1. Edukata 1-5

Mësimi 4.5. Të mësojmë të rrimë së bashku
Objektivat: Në Përfundim të mësimit nxënësit do të jenë të aftë:
- të listojnë dy rregulla të sjelljes në familje, shkollë dhe shoqëri;
- të tregojnë se si mund të ndikojnë për të krijuar atmosferë miqësore në mjedisin ku
jeton;
- të bëjnë dallimin midis botës së kafshëve dhe asaj të njerëzve (sjelljet).
Mjetet e punës: Libri i nxënësit, foto të ndryshme për mësimin, lapsa, fletë formati,
shkumësa me ngjyra etj.
Fjalë kyç: të lumtur, shokë, së bashku, problem, kënaqësi.
Aftësi: të folur, të diskutuar, të shkruar.
STRUKTURA PNP METODA TEKNIKA VEPRIMTARI
Parashikim Rrjeta e merimangës Lojë E gjithë klasa
Ndërtimi i njohurive Diskutim, komente Bisedë e lirë, lexim teksti E gjithë klasa
Përforcim Shkrim i shpejtë Caktojmë rregulla Në grup
ZHVILLIMI I MËSIMIT
Parashikim - Rrjeta e merimangës
Vendoset klasa në formë rrethi. Një nxënës mban në dorë një rokele peri. Pasi ka thënë një
rregull që zbatohet në familje, shkollë ose shoqëri ja hedh rokelen me pe një shoku tjetër,
i cili duhet të thotë një tjetër rregull. Nxënësi i dytë ja hedh një tjetër shoku/shoqeje që
edhe ai/ajo duhet të thotë një rregull e kështu me radhë.
Ndërtim i njohurive - Diskutime komente
Hapen librat e vazhdon puna me to. Nxënësit të nxitur nga mësuesi/ja komentojnë fotot.
Ata tregojnë gjendjen emocionale të personazheve të çdo fotoje.
Punë në grupe
Detyra 1. Duke u bazuar në fjalët e shkruara dhe në foton e librit nxënësit ndërtojnë një
ngjarje. Lexohet puna e çdo grupi.
Detyra 2. Mësuesja i nxit nxënësit të flasin për kafshët, si jetojnë, si sillen me njëri-tjetrin
etj. Dilet në përfundimin se edhe kafshët kanë grupimet e tyre sipas llojit. Çdo grup ka
rregullat e veta. Ata komunikojnë, argëtohen, punojnë. Ata i kanë të ndara detyrat. P.sh.
nëna e harabelave ndërton folenë për të vegjlit si dhe ju siguron atyre ushqim derisa ata të
jenë të gatshëm të fluturojnë. Kanguri e mban të voglin me vete në një xhep që ka përpara
derisa ai të ecë vetë pa vështirësi.
Përforcim - Shkrim i shpejtë
Në një fletë formati nxënësit në grupe shkruajnë ndryshimet dhe të përbashkëtat midis
njerëzve dhe kafshëve.
27