Create successful ePaper yourself
Turn your PDF publications into a flip-book with our unique Google optimized e-Paper software.
№ 79 (<strong>25694</strong>)<br />
8 2018-тӥ ар 18-тӥ коньывуон ВИЗЬ-НОД<br />
www.udmdunne.ru<br />
d<br />
ЮАН-ВЕРАН<br />
Кинлы ватсаськоз 1 сюрс 333 манет?<br />
Гурт удысын 30 ар<br />
тыршид ке...<br />
Гуртын улӥсь пенсионеръёслы<br />
вуоно арысен пенсизы<br />
вӧзы ватсаса 25 процент<br />
тыриськоз, шуо. Кин<br />
басьтыны быгатоз со уксёез?<br />
Дмитрий В.<br />
Алнаш ёрос<br />
Валэкто Россиысь<br />
Пенсиосъя Фондлэн Удмурт<br />
ёзысьтыз специалистъёс<br />
2019-тӥ арын 1-тӥ январьысен<br />
вань пенсионеръёслы<br />
пенсизы борды толэзьлы<br />
быдэ шорлыдын ватсаса 1<br />
сюрс манет тыриськоз. Нош<br />
гуртысь куд-ог пенсионеръёслы<br />
выль законъя пенсизы<br />
вӧзы со сяна но ватсалозы<br />
1 сюрс 333 манет но 55<br />
копейка. Та, пусйыны кулэ,<br />
пенсизылэн страховой люкетэзлэн<br />
25 процентэз луэ.<br />
Гуртоослы юрттонъя таӵе<br />
амал 2013-тӥ арын ик чакламын<br />
ни вал, но соку сое<br />
улонэ пыӵатыны луонлык<br />
ӧз шедьы. Президент В. Путин<br />
туэ со юан борды выльысь<br />
берытскыны косӥз.<br />
Озьыен, шаерамы пенсизы<br />
борды ватсаса 1 сюрс 333<br />
Туспуктӥз Мария ВЕКШИНА<br />
манет басьтыны быгатоз 11<br />
сюрс пала адями. Но та ватсэтэз<br />
басьтон понна одно ик<br />
30 ар гурт удысын ужаны<br />
кулэ. Городын 30 ар ужам<br />
но гуртэ улыны выжем муртъёс<br />
ватсэт басьтыны уз быгатэ.<br />
30 ар гуртын ужам но<br />
отӥяз городэ улыны выжем<br />
адямиос но списоке уз сюре.<br />
Списоке озьы ик уз пыре<br />
гуртысь школаын, гурт поселениын,<br />
фельдшер-аку-<br />
Пенсизы борды ватсаса уксё<br />
басьтозы шаерысьтымы 11 сюрс<br />
пала гуртоос.<br />
шер пунктын, магазинын<br />
но мукет азьын ужам муртъёс.<br />
Списоке пыртыны чакламын<br />
дояркаосты, механизаторъёсты,<br />
агрономъёсты,<br />
пудо утялтӥсьёсты но<br />
мукет секыт ужын тыршем<br />
адямиосты. Быдэс списокез<br />
матысь дыре юнматоз Россиысь<br />
Правительство.<br />
Пенсионеръёслы перерасчёт<br />
лэсьтозы Пенсиосъя<br />
фондлэн ёросъёсысь ёзъёсаз.<br />
Вань документъёс тырмыт<br />
ке, нокыӵе куриськонъёс<br />
гожъяно уз луы - компьютер<br />
ачиз лыдъялоз, пенсия<br />
выль сямен тыриськоз.<br />
Ужам стажды тырме, нош<br />
бадӟыматэм пенсия вуыны<br />
ӧз кутскы ке, вазиськоно луоз<br />
Пенсиосъя фондэ, вуттоно<br />
кулэ луись документъёс.<br />
2019-тӥ ар ӵоже котькыӵе<br />
толэзе вазиськиды ке но, перерасчёт<br />
лэсьтозы 1-тӥ январьысен.<br />
2020-тӥ арысен перерасчёт<br />
лэсьтӥськоз вазиськем<br />
дырысен мукет толэзяз<br />
гинэ.<br />
Ужасез уз вунэтэ<br />
Пенсие потыса но, ялан<br />
ужасько на. Мон кадь ужась<br />
тодмоосы куалектытӥзы:<br />
2019-тӥ арозь ужысь ӧд<br />
кошкы ке, пенсилы индексация<br />
уз лэсьтэ, пе. Кыӵе<br />
ке закон потэмын, шуо.<br />
Озьы-а со?<br />
Ольга В.<br />
Дэри ёрос<br />
Пенсиосъя фондлэн Удмурт<br />
ёзаз али туж ӵем вазисько<br />
таӵе юанэн. Кин<br />
ке юромо сыӵе супыльтон<br />
вӧлмытэм. Ужась пенсионеръёслы<br />
пенсизылы индексация<br />
лэсьтонъя куронъёсы<br />
нокыӵе воштонъёс<br />
пыртэмын ӧвӧл. Законъя<br />
ужамысь дугдэм муртъёслы<br />
быдэсак шутэтскыны<br />
потэмзы бере 1-тӥ толэзяз<br />
ик пенсизылы индексация<br />
лэсьтӥськоз. Кылсярысь,<br />
туэ декабре ужамысь<br />
дугдӥды ке, 2019-тӥ арын<br />
1-тӥ январьысен пенсидэс<br />
выль сямен лыдъялозы ни,<br />
вань аръёс ӵоже индексациез<br />
лыдэ басьтыса.<br />
Гажано лыдӟисьёсмы!<br />
«Удмурт дунне» газетлэн<br />
редакцияз Пