You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>VEPRA</strong> <strong>POETIKE</strong><br />
në kohërat e mungesës së lirisë. Në praktikën krijuese, këta shkrimtarë<br />
hiqeshin sikur me dëshirën e tyre të plotë po zbatonin rregullat, kur,<br />
në të vërtetë, në shumicën e rasteve i shkelnin ato me të dyja këmbët.<br />
Naim Frashëri jetoi si nëpunës i lartë i Perandorisë Otomane, por<br />
si poet e anatemoi atë si rrallëkush, me të gjithë fuqinë e artit të tij.<br />
Shkrimtarët e mëdhenj në kohëra të vështira këtë kanë bërë. Ata kanë<br />
jetuar në dy realitete njëherësh, në atë të përkohshmin, ku ishin të<br />
detyruar të merrnin frymë, dhe në atë të përjetshmin, ku talenti i tyre<br />
i kishte përcaktuar të mbeteshin si të përjetshëm. Ky është paradoksi:<br />
të jetosh palirinë dhe të jesh i lirë në përjetësinë e artit.<br />
Thelbin e kësaj të vërtete e ka shprehur shkëlqyeshëm studiuesi<br />
dhe shkrimtari i shquar disident, Arshi Pipa, në një portretizim që i<br />
ka bërë Kadaresë në fillim të viteve ’80. “Nuk dyshoj se Kadare është një<br />
shkrimtar heretik... Dallimi midis një rebeli dhe një heretiku është se i pari<br />
e shpreh zemërimin e tij në mënyrë spazmodike, i cili mund të përmblidhet<br />
pas pak, kurse heretiku është i qëndrueshëm në kundërshtimin e tij... Duke<br />
jetuar në një shoqëri besimtarësh, ai duhet të veprojë jashtë rregullave dhe<br />
riteve të saj. Por ndërgjegjja e tij i kundërshton qëllimet e besimit të saj,<br />
duke bërë sikur u shërben dijeve në fjalë. Ndërsa është trupërisht pjesë e asaj<br />
shoqërie, ai jeton shpirtërisht jashtë saj”.<br />
Nëpër këtë rrugë ka kaluar edhe Kadare. Veç të tjerash, veç talentit,<br />
ai ka pasur edhe fat. Mund të thuash se ka qenë shkrimtari më me fat i<br />
letërsisë shqipe.<br />
*<br />
Në vitet ’30 të shekullit që shkoi, oxhakfshirësi i vetëm i qytetit të<br />
Gjirokastrës kuturisi që t’i dërgonte një letër Rokfelerit, bankierit më të<br />
madh të të gjithë botës së atëhershme. Letra, sipas dëshmive të kohës<br />
dhe të kronikës së Baftjar Dobit, Gjirokastra jonë, ishte pak a shumë si<br />
më poshtë:<br />
“Jetoj në qytetin e Gjirokastrës, në Shqipëri, e cila është në Ballkan dhe<br />
xiii