1. Edukata 1-5

ZHVILLIMI I MËSIMIT
Parashikim: Bashkëbisedim
Mësuesja iu flet nxënësve për respektin në përgjithësi, duke sqaruar kuptimin e fjalës
respekt. Në vazhdim i aktivizon nxënësit në një bashkëbisedim. Ata duke sjellë shembuj
nga jeta e përditshme tregojnë se kur janë ndjerë të respektuar dhe kur jo në situata të
ndryshme. Njëkohësisht tregojnë edhe raste kur pa dashur edhe vetë janë treguar të
pasjellshëm, duke mos respektuar motrën, vëllanë, shokun etj.
Ndërtim i njohurive - Punë e drejtuar
Hapen librat. Nxënësit vërejnë fotot dhe i komentojnë ato. Ata vënë në dukje sjelljet e
fëmijëve për secilin rast.
Diskutime. Të nxitur nga mësuesja ata sjellin raste nga jeta e tyre, të ngjashme me ato të
librit.
Në të njëjtën mënyrë veprohet edhe me detyrën 1.
Nxënësit pasi kanë vënë në dukje sjelljet e fëmijëve, plotësojnë vendet bosh me fjalët e
përshtatshme. Plotësimi bëhet me gojë dhe me shkrim.
Përforcim: Detyra 2. Disa nxënës lexojnë me radhë pyetjet, të tjerë iu përgjigjen. Merr
pjesë e gjithë klasa.
Kreu III. Të bashkëveprojmë
Mësimi 3.1 Të mësojmë të punojmë së bashku
Objektivat: Në përfundim të mësimit do të jeni të aftë:
- të flasin për grupin dhe punën në të;
- të vlerësoni rolin e secilit pjesëtar të grupit.
Mjetet e punës: Libri i nxënësit, foto të ndryshme në lidhje me mësimin, lapsa me ngjyra,
fletë formati.
Fjalë kyç: puna në grup, harmoni, bashkëpunim
Aftësitë: Të shprehur, të komentuar, të plotësuar
Struktura PNP Metoda Teknika Veprimtari
Parashikim Bashkëpunojmë Pastrojmë vendin e punës Aktivitet
Ndërtim I njohurive Punë e drejtuar Lexim, komente, krahasim Përshkrim
Përforcim Turi I galerisë Vizatim i lirë Punë në grup
ZHVILLIMI I MËSIMIT
Parashikim - Bashkëpunojmë
Ndahet klasa në grupe. Mësuesja kërkon nga nxënësit:
17