You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 79 (<strong>25694</strong>)<br />
16 2018-тӥ ар 18-тӥ коньывуон ЛИТЕРАТУРА<br />
www.udmdunne.ru<br />
d<br />
ТОДМАТОН<br />
Удмурт<br />
новеллистика<br />
1919-тӥ-1935-тӥ<br />
аръёсы<br />
Светлана АРЕКЕЕВА<br />
Удмурт новеллистикалэсь,<br />
озьы ик быдэс<br />
удмурт литературалэсь<br />
азинскон<br />
сюрессэ чаклано ке,<br />
одно ик лыдэ басьтоно<br />
1920-тӥ-1930-тӥ<br />
аръёсы периодикаын<br />
потэм пичи прозаез<br />
но.<br />
«Сюрес вожын» бичетэ<br />
люкамын «Гудыри»<br />
газетын 1919-тӥ-<br />
1930-тӥ аръёсы но «Кенеш»<br />
журналын 1926-тӥ-<br />
1935-тӥ аръёсы потэм<br />
тужгес но тунсыко гожтосъёс.<br />
Та веросъёс луонлык<br />
сёто удмурт прозалэсь<br />
азинскон сюрессэ<br />
зэмлыко (объективно)<br />
дунъяны но быдэслыко<br />
(целостно) син азе<br />
пуктыны; соос возьмато,<br />
ма сюлэмшугъяськытӥз<br />
писательёсыз та вакытэ,<br />
кыӵе гожъяськон<br />
амалъёс соос кутӥзы, кызьы<br />
пӧрмытскизы прозалэн<br />
пӧртэм жанръёсыз,<br />
кылдӥзы но юнмазы произведениослэн<br />
чеберлыко<br />
тодметъёссы (художественность)<br />
но мукет.<br />
Та аръёсы «пичи» проза<br />
удысын ужало: Кузебай<br />
Герд, Кедра Митрей,<br />
М. Кельдов, А. Миронов,<br />
И. Дядюков, И. Векшин,<br />
А. Клабуков, М. Волков,<br />
К. Яковлев, Е. Евсеев,<br />
А. Камашев, Е. Баранов,<br />
А. Годяев, М. Баженова,<br />
М. Тимашев, М. Коновалов,<br />
К. Иванов, Д. Баженов,<br />
П. Усков, И. Курбатов,<br />
Е. Ефремов, Н. Владимиров,<br />
Г. Медведев, И.<br />
Гаврилов, Т. Шмаков но<br />
мукетъёсыз. Тросэз соос<br />
пӧлысь гожтосъёссы улэ<br />
ватэмнимзэс пукто: кылсярысь,<br />
Пинь (Д. Баженов),<br />
Аркаш Багай но Аркаш<br />
Пель (А. Клабуков),<br />
К. Ошмес (К. Иванов),<br />
Пересь Шамардан (П.<br />
Усков), Мак. Осипов (М.<br />
Волков). Куд-огъёсыз авторъёс<br />
туала лыдӟисьлы<br />
тодмотэм ватэмнимын<br />
гожтӥсько: Лузь, Удмурт<br />
дышетӥсь, Мушко,<br />
М.Р.А.К., Шалтра уробо,<br />
Уд, Коньы, А. Т.<br />
Улонэз чеберлыко амалэн<br />
эскерон, возьматон<br />
вылысь авторъёс утчазы<br />
аспӧртэмлыко формаос,<br />
вазиськылӥзы пӧртэм<br />
жанръёслы: литературной<br />
выжыкыл, веросмадь,<br />
анекдот, пелеетон<br />
(фельетон), мадён, новелла,<br />
«зэмос», маскара верос,<br />
новелла-мадёс, верос-очерк,<br />
рифмаё проза,<br />
путевой очерк, эссе, этюд,<br />
«пичи суред» но мукет.<br />
Вакчиятыса басьтэмын<br />
«Сюрес вожын»<br />
книгаысь (2010-тӥ ар).<br />
Тылпу бере<br />
(Мадь)<br />
Туспуктӥз Вера ШТЫКОВА<br />
АШАЛЬЧИ ОКИ*<br />
Толон соёс ӝуазы. Гурт<br />
пумын соёслэн сандык кадь<br />
лэсьтэмын корказы вал. Ог<br />
час куспын ӝуаз корказы, кеносъёссы,<br />
гидъёссы; ӝуаз пудозы.<br />
Тыллэсь мозмиз одӥг<br />
кельыт валзы но чыры-пыры<br />
тӥрлыксы.<br />
Тылпу потэм бере, Мадӥг,<br />
25 арес кышномурт, визьтэм<br />
кадь луиз. Юртӥсь дуно<br />
тӥрлыкез поттон интӥе со,<br />
пӧсьтэм дӥсьсэ гинэ поттылыса,<br />
кема бызьылӥз урамтӥ.<br />
