You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
73-33-42, 8-951-195-37-65<br />
ШАЕР<br />
№ 79 (<strong>25694</strong>) 7<br />
2018-тӥ ар 18-тӥ коньывуон<br />
СЮЛЭМ ВӦСЬ<br />
Гуртэз соге пушнер...<br />
Ар ӵоже гуртын улӥсьёслэн лыдзы 3,5 сюрслы кулэсмиз<br />
Елена САРАМАТОВА<br />
Удмуртстат ивортэмъя,<br />
шаерамы 1<br />
сюрс 956 гуртъёс. Таос<br />
пӧлысь 149-аз 1 но<br />
улӥсез ӧвӧл. Арысь аре<br />
тырттэм сылӥсь коркаос<br />
йыло но йыло...<br />
Ӝутӥськыны секыт<br />
Удмуртстатысь ёзэн<br />
кивалтӥсь Людмила Сушкова<br />
верамъя, 2015-тӥ арын 488<br />
гуртъёсын быдэн 10-50 адями<br />
улӥз ке, туэ январе сомында<br />
адямиен гуртъёс 503 луизы.<br />
Нош 50-100 адямиен гуртъёслэн<br />
лыдзы ялан кулэсме:<br />
2002-тӥ арын соос 319 вал ке,<br />
али 276 кылемын.<br />
- Воксё калыктэм гуртъёслэн<br />
лыдзы эшшо но тросгес<br />
луысал, но уноез реестрысь<br />
но куштэмын ни, - шуэ Людмила<br />
Яковлевна. - Гуртъёсы<br />
берло дыре егит специалистъёс<br />
но уногес кыстӥськыны<br />
кутскемын: дышетӥсьёслы,<br />
врачъёслы, скал кыскисьёслы,<br />
трактористъёслы подъёмной<br />
сётъяло угось. Но та уг<br />
юртты ни: гуртын улӥсьёслэн<br />
лыдзы ялан синэ. 2017-тӥ<br />
арын гинэ гуртъёсын 520<br />
сюрс 854 адями улэ вал. Туэ<br />
соослэн лыдзы 3,5 сюрслы кулэсмиз.<br />
Людмила Сушкова пусъемъя,<br />
тужгес ӝог бушало<br />
Красногорск, Кизнер, Якшур-<br />
Бӧдья, Балезино но Эгра<br />
ёросъёсысь гуртъёс.<br />
- Ёросамы тэль трос бере,<br />
нюлэс дасясьёслэн посёлокъёссы<br />
ас вакытаз трос вал. Уж<br />
быремен, калык отысь кошкиз,<br />
- шуэ Эгра ёрос йырлэн<br />
воштӥсез Ольга Соловьёва. -<br />
1990-тӥ аръёсы 2 бадӟымесь<br />
совхозъёсмы - «Ново-Зятцинский»<br />
но «Игринский» - куашказы.<br />
Отысь калык городэ<br />
выжиз, музъемен вырыны<br />
мылкыд карисез ӧз сюры. Али<br />
ёросамы трос пичи удмурт<br />
гуртъёс. Удмуртъёс чидась но<br />
ужась луэменызы ик хозяйствоосты<br />
возё на. Но егитъёс<br />
уг кылё ни. Туннэ ёросамы<br />
115 гурт пӧлысь ог 30-эз мырдэм<br />
возисько. Отын медпункт<br />
но, школа но ӧвӧл ни. Фермаоссы<br />
но берпуметӥ нуналъёссэс<br />
векало: уг выльдӥсько,<br />
ужасез но ӧвӧл. Озьы пичи<br />
гуртъёсмы матысь 10 ар ӵоже<br />
воксё бырыны быгатозы. Гуртэз<br />
выльысь ӝутӥсь сюроз на<br />
меда? Музъемен ӵошкатэм<br />
Мувыр гуртэз Александр Корепанов<br />
выльысь ӝутӥз ик.<br />
Ӵыжы-выжыосыз, эшъёсыз<br />
бордаз корка ӝутӥзы. Ферма,<br />
пилорама ужа. Бадӟым Зура<br />
гуртлы но таос 3 иськемын<br />
гинэ - улондэ ул. Соос шоры<br />
учкыса, Чуралуд гуртэз но<br />
адямиос выльысь ӝутоно<br />
кариськизы вал. 6 корка<br />
пуктӥзы, но 2-аз гинэ уло, мукетъёсыз<br />
- дача интыын.<br />
Туспуктӥз Елена САРАМАТОВА<br />
Аръёс<br />
Ваньмыз<br />
гуртъёс<br />
Гуртъёс но адямиос (Удмуртстат ивортэмъя)<br />
Калыктэк 10<br />
адямиозь<br />
Узырмон ӧз узырмы<br />
Ольга Соловьёва пусъемъя,<br />
кулон но улон вискын<br />
шокась гуртъёс тужгес трос<br />
Мужбер гурт поселениын. Татысь<br />
9 гурт пӧлысь 3-яз гинэ<br />
рос-прос быдэн ог 60 кузя<br />
улӥсез вань, мукетъёсаз - 1-3<br />
адями, эшшо 2-аз - быдэн 10.<br />
- Ми палан эшшо но трос<br />
гуртъёс вал, табере соос реестрысь<br />
ик куштэмын, - шуэ<br />
гурт поселениен кивалтӥсь<br />
Валентин Шкляев. - Башмак<br />
удмурт гуртмы но адямитэк<br />
кылиз ни. Карта вылысь ӧм<br />
ӵуше на, калык, оло, берытскоз<br />
на шуыса. Узырмон гуртамы<br />
3 корка улӥсь кылемын.<br />
Татысь ар ӵоже гинэ<br />
кӧня ке трос нылпиё семьяос<br />
мукет гуртэ кошкизы. Узырмонын<br />
угось школа но, магазин<br />
но ӧвӧл. Сюрес но отчы<br />
лэсьтымтэ - школа автобуслэн<br />
пыремез уг луы. Нылпиос<br />
нуналлы быдэ 6 иськем<br />
пыдын дышетскыны ветло,<br />
отӥяз автобусэн - Чутырозь.<br />
Тазьы луиз ке, Узырмонэ<br />
кылемъёс но, выль коркаоссэс<br />
кельтыса, кошкозы, оло.<br />
Нылпи садэз гинэ но поселениысь<br />
2004-тӥ арын тупатъяны<br />
шуыса ворсазы но ӧз усьтэ<br />
ни. Табере 13 иськемлы палэнэ<br />
интыяськем Чутыр садэ<br />
14 пиналъёсты анай-атайёс<br />
нуналлы быдэ нулло. Эшшо<br />
9-эз черодын. Мужберын<br />
покчиосты дышетонъя школа<br />
вань ик, но сое но пытсаны<br />
туртто: пуэн эстӥське, юртэз<br />
но пу. Интыяз школа-сад<br />
ӝутыны проект вань, шуо.<br />
Но калыкмы тазьы ик кошкиз<br />
ке, нокыӵе школа ум адӟе.<br />
Поселениын «Мужбер» хозяйство<br />
ӧй луысал ке, мар карысалмы.<br />
Уж но сётэ, гуртъёсты<br />
возьыны но юрттэ. Кылсярысь,<br />
толалтэ сюресъёсты<br />
лымылэсь тазатонъя предприятиен<br />
огкыл гожтэмын -<br />
час ужамзылы 2,5 сюрс манет<br />
тыриськомы. Бюджет пичи<br />
бере, вань гуртъёсты сузяны<br />
луонлык уг сюры. Улӥ Шорни<br />
гуртэ берло толалтэоссэ<br />
трактор ӧм лэзьялэ. Корепанов<br />
кузпалъёс асьсэос тазьы<br />
ӵектӥзы вал, ми понна гинэ<br />
эн сюлмаське, пе. Сӥзьыл мешокъёсын<br />
сиён-юон басьяса<br />
дасяллязы. Толалтэ мар<br />
ке кулэ луыкуз, куасэн сюрес<br />
вылэ поталлязы. Туэ, ӧйтӧд,<br />
кызьы улоз гурт. Пелагея Корепанова<br />
огназ кылиз, картэз<br />
кулӥз, оло, нылпиосыз толалтэлы<br />
асьсэ доры кутозы ай.<br />
Но аслаз юртысьтыз кошкемез<br />
уг поты.<br />
Кабаново гуртазы но 1<br />
улӥсь. Лымы пельтыку гинэ<br />
со, сюрес усьтыны курыса,<br />
жингыртэ ни. Озьы 1 адямилы<br />
сюресэз усьтон поселенилы<br />
10 сюрс манет тыр усе.<br />
- Мон тыныд куас но басьто,<br />
оло, сюресэз сокем ӵем ум<br />
сузялэ шуыса ӵектӥсько - соглаш<br />
уг кариськы. Со коньдонэз<br />
мукет азе но кутыны луысал,<br />
кылсярысь, кытчы ке<br />
щебень кисьтысалмы. Эшшо<br />
Можга ёросысь Ягулпочинка<br />
бервылын.<br />
11-ен 50<br />
адямиозь<br />
51-ен 100<br />
адямиозь<br />
2002 2059 149 260 492 319<br />
2015 1966 156 311 488 279<br />
1.01.2018 1956 149 311 503 276<br />
ке гуртъёсты югдытэм понна<br />
тыллы тыроно на. Кылсярысь,<br />
Узырмон гуртысь 3 светильник<br />
понна толэзяз ог 700<br />
манет тыроно. Турнаны но<br />
уксё кулэ - гужем 10-12 сюрс<br />
манет кошке. Копейка борды<br />
копейка люкаське. Буш гуртъёсты<br />
но турнаса возёно ук,<br />
тылпу медаз поты шуыса.<br />
Оглом 9 гуртлы толалтэ сюресъёсты<br />
возьыны 110 сюрс<br />
манет быре, гужем 54 сюрс<br />
манет усе. Сюлэм вӧсь ке но,<br />
гуртъёс быро шуыса, куддыр<br />
малпаськод: 1 адямиен улӥсь<br />
гуртэз возьытозь, кылемъёссэ<br />
юнматыны луысал. 1985-<br />
тӥ арын Эграе сюрон понна<br />
Шаркан пыртӥ потоно луэ<br />
вал - асьме районтӥмы мыныны<br />
машина ӧз быгатылы<br />
- сокем начаресь вал сюресъёс.<br />
Али но уд ушъяськы. 2<br />
ФАП-лы 1 фельдшер. Чумой<br />
но Мужбер вискын улыса,<br />
ачиз но жадиз ни. Транспортэз<br />
но ӧвӧл - нуналаз 15 иськем<br />
пыдын дэри кола. Пенсие<br />
потӥз ке, местаяз лыктӥсь но<br />
уз сюры. Соку кинлы кулэ луомы<br />
на? - шуэ Валентин Анатольевич.<br />
Кин утёз?<br />
Кизнер ёросын берло 10 ар<br />
ӵоже 6 гуртъёсты реестрысь<br />
куштӥзы. Али гинэ карта вылысь<br />
Липовка, Синярка, Советской<br />
починок ӵушемын.<br />
Туннэ-ӵуказе таос пӧлы пыроз<br />
Новая Заря - гуртын нокин<br />
уг улы ни, прописказы<br />
гинэ вань. Кизнер ёросысь<br />
депутатъёслэн Кенешсылэн<br />
тӧроез Вениамин Андреев<br />
пусъемъя, гурт хозяйство<br />
но куддыр гуртэз быронлэсь<br />
уг утьы. Кылсярысь, Вуж<br />
Бӧдья гуртын нокыӵе хозяйство<br />
ӧвӧл, но калык палэнын<br />
ужаса но, гуртысьтыз уг кошкы.<br />
Со дыре ик Вичуркаын<br />
йӧн-йӧн «Новый путь» хозяйство<br />
вань, али гинэ выль ферма<br />
ӝутӥзы, нош ужасьёссы<br />
пересьмо, школаязы 36 пинал<br />
сяна уг ветлы.<br />
Учконо ке, бырем гуртъёсты<br />
реестрысь куштыны капчигес.<br />
Соос документъёсын<br />
вань ке, электроезъёсты но,<br />
сюресэз но чакласа возёно, телефон<br />
юнматоно. Тылпу потонлэсь,<br />
пыдйылчиос ветлонлэсь<br />
но кышкыт. Соин но кизнеръёс<br />
бырем гуртъёссылэн,<br />
документъёссылэсь мозмытскыны<br />
дырто. Зэм, реестрысь<br />
гуртэз куштыны куддыр быдэс<br />
ар кулэ. Документъёсын<br />
выронэз ик кӧня. Гурт поселенилэн<br />
сессияз эскероно, райсоветэ<br />
вазиськоно, депутатъёслы<br />
решение кутоно, собере<br />
Кун Кенеше вазиськоно. Кун<br />
Кенешын сое эскерыны дыр<br />
кулэ.<br />
Реестрысь куштыса но,<br />
коркаос, сисьмем пиньёс кадь,<br />
кема сыло на гурт бервылын.<br />
Эгра ёросысь Сеп гуртын бырем<br />
гуртъёслы сӥзем музей<br />
ужа ке, Можга ёросын гуртъёс<br />
бервылын шайвылысь<br />
плитаос вылын кадь синпелетъёс<br />
ӝутэмын, вылаз гожтэмын<br />
фамилиос, ку кылдэмын<br />
но быремын гурт. Нош<br />
Алнаш ёросын пулэсь киросъёс<br />
шуккылэмын... Ӧйтӧд,<br />
кӧня кирос шуккыны кулэ ай.<br />
Нош кин утёз быронлэсь?<br />
- «Авангард» хозяйствоямы<br />
пырись вань пичиесь гуртъёсы<br />
газ но, сюрес но кыскемын.<br />
Но уж ӧз луы ке, адямиез<br />
со уз возьы, - шуэ Ува ёросысь<br />
хозяйствоен кивалтӥсь,<br />
Кун Кенешысь депутат Фарит<br />
Халитов. - Сием потэ нуналлы<br />
быдэ. Шаерамы «Комфортная<br />
городская среда»<br />
программа пыӵа, городъёсты<br />
эшшо умойгес карыны тыршо.<br />
Кулэ гуртлы но сыӵе программа<br />
кылдытыны. Пичи<br />
хозяйствоосты но, фермеръёсты<br />
но, личной подсобной<br />
хозяйство возисьёсты но быдтыны<br />
уг яра. 4-5 скал вордӥсь<br />
адямилэн, оло, бордаз эшшо<br />
сомында ик пудо кутэмез потоз,<br />
соку со музъем кузё луоз.<br />
Мон ачим фермерысь потэмын.<br />
Татарстанын 12 скаллэсь<br />
ӧжыт пудо вордӥсь мурт<br />
начар мурт лыдъяське. Соин<br />
ик гуртын улыны условиос<br />
кылдытоно. Котькуд гуртын<br />
производство луиз ке, соку<br />
пичи гуртъёс но уз быре, кин<br />
тодэ, оло, куштэм гуртъёсазы<br />
но берытскисьёс сюрозы.