ud#79 (25694)

№ 79 (25694)
18 2018-тӥ ар 18-тӥ коньывуон СЮ СЮРЕС
www.udmdunne.ru
БАЙКУЗИНО
Оскон кузьма тӧл вуко
274
Гуртлы бырыны уг сёты фермер Михаил Лебедев
Элина КУМАЧЁВА
Ижысь Сарапулэ мынон
сюрес вожын шыпытак
гинэ сылэ Байкузино
гурт. Отын
аръёсын, огкыл шедьтыса,
уло удмуртъёс
но ӟучъёс.
Шумпотонзы - лавка
Вашкала дыръёсы Сарапулэ
нуись сюрес пырак та гурт
пыр ортчылэм, соин ик гуртын
котьку резь-куаш вазем
- сюрес вылтӥ ортчылӥсьёс
бырылӥллямтэ. Берло аръёсы
гуртын улон тодмантэм
воштӥськемын - уката но тол
вуэмъя гуртэ пырись-потӥсез
трос уг кыльы ни. Угось табере
татын улӥсьёс пӧлысь
ӝыныезлэсь ятырез коркаоссэс
возё сад-бакча чот гинэ.
- Оглом Байкузиноын 107
муртлэн регистрациез вань
на, - веразы Бабино гурт администрациысь
специалистъёс.
- Вераны туж шуг, кӧняез соос
пӧлысь тол но, гужем но отын
уло. Угось прописказы кылемын,
нош асьсэос городын
квартираос басьямын ни. 1
школьник вань на, сое Ожмос
школае нуэ-вае школа автобус
- гуртъёс вискын ог 10 иськем.
Нылпи садэ ветлӥсьёс ӧвӧл.
Зэм, асьсэос гуртоос Байкузинозэс
бырись гуртъёс пӧлы
уг пырто. Пиналъёссы но воксё
ӧвӧл ни шуэмзы уг поты. 4
пиналзы, пе, кылсярысь, нылпи
садэ мыныны дасяське.
- Бен ваньзэс ик соосты
Ижысь нылпи садъёсы нуллыны
чаклало кадь, - шуэ Эмилия
Лебедева. - Анай-атайёссы
городын ужало. Нош сюрес
вылэ потӥськод ке, пиналдэ
Бабиное пыртыса кельтод-а,
Ижозь нуод-а - пӧртэм ӧвӧл ни.
Со понна гужемзэ ульча тыр
пиналъёс люкасько - песянайпесятайёссы
доры куное берто.
Куке но гуртын вылэм
нылпи садзы но, клубзы но,
фельдшер-акушер
пунктсы
Туспуктӥз Максим ЕГОРОВ
Б. Дзюин аръёсызлы уг сётскы.
Ӝутӥське вуко.
но. Туннэ одӥг шумпотонзы
- магазин. Сое но Эмилия
Лебедева ачиз возе - та ужезлэсь
палэнтӥськиз ке, гуртоос
басьяськыны но городозь
яке Ожмосозь ветлоно луозы,
вылды.
- Городлы матын улӥськом
уга, 30 иськем но уг луы, - азинтэ
веранзэ Эмилия Лебедева. -
Соин ик егитъёс отчы уже интыясько.
Вылаз ик «Свобода»
хозяйство куашказ - гуртоос
отынгес ужало вал...
Вулы - карнанэн
- Мон быдэс улонме «Свободаын»
тырши, - вера Борис
Дзюин. - Механизатор но
вал, кочегар но луылӥ. Табере
81 аресме тырмытӥ ни ке
но, асме мӧйыос пӧлы пыртэме
уг поты на. Пенсия умой
басьтӥсько - 20 сюрс манетлэсь
ортче. Пиналъёсмы городэ
кошкизы но кышноеным валче
кылимы. Кеч вордӥськом
ай. Губилы ветлӥськом, ачим
чорыганы яратӥсько. Вордскем
интые - Балезино палъёс,
но Байкузиное 1967-тӥ
арын вуи ини. Туж кельше
татын - ӟучъёсмы кемалась
удмурт луизы ни, удмуртъёсмы
кытӥ-отӥ ӟуч но вераськыны
кутско.
Ольга Порцева но Алевтина
Борисова - бускельёс,
огез ӟуч, мукетыз удмурт.
Суро-пожо лабыр верасько.
Капка азязы ик ошмес, сое
вӧсяны Ожмосысь баӵко но,
пе, вуылӥз. Отысь соос туннэ
но карнанэн ву пыртало,
пумен ог-огенызы адӟисько.
