Create successful ePaper yourself
Turn your PDF publications into a flip-book with our unique Google optimized e-Paper software.
№ 79 (<strong>25694</strong>)<br />
22 2018-тӥ ар 18-тӥ коньывуон<br />
www.udmdunne.ru<br />
d<br />
ПАЙМОД НО БЫРОД<br />
ӞУДОН<br />
Музъем - крестьянъёслы,<br />
кивалтон - калыклы<br />
Эшъёс-юлтошъёс! Йылпумъяськом «Паймод но бырод»<br />
конкурсмес. Та толэзьёс ӵоже трос гинэ туспуктэмъёс вуизы<br />
газетлэн электрон почтаяз. Ӵемгес тӥ фотое уськытъяды<br />
котырысьтыды пудо-животъёсты. Соин вормисьлы кузьым<br />
- Удмуртиысь зоопарке 2 муртлы ӧтён. Нош кузьымез басьтыны<br />
шуд усе Алнаш черкогуртысь Людмила Сурчаковалы,<br />
Алнаш ёросысь Усо гуртысь Надежда Платоновалы<br />
но Дэри ёросысь Юлия Бушковалы.<br />
Кузьымез басьтон пумысен жингыртоно редакцие 73-33-42<br />
телефонъя.<br />
Пузасько гань-гань<br />
Туспуктӥз Людмила СУРЧАКОВА<br />
Шуоды: мар пукиськод?<br />
Мае меда возьмаськод?<br />
- Милям азбарын<br />
сям вань:<br />
Нырысь пузано<br />
гань-гань.<br />
Сэре кузё шумпотэ,<br />
Уробоын зуркатэ!<br />
Суредаз Владимир ИЖБОЛДИН<br />
ЮБЕР КЫШНО<br />
Кизнер ёросысь «Завет<br />
Ильича» колхозлэн<br />
тӧроез гурт удысын<br />
ужасьёслэсь праздниксэс<br />
ӝож мылкыдын<br />
пумита. Уго ёросысь<br />
Прокуратура солы 20<br />
сюрс манет тыриськон<br />
лякиз колхозын<br />
ужасьёслы уждун<br />
ӝегатэмез понна.<br />
Май толэзе «Завет Ильича»<br />
СПК-ын тыршисьёс -<br />
ваньмыз 67 кузя - прокуратурае<br />
коллективной заявление<br />
гожтӥзы. Май понна предприятилэн<br />
ужасьёсызлы 547<br />
сюрс манет пунэмез люкаськиз.<br />
Кизнер ёросысь прокурор<br />
Иван Стяжкин верамъя,<br />
колхоз тӧро но валтӥсь бухгалтер<br />
валэктыны выризы<br />
ик: бусы ужъёс дыръя ёрмонэ<br />
вуизы, уждун тырыны номырин.<br />
«Завет Ильича» колхозлэн<br />
кивалтӥсез нырысьсэ тазьы<br />
ӧз обидьы ни ужасьёссэ.<br />
Таяз арын уждун ӝегатэмез<br />
понна солы 10 сюрс манет<br />
тыриськон сётэмын ни вал.<br />
Мукет ласянь учконо ке,<br />
предприятиын уждунъёс но<br />
бадӟымесь ӧвӧл. 547 сюрс манетэз<br />
67 ужасьлы люкыса,<br />
шоро-куспо уждун 8 сюрс манет<br />
гинэ потэ. Тыршы-пӧся<br />
быдэс толэзь, собере 8 сюрстэ<br />
но кураськыса утча на. Зэм,<br />
Прокуратура судэ вазиськон<br />
дасяку ик, колхоз тӧро пунэмъёссэ<br />
ворсаз. Озьы ке но<br />
кивалтӥсь административной<br />
кыл кутон улэ шедиз,<br />
валтӥсь бухгалтерлы дисциплинарной<br />
кыл кутон лякизы.<br />
Кизнер ёросысь Вуж<br />
Кармыж гурт поселениын<br />
«Завет Ильича» валтӥсь<br />
предприятие луэ. Вуж Кармыжысь<br />
сяна, татын ужало<br />
Макан-Пельга, Арвазь-<br />
Пельга, Поляково гуртъёсын<br />
улӥсьёс. Ярам, бусыос<br />
гырисько. Зэм, «Завет<br />
Ильичалы» бадӟым урожай<br />
туэ басьтыны ӧз кылды,<br />
соин колхозлы пайёссэс сётэм<br />
гуртоос нокыӵе ю тысь<br />
ӧз адӟе. Арлыдоослэн нуналзылы<br />
