You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
PARATHËNIE<br />
*<br />
Shqipëria i ka takuar qytetërimit bujqësor. Në një qytetërim të tillë,<br />
sado punëtor dhe i ndershëm të jesh, rrezikon të vdesësh për bukën<br />
e gojës (Ernest Gellner). Misër, misër, do të klithë Migjeni më 1930,<br />
shëllirë dhe misër përnatë, do të pohojë Kadare më 1970.<br />
Ky ka qenë realiteti ynë.<br />
Megjithëse në kushte të tilla, shkrimtarët shqiptarë, që nga Marin<br />
Barleti, që shkroi vetëm latinisht, nga Pjetër Bogdani, De Rada, Naim<br />
Frashëri, Fishta, Noli, Poradeci, Migjeni, Kadare etj., me veprat e tyre<br />
më të mira, i kanë dhënë këtij vendi një letërsi që është në nivelin e<br />
kontinentit të cilit i përkasin. Jeta personale e shumë prej këtyre<br />
shkrimtarëve ka qenë tragjike, por letërsia e tyre ka mbijetuar.<br />
Komunizmi e zëvendësoi realitetin e kërkesave për më shumë bukë<br />
me ofertën simbolike të një shoqërie të mrekullisë. Të uriturit, tashmë,<br />
në vend të misër, misër, ulërinin: ne jemi të lumtur, rroftë komunizmi.<br />
Shqipërisë, përveç fatit të hidhur, i ra në pjesë një ironi edhe më e hidhur:<br />
duke qenë një nga vendet më të varfra në botë, i duhej që këtë varfëri ta<br />
shiste si lumturinë më të madhe.<br />
Shkrimtarëve, poetëve dhe prozatorëve të atëhershëm u ishte vënë<br />
si detyrë që këtë situatë me kokëposhtë, fantazmagorinë tragjike të<br />
varfërisë, ta paraqitnin sa më të bukur: duhet ta shijonim varfërinë si<br />
realitet të mrekullisë. Një detyrë e vështirë kjo, në mos e pamundur.<br />
Realiteti që nuk ekzistonte, duhej shpikur, duhet të krijohej sipas<br />
dëshirës së zyrtarëve të sistemit. Një situatë postmoderne kjo? Jo, ky<br />
ishte realizmi socialist.<br />
Një shkrimtar si Migjeni mund ta sulmonte hapur fatalitetin<br />
mortor në të cilin jetonte. Një shkrimtar si Kadareja, të cilit zyrtarisht i<br />
ofrohej një realitet simbolik, surreal, parimisht, në teori, duhet ta quante<br />
të bukur atë, kur, në fakt, e dinte që ishte vrasës.<br />
Të shkruaje atëherë, ishte një lojë me rrezik. Lojë në telin e hollë,<br />
fijet e të cilit i mbante të tendosura dikush tjetër.<br />
Por kësaj loje, kësaj joshjeje, i janë nënshtruar të gjithë shkrimtarët<br />
xii