Ольга Тимофеевна «Свободаын»
агроном луыса ужам,
Алевтина Борисова ветеринар
вылэм.
- Колхоз куашкам бере
мон покчи классъёсын
дышетӥсь луыса ужай на,
- вера Ольга Тимофеевна. -
Туж яратӥсько сяськаосын
вырыны - удъёсме, кидысъёсме
гуртоослы но шумпотыса
люкылӥсько.
- Нош пудозы висьыны
усе ке, али мон доры вазисько,
ӟеч муртъёслы малы уд
юртты? - итӥське Алевтина
Борисова.
Нылкышноос одӥг ымысь
кадь верало: гуртазы соос
туж эшъяськыса уло. Дача
возисьёсын но огкыл шедьто.
Эшшо ке гурт пыртӥзы ортче
шутэтскон базае сюрес - туристъёс
но, пе, чик уг люкето. Ул
но ул: газ кыскемын, сюрессы
векчи изэн кисьтэмын.
- Луысал на ке татын медпунктмы,
- ватса Алевтина
Борисова. - Туннэ ветлӥ вал
Ожмосысь першалъёс доры
- возьмай-возьмай, ФАП ӧз
усьтӥськы. Ма, першалъёс
асьсэос гуртамы лыктӥллям
вылэм. Ярам, кошкыса вуттӥллямтэ
- учкизы но, прививка
но пуктӥзы.
Питранъёс вылын вуэм
фельдшер-акушер пунктэз
ми адӟыса вуттӥм. Фельдшер
Анастасия Кадышева
валэктӥз: ФАП-сы борды
юнматэм гуртъёсы,
пе, дырын-дырын тазьы
вуылӥськом.
- Туннэ юри прививка пуктылон
поннагес лыктӥм, - вераз
со. - 24 мурт дорамы вазиськиз,
малпасько, ӧжыт
ӧвӧл со. Дачникъёс но пуктыны
пумит ӧз кариське.
Уг мӧзмо
Гурт бордысь бамалын
сылэ тӧл вуко. Гуртоос валэктӥзы:
Михаил Лебедев
фермерзы, пе, сое пуктэ.
Э-э, муг гинэ сёт вылэм
Михаил Викторовичсэс ушъяны!
Со, пе, гуртсылы бырыны
уг сёты ай. Гурт пумысь фермаын
скалъёс возе - кӧня ке
мурт со доры ужаны но ветлэ.
Гурт котырысь бусыосты гыре-кизе.
- Туэ гурт пумамы нылпиослы
шудон площадка
лэсьтӥм, Михаил Викторович
уксё висъяз! - шуэ Ольга Порцева.
- Ог 3 ар талэсь азьло пукон
коркамес усьтӥм, шудон
площадка бордын ик со, - ватса
Алевтина Борисова. - Талы
уксё Михаил Викторович висъяз.
Табере ми со коркан пумиськылонъёс
ортчытъяськом.
- Ожмосысь клубын ужасьёс
шулдыртыны вуыло. Арнялы
быдэ Ожмосысь ик батюшка
О. Порцева но А. Борисова вулы
потӥллям.
Гурт шорысь ошмес.
вуылэ, службаос ортчытъя -
нош ик люкаськиськом.
Ачиз Михаил Лебедев та
нуналэ ужъёсъя городэ кошкем.
Но вуз карись Эмилия
Лебедева ӵапак солэн кузпалыз
вылэм.
- Чик ведь кузпалды сярысь
ӧд вералэ вал, - шуисько
солы.
- Зэмзэ но, солэн сюлэмыз
туж висе гуртмы понна, - пумитам
вазиз Эмилия Борисовна.
- Татын со вордскемын,
татын будэмын. Прадедэз татын
улэмын ай - вуко со возем.
Ӵапак солы сӥзьыса, тӧл
вуко но пуктоно кариськиз.
Али со йылаз-пумаз вуттымтэ
на, но пызь изыны ярамон
луоз, пе. Озьы гуртэз но шулдыртоз,
пайда но ваёз. Нош
калык тау каре ке солы, талэсь
бадӟым дунъет кулэ на
меда?
Милемыз шунтӥз на мукетыз
но: Лебедевъёслэн 3 пиналъёссы
пӧлысь 1-ез дышетске
на, нош 2 бадӟымъёсыз
гуртазы ик улыны кариськиллям
- быдэн корка ӝутӥллям
ни, атайзы вӧзын юрттӥсько.
Соослэсь, оло, адӟем карозы
мукет егитъёс но...