti bitən ipotekaya bağlı qiymətli
kağızlar, dövlət təminatlı qurumların emissiya etdiyi qiymətli kağızlar və dövlət istiqrazlarının
yalnız dövlət istiqrazlarına təkrar investisiya ediləcəyi barədə məlumat avqust ayında bank
tərəfindən açıqlandı. Noyabr ayının əvvəllərində isə Federal Rezerv tərəfindən kəmiyyət
baxımından monetar liberallaşdırma siyasəti çərçivəsində 2011-ci ilin iyun ayına qədər 600
milyard ABŞ dolları dəyərində dövlət istiqrazlarının alınması barədə məlumat ictimaiyyətə
çatdırıldı.
2010-cu ildə dünya səhm bazarları regionlar və ölkələr üzrə müxtəlif istiqamətdə
səciyyələnmişlər. Xüsusilə, Cənubi Avropanın bəzi ölkələrində yaşanan suveren borc
böhranı səbəbindən Avropada səhm bazarları indekslərinin dinamikasında ciddi fərqlər
qeydə alınmışdır. Belə ki, Danimarka, İsveç, Finlandiya, Norveç, Almaniya və Avstriyada
əsas səhm indekslərinin 2010-cu il üçün gəlirliliyi müvafiq olaraq +36%, +21%, +19%,+18%,
+16%, +16% təşkil etdiyi halda, Cənubi Avropa ölkələrindən olan Yunanıstan, İspaniya,
İtaliya və Portuqaliyada bu rəqəmlər müvafiq olaraq -36%, -17%, -13%, -11% təşkil etmişdir.
Fransa səhm bazarının əsas indeksi olan CAC 40 indeksi də 2010-cu ili zərərlə bağlamışdır
(-3,3%). ABŞ səhm indeksi olan S ənd P 500 indeksi 2010-cu ildə +11%-dən çox gəlirlilik
göstərmişdir. Ümumiyyətlə 2010-cu ildə dünya səhm bazarları indeksləri həm qısa və orta
müddətdə iqtisadi artım potensialı barədə gözləntilərin aşağı olması, həm bəzi Avropa
ölkələrində suveren borc böhranının yaşanması, həm də aparıcı ölkələrin mərkəzi bankları
tərəfindən müxtəlif monetar siyasətlərin aparılması səbəbindən ciddi qiymət dəyişkənliyi
riski ilə səciyyələnmişdir.
2010-cu il xammal bazarları üçün də kifayət qədər qiymət dəyişkənliyi ilə seçilmiş və il
ərzində müsbət trend qeydə alınmışdır. 2010-cu il neft bazarlarında tələb təklif tarazlığı
qorunmuşdur. Belə ki, Neft İxrac edən Ölkələr Təşkilatı (OPEC) tərəfindən açıqlanan
məlumata görə neftin 1 barelinin qiymət aralığı 70-80 ABŞ dolları ətrafında olması təşkilata
üzv ölkələrin müvafiq mənfəət normalarını əldə etməyə imkan vermişdir ki, keçən ildə də
neftin 1 barelinin qiyməti təxminən bu aralıqda olmuşdur.
24 AZƏRBAYCAN RESPUBLİKASI DÖVLƏT NEFT FONDU İLLİK HESABAT 2010