Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 33 8-951-195-37-65<br />
195 3765<br />
УДМУРТИЕЗ АЗИНТОН<br />
№ 79 (<strong>25694</strong>)<br />
3<br />
2018-тӥ ар 18-тӥ коньывуон<br />
АЛНАШ ПАЛЪЁСЫН<br />
Азинскон - адями бордын<br />
udmurt.ru<br />
А. Бречалов Улын Сыръезьын<br />
улӥсьёсын ӵош.<br />
Алнаш черкогуртысь школа<br />
туэ 30-тӥ ноябрёзь дась луыны<br />
кулэ.<br />
Ангелина СНИГИРЁВА<br />
Кылем арня пумын Удмуртилэн<br />
Тӧроез Александр<br />
Бречалов ужаз<br />
Алнаш ёросын.<br />
Ужбергатӥсь -<br />
калыклы матын<br />
Нырысь ик Тӧро<br />
пумиськылӥз Алнашысь<br />
ужбергатӥсен Иван Самсоновен.<br />
Иван Иванович<br />
ёросын ужбергатон удысэн<br />
вырыны ӧдъяз 1989-<br />
тӥ арысен. Та вакытэ 14<br />
пала вуз карон лавкаосыз<br />
ужало ни, отын 28 адями<br />
тырше. Ужбергатӥсь<br />
верамъя, гуртын бадӟым<br />
лавкаос усьтӥськем бере<br />
ужез секытэнгес мыныны<br />
ӧдъяз. Соосын конкуренциез<br />
возён понна пичигес<br />
гуртысь калыкен ужаны<br />
кутскиз - отчы магазинъёс<br />
пуктылӥз. Со сяна,<br />
Иван Ивановичлэн предприятиез<br />
нянь пыжонэн<br />
выре, арысь аре производствоез<br />
паськыта. Но сюлмаське:<br />
пыжиськон гуръёсыз<br />
электрокужымен эстӥсько,<br />
со дуно усе, соин<br />
ик азьланяз малпа чагыр<br />
эстӥськон вылэ выжыны.<br />
Со понна тӥрлык басьтоно.<br />
Солы капчиятэм процентэн<br />
кредит басьтон понна<br />
И. Самсонов Удмуртилэн<br />
Тӧроезлы вазиськиз. Иван<br />
Иванович пичигес гуртъёсын<br />
лавкаоссэ возе, со огшоры<br />
уксё поттон понна<br />
гинэ ӧвӧл, со ас музъемзэ,<br />
калыксэ яратэ, гуртоосызлы<br />
мыло-кыдо юрттӥське.<br />
Сыӵе адямиослы азинскыны<br />
юрттоно, пусйиз Тӧро.<br />
И. Самсонов ужзэ калык<br />
сярысь сюлмаськыса<br />
радъямез понна пыртэмын<br />
вал ёрослэн Данъян<br />
пул вылаз но. Со юн кусып<br />
возе ёросысь уже интыянъя<br />
центрен - гужемлы<br />
быдэ дораз студентъёс<br />
тыршо. Озьы ик солэн сюлмаськемезъя<br />
ёросын ортчыло<br />
куасэн бызьылонъя<br />
ӵошатсконъёс, ачиз но<br />
И. Самсонов отчы пыриськылэ.<br />
Та сяна, со Алнаш<br />
ёросысь ужбергатӥсьёслэсь<br />
правооссэс утёнъя оскем<br />
мурт, ёрос депутат луэ.<br />
А. Бречалов эскериз,<br />
кызьы азинске Алнашын<br />
школа пуктон. Со дырыз<br />
дыръя йылаз-пумаз вуттэмын<br />
ӧй вал, шугъяськонъёс<br />
кылдӥзы проектъя документъёсын.<br />
Но вераськемын<br />
ни, 30-тӥ ноябрёзь<br />
со быдэстэмын луыны<br />
кулэ шуыса. Та сярысь ик<br />
А. Бречалов подрядчикъёсын<br />
но кенешиз. Озьы ик со<br />
эскериз вуоно спортъя школалэсь<br />
стадионзэ, татын но<br />
лэсьтӥськон ужъёс ӝегаса<br />
мыно, но лэсьтӥськисьёс<br />
оскыто, ужъёсты матысь<br />
дыре быдэстозы ни шуыса.<br />
Та сяна, Тӧроез тодматӥзы<br />
черкогуртын пуктыны чаклам<br />
куасэн бызьылонъя<br />
базалэн проектэныз - отын<br />
хоккеен шудонъя коробка,<br />
питран вылын куасэн ворттылонъя<br />
сюресъёс но луозы.<br />
Лэсьтӥськон ужъёс мытэмын<br />
ни.<br />
Городын кадь ик<br />
улозы, пе<br />
Кивалтӥсь вуылӥз Улын<br />
Сыръезь гуртысь «Писеевское»<br />
хозяйствое но, соин<br />
туж валаса кивалтэ Николай<br />
Михайлов. Нялтас вераса,<br />
ӵапак хозяйствоен<br />
кивалтӥсьсэс Н. Михайловез<br />
данъяса, гуртоос сое<br />
кылем арын «Удмурт дунне»<br />
газетлэн «Гурт адями»<br />
конкурсаз ӵектӥзы вал. Куашкан<br />
калэ вуэм эштосэз<br />
со пыд йылаз ӝутыны но<br />
азинтыны быгатӥз. Н. Михайлов<br />
сюлмаськемъя гуртын<br />
пуктӥське калыкез сюдон<br />
инты, пушказ но котыраз<br />
куд-ог ужъёс гинэ кылемын<br />
на.<br />
Улын сыръезьёс шумпотэмзэс<br />
уг вато, городын<br />
кадь ик улонмы луоз ни,<br />
пе. Гуртын валче люкаськон<br />
интызы рос-прос ӧй<br />
вал - клубзы пулэсь, со но<br />
куашкан калэ вуэмын ни.<br />
Юбилейёсты, сюанъёсты,<br />
кисьтонъёсты ортчытъяны<br />
та вакытэ соос Алнаше<br />
яке мукет гуртъёсы ветло.<br />
А. Бречалов хозяйствоез<br />
ушъяз, асьсэос улонзэс<br />
умоятон борды басьтӥсько<br />
шуыса. Сыӵе мыло-кыдо<br />
гуртъёслы юрттӥськоно,<br />
шуиз, соин ик выль юрт<br />
борды клуб ӝутон пумысен<br />
кенешизы на. Озьы<br />
ик кивалтӥсь выль выжзэс<br />
эскериз, сое колхоз ас<br />
кужыменыз туэ тупатъяз.<br />
Та сюрес но гуртоослы<br />
туж кулэ вал, шур сопалан<br />
лудъёс-возьёс интыяськемын.<br />
38 аръем<br />
сюлмаськонлы - пум<br />
Тӧро пумиськылӥз «Ромашкинское»<br />
муниципал<br />
кылдытэтысь калыкен но.<br />
Солэн йырыз Владимир<br />
Слесарев тодматӥз гуртоослэн<br />
сюлмаськонъёсынызы.<br />
Кылсярысь, Вуж Шудьяын<br />
1980-тӥ аръёсы ик юон<br />
вузы санитарной куронъёслы<br />
тупасьтэмен лыдъямын.<br />
Соин валче школа, нылпи<br />
сад ву нимысьтыз басьтоно<br />
луылӥзы, со туж дуно<br />
усьылӥз. Но кылем арын<br />
та югдурез тупатыны амал<br />
шедьтӥзы.<br />
- Кылем арын гурт кенешын<br />
вераським: Вуж Шудьяе<br />
ву ошмесысь вуттоно,<br />
- шуиз В. Слесарев. - Та<br />
амалъя 1980-тӥ аръёсысен<br />
ик ву лыктэ Казакгуртэ.<br />
Озьы югдурзэс тупатон<br />
понна гуртоос нырысьвалысь<br />
ошмессэс утялтон<br />
борды басьтӥськизы, бетонлэсь<br />
ву люкаськон пурты<br />
лэсьтӥзы. Отчы ву кыскон<br />
арбери пуктӥзы. Туэ<br />
гуртысь ваньмаз 90 коркае<br />
ву лыктэ ни, со чылкыт,<br />
эскеронъёс пыр ортчемын.<br />
Но вылӥ ульчаосы<br />
со умой-умой уг вуы.<br />
Соин гуртэ ву кыскон башня<br />
пуктон сярысь малпасько.<br />
Талы дурбасьтӥз А. Бречалов<br />
но. Уката ик вуэн<br />
кылдэм югдурзэс воштыны<br />
басьтӥськиз ачиз вуж шудья<br />
калык но. Котькуд хозяйство<br />
быдэн 4 сюрс манетэн<br />
бичаз, люкаськиз 230<br />
сюрс манет. Та борды эшшо<br />
ог 800 сюрс манет висъяськоз<br />
на элькун бюджетысь.<br />
Вераны кулэ, «Ромашкинское»<br />
муниципал кылдытэтысь<br />
калык гуртъёссэс<br />
азинтон борды мыло-кыдо<br />
итӥське. Озьы Сизьгуртын<br />
гужем ӵоже ву кошкон гумыос<br />
тупатэмын вал, ужъёсты<br />
быдэстон понна котькуд<br />
хозяйство быдэн 3 сюрс<br />
манетэн бичаз, люкаськиз<br />
67 сюрс манет, эшшо 115<br />
сюрс манет ёрос администрация<br />
ватсаз на.<br />
Гурт кенешын ик вераськемын<br />
Выль Алнашын<br />
Быдӟым оже пыриськемъёслы<br />
синпелет пуктыны -<br />
муниципал кылдытэтэ пырись<br />
гуртъёс пӧлын татын<br />
гинэ сыӵе синпелетсы ӧвӧл.<br />
Гуртоос уксё бичазы ни -<br />
люкаськиз 50 сюрс манет.<br />
Вуж шудьяос ульчаоссэс туала<br />
технологиосъя югдытыны<br />
чаклало, талы 45 сюрс<br />
манет люкамын. Казакгуртын<br />
Атыкай музъемез утисьёслы<br />
синпелетсэс выльдозы,<br />
со понна ог 50 сюрс манет<br />
бичаны ӧдъяло.<br />
Кулэ спортзал но клуб<br />
Гуртын улон азинске ке<br />
но, сюлмаськонъёс уно на.<br />
Соос сярысь гурт калык<br />
А. Бречаловлы нимысьтыз<br />
вераз гурт калыкен пумиськон<br />
дыръя. Кылсярысь,<br />
Ольга Кузьмина дышетӥсь<br />
егит специалистъёс пумысен<br />
мылкыдзэ усьтӥз, соослы<br />
подъёмнойёс сётӥсько,<br />
но соос но егитъёсты уг гочато<br />
- школаын ужасьёс<br />
уг тырмо, пе. Со Тӧролы<br />
вазиськиз, гуртын ужась<br />
егит эмчиослы выллем<br />
дышетӥсьёслы но программа<br />
кылдытоно шуыса.<br />
Но А. Бречалов тодэ<br />
вайытӥз городысь егит<br />
дышетӥсьёс сярысь - отын<br />
эшшо но секытгес югдур<br />
кылдэмын. Гуртысьёсызлы<br />
юрттэт сётӥське, нош городын<br />
ужасьёсызлы соиз но<br />
ӧвӧл. Собере, котькӧня уксё<br />
сёт, егит мурт гуртэ уз кыльы,<br />
татын улыны тупась<br />
условиос ӧз луэ ке. Соин ик<br />
гуртысь дышетӥсьёсын югдурез<br />
тупатон борды котыр<br />
ласянь малпаськыса<br />
басьтӥськоно, шуиз А. Бречалов.<br />
Трос нылпиё анай Елена<br />
Григорьева ӝожтӥськиз,<br />
Вуж Шудья школаын<br />
спортзалзы ӧвӧл шуыса.<br />
Пиналъёслы мугорзэс кыдатыны<br />
нокытын, пе, нош<br />
уноез спортэ кыстӥсько,<br />
ёрос ӵошатсконъёсын вормыло.<br />
А. Бречалов тодэ<br />
вайытӥз элькунлэсь кулэяськонъёссэ.<br />
Кылсярысь,<br />
Ижкар 14 школалы кулэяське,<br />
нош ёросъёсын ог<br />
17 выль школа пуктоно.<br />
Нырысь ик юрттӥськыны<br />
басьтӥськом тужгес секыт<br />
югдуре сюремъёслы, пусйиз<br />
со.<br />
«Решительный» хозяйстволэн<br />
кивалтӥсез Виктор<br />
Ганьков Кузьымгуртын<br />
кылдэм югдур сярысь<br />
вераз. Отын лулчеберетъя<br />
юртсы но школалэн спортзалэз<br />
ӧвӧл, пе. Вань сюлмаськонъёсты<br />
А. Бречалов<br />
сак кылзӥз. Трос юанъёс<br />
чузъяськизы семьяез, ачиз<br />
сярысь, ваньмызлы тӧро<br />
валэктон мыло-кыдо сётъяз.