Тылпу час куспын быдэс гуртэз<br />
кадь ньылӥз. Чебер гурт<br />
интӥе шимес эгырӟем коръёс<br />
но мурьёос гинэ кылизы.<br />
Гурт ӝуам бере, юртъертэк<br />
кылем муртъёс, тыллэсь мозмем<br />
тӥрлыксэс люкаса, ёрос<br />
гуртъёсы кошкизы.<br />
Мадӥглэн гуртэз куштыны<br />
кужымез ӧз суӟы. Берпум<br />
уйзэ солэн гурт дорын<br />
кӧлэмез потӥз. Гуртлы матын<br />
тэль. Тэль дурын, гопын, шур<br />
бызе. Со шур дуре кӧлыны<br />
мынӥз Мадӥг, семьязэ басьтыса:<br />
пичи пизэ, Васиез, но<br />
пересь Кимокез, кузпалэзлэсь<br />
атайзэ. Пересь Кимок, юртэз<br />
ӝуам бере, визьтэм кадь луиз.<br />
Пуксе но пуке огинтӥяз, мыдлань-азьлань<br />
сапальтыса:<br />
«Кӧӵе шулдыр! Люг-люг! Кытысь<br />
тӥ? Тысь кисьтэ! Тысь,<br />
тысь!»<br />
Мадӥг, тэльысь улвай люкаса,<br />
шур дуре тыл понӥз.<br />
Пичи Васи, кырын кӧлэмлы<br />
шумпотыса, тыл котырын<br />
кема бызьылӥз. Собере жадиз<br />
но умме усиз. Пересь Кимок<br />
но сапальтэмысь дугдӥз -<br />
ызиз.<br />
Сьӧд шобретэн котырез уй<br />
шобыртӥз. Вылын лыдтэм<br />
кизьылиос ӝуазы. Мадӥг шур<br />
дурын огвадес вырӟытэк пуке,<br />
пукон кадь. Ӧжыт улса, кайгуэзлы<br />
чидатэк, погылляське.<br />
Туж секыт чиданэз. Ог нунал<br />
но, одӥг уй но ӧй чидатскысал<br />
Мадӥг, эрыкез ке луысал, со<br />
ассэ ачиз быттысал. Пичи Васиен<br />
пересь Кимокен суйпыдзэ<br />
думылӥзы.<br />
Шур жальыртэ, тэльын<br />
тылобурдоос ог-огзылы куара<br />
сёто... Мадӥглэн тодаз лыктэ<br />
пичи дырыз, ныл дырыз, картлы<br />
кошкемез - вань улэмез.<br />
Шур жальгыртэ. Та шурын<br />
Мадӥг пичи дыръяз гужем,<br />
анаезлэсь лушкем пызь пужнон<br />
пужзэ басьтыса, чукранчорыг<br />
кутэ вал. Та тэльын ик<br />
солы ноку но вунонтэм кузпалэз<br />
нырись яратэмзэ вераз...<br />
Уй пеймыт, тӧл потэ.<br />
Ӝуам гурт палась ӵын зын<br />
вае. Мадӥглэсь сюлэмзэ кайгу,<br />
ӟырдам портон кадь, портэ.<br />
Со ӝуан гуртын Мадӥг<br />
вордӥськиз, быдэсмиз, картлы<br />
кошкиз, туж уно ӟечез но, уродэз<br />
но адӟиз. Мадӥг одӥг ныл<br />
гинэ вал. Анаеныз атаез сое<br />
туж эркияса быдэстӥзы. Будэм<br />
бераз, Мадӥгез пиёс коштан,<br />
йырыз вылын шуо вал.<br />
Асьсэёс уйвӧтазы Мадӥглэсь<br />
жынгыртӥсь куаразэ кыло,<br />
серекъясь ымдорзэ адӟо вал.<br />
Соёс пӧлӥсь унозэ Мадӥг,<br />
пыдэстэм дӧдьые пуктыса,<br />
кельтӥз. Со яратӥз одӥгзэ<br />
гинэ. Яратӥз туж юн, вань пинал<br />
тэскеры 1 сюлмыныз. Анаеныз<br />
атаез, яратэм муртсэ начар<br />
карыса, Мадӥгез солы сётоно<br />
ӧз кариське. Сокы Мадӥг<br />
ог пеймыт уин атай йуртысьтыз<br />
яратон муртэз доры кошкиз.<br />
Кык ар ӵоже соин Мадӥг<br />
туж шудо улӥз.<br />
Куинетӥ араз Мадӥглэн<br />
картэз кулӥз. Тӧдьы кызьпу<br />
кадь мугорзэ куректон<br />
някыртӥз. Някыртӥз но ӧз<br />
чигы. Мадӥглэн кылиз пичи<br />
пиез, кесем-басьтэм картэз<br />
тусъем. Со сяна картэзлэн<br />
атаез, пересь Кимок, кылиз.<br />
Соёс понна Мадӥг чидатскиз.<br />
Яратон кузпалзэ ватыкыз,<br />
Мадӥг одӥг синкыли но<br />
ӧз потты. Солэн сюлмыз из,<br />
дыр, шуса, бускель кышноёс<br />
шыпыртӥзы. Огзы но соёс<br />
ӧз адӟе Мадӥглэсь бӧрдэмзэ.<br />
Мадӥглэсь бӧрдэмзэ адӟиз кеносэз<br />
гинэ. Со уно адӟиз. Со<br />
уно пол адӟиз Мадӥглэсь уез<br />
изьытэк потэмзэ, курадӟонлы<br />
чидатэк выж вылын погылляськемзэ.<br />
Уг лу Мадӥглэн<br />
мурт азьын бӧрдэмез. Юртэз<br />
ӝуакы но, Мадӥг ӧз бӧрды -<br />
чидатскиз. Сюлмыз ӝуа, аслыз<br />
инты уг шетты - синъёсыз<br />
кӧс. Куӵо скалэзлэсь<br />
ӝуакыз куаразэ кылыса гинэ,<br />
Мадӥг ӧз чида - зар-зар бӧрдӥз.<br />
Куӵо скалэз синпель вал. Сое<br />
Мадӥглэн анаез кулыкыз, та<br />
скал тыныд шуд мед сётоз,<br />
сое, мусо карса, ворды шуса,<br />
кузьмаз. Картэз кулэм бере,<br />
Мадӥг, вал кадь, уӝаз. Пересь<br />
Кимоклэн уӝаны кужмыз<br />
ӧз сузь нӥ. Гуртӥсь воргоронъёс<br />
Мадӥглэн ужамезлы<br />
паймо вал. Пичи пизэ быдэстон<br />
понна, Мадӥг кужымзэ,<br />
одӥг но жалятэк, ужлы<br />
понӥз. Со куспын тылпу потса<br />
Мадӥглэсь уно курадӟем<br />
сюлэмзэ тӥялтӥз.<br />
Ваньзэ тае тодаз ваиз<br />
уин шур дурын Мадӥг. Вань<br />
адӟонъёс ортчемын инӥ, вань<br />
синкыли куасьмемын инӥ кожаса,<br />
малпа вал со. Озьы вылымтэ.<br />
Тужгес но бадӟым<br />
адӟон азьланьын вылэм. Туж<br />
но бадӟым адӟон, чиданы луонтэм<br />
куректон.<br />
Нюлэс шугетэ. Нюлэс дурын<br />
уин бӧрдэ огназ Мадӥг.<br />
Тёп-тёп вия синкыли. Кызьпу<br />
туй тылын ӝуам кадь ӝуа<br />
пинал сюлэм. Турын вылын<br />
позыръяське, шымыръяське,<br />
курадӟонлы чидатэк, пинал<br />
мугор.<br />
Куазь сактэ. Мадӥг ӧжыт<br />
умме усе. Вӧта. Со сылэ огназ<br />
бадӟым чебер шур дурын.<br />
Пыдыз гольык, йыраз кышетэз<br />
ӧвӧл. Йырсиез пунымтэ,<br />
тӧл туга. Шур кузя туж<br />
шаплы пыж ваське. Пыжын<br />
пуко Мадӥглэн кулэм атаез,<br />
анаез, картэз. Сое серазы<br />
ӧтё. «Мадӥге, нунӥе! Ойдо ми<br />
серы», - анаезлэсь небыт куаразэ<br />
Мадӥг, нунал сазьын<br />
кадь, кылэ. «Мадӥге, дыдӥе!<br />
Чаль татчы. Ми шуд утчаны<br />
мынӥськом». Вань кужмыныз,<br />
вань сюлмыныз Мадӥг<br />
соёс серы кыстӥське. Уг, уг лу<br />
вырӟемез. Пичи Васиен пересь<br />
Кимок вань кужмысьтызы<br />
куто сое. Мадӥг чыректыны<br />
турттэ, куараез одӥг но уг<br />
поты. Пыж туж шаплы кошке,<br />
син азьысь ӵоктаське.<br />
- Нэнэ! Нэнэ! Султы! Султы,<br />
нэнэ! Мон туж кынмисько,<br />
- пичи Васи бӧрдса анайзэ<br />
сайкатэ. Пересь Кимок мырк<br />
вылэ пуксем но мыдлань-азьлань<br />
сапальтэ: «Кӧӵе шулдыр!<br />
Тысь кисьтэ! Тысь, тысь!»<br />
Куазь ӵукна. Шунды вылын.<br />
Вань шунытсэ, вань люкетсэ<br />
жалятэк музъем вылэ<br />
лэзе. Шудтэм муртъёслэн<br />
гинэ сюлмазы солэн шунытэз<br />
уг пыры. Шунды люгытэз соос<br />
уг малпало. Азьланьын улонзы<br />
пеймыт. Йылтэм-пумтэм<br />
из кадь шимес: одӥг но тылтэк,<br />
одӥг но люгыттэк.<br />
Гудыри. 1924. 27 мае.<br />
1 Тэскеры - пӧсь, ӟырдыт, ваменэс<br />
* Ашальчи Окыль ватэмнимын<br />
печатлаз.<br />
Текст сётӥське туала<br />
пунктуацилэн куронъёсызъя;<br />
грамматика, стиль но орфография<br />
ласянь тупатъямтэ.