но мултэс ӧз шумпоттэ:<br />
ӝӧк сьӧрын сюдэмутялтэм<br />
сяна, быдэн кило<br />
чечы но ог 5 кило кӧжы<br />
люкылӥзы.<br />
СПК-лэн 3 фермаез вань -<br />
йӧл ӧжыт уг кыско кадь, Арвазь-Пельгаын<br />
кунян ферма<br />
но возё. Озьы ке но артэ<br />
гуртъёсысь зол хозяйствоос<br />
шоры учкыса, вуж кармыжъёс<br />
лулӟо. Нош егитъёс<br />
кема малпаськыса уг уло -<br />
шаплыосыз кемалась ужало<br />
ни бускель Можга ёросысь<br />
«Лучын».<br />
- Колхозэз куашкато но узырмо,<br />
кожай. Нош штраф тырыса,<br />
ачим пыдйылчи луисько ни...<br />
Мукет ласянь, оло асьсэлэн<br />
но гуртоослэн татын<br />
янгышсы вань. Уго, «Завет<br />
Ильичалы» тӧро бырйыку,<br />
та интые куриськись ӧй вал<br />
Вуж Кармыжысь но, артэ<br />
гуртъёсысь но. Соин ёросысь<br />
кивалтӥсьёс татчы пуктӥзы<br />
палэнысь адямиез - соизлэн<br />
гурт удысэз зынъямез ик ӧй<br />
вал ке но. Азьлогес со Кизнерын<br />
кортэн вуз кариз, сюресъёсты<br />
тупатъянэн выриз.<br />
Но... ӧз кышка гурт хозяйствое<br />
лыктыны.<br />
Табере «Завет Ильича»<br />
кужмогес ӧз луы, копак<br />
ӧз но куашка на. Но<br />
гуртоос колхозлы осконэн<br />
улыны дышемын ӧвӧл<br />
ни - котькудӥз ас понназ<br />
сюлмаське. Тани СПК-лэн<br />
техникаез 13 пумо гинэ,<br />
нош гуртоослэн - 70! Соин<br />
бакча гыроно-а, турын<br />
ваёно-а, колхозэ кураськыны<br />
уг мыно, асьсэ кужымен<br />
ужъёсты вормо. Эх, кин ке<br />
эшшо колхозэн кивалтыны<br />
басьтӥськысал на ке! Юнме<br />
шат СПК нуллэ «Завет<br />
Ильича» ним? Иське, быдэстоно<br />
Ленинлэсь веранзэ:<br />
музъем - крестьянъёслы,<br />
фабрика - рабочийёслы, кивалтон<br />
- калыклы!<br />
Туспуктӥз Надежда ПЛАТОНОВА<br />
Гудыри кузьым<br />
Гудырикошкон<br />
толэзь!<br />
Гудыри кошке<br />
туж сэзь.<br />
Пуйыысьтыз<br />
дыртыкуз<br />
Уськытэм...<br />
гудырипуз.<br />
ИНТЕРНЕТ КОСКЫ<br />
Туспуктӥз Юлия БУШКОВА.<br />
Тысь веръяй<br />
Нокин адӟымтэ дыръя<br />
Мон тусе пукси.<br />
Мемей кытӥ ке поръя,<br />
Мон тысез сии.<br />
Табере, курег сямен,<br />
Лумбыт коткало.<br />
Оло, туннэ ӝытазе<br />
Кукей пузало.<br />
Улӥллям-вылӥллям песянай но песятай. Песянай<br />
шуэ:<br />
- Пересе, асьмелэн нылпиосмы вуозы, дыр.<br />
- Одно вуозы, ӵуказе асьмеос пенсия басьтомы.<br />
<br />
- Кемалась ӧм ни адӟиське, Алексей Петрович, -<br />
шуэ врач.<br />
- Мон виси...<br />
<br />
- Носки кышъяса уло али о-о, эшшо мар ке ӧвӧл-а?!<br />
Картэ кытын ке кутчанзэ куштӥз ке, му пыр виялоз<br />
ук... - вамен вазе Маня анаезлы.<br />
- Визьтэм тон, нылы. Визьмо кышноос картсылы<br />
юромо пась носки сёто, кулэтэм интыын кылиськыны<br />
медаз дӥсьтэ шуыса.<br />
<br />
- Мон шӧдӥсько, укноям шофёръёс ялан учкыло.<br />
Мар кароно? - психиатрлы йыр висёнзэ вера 1-тӥ<br />
этажын улӥсь Люся.<br />
- Вылӥегес квартира басьты. Но 9-лэсь вылӥе эн<br />
тубы, отӥ, пе, лётчикъёс учкыло ни...
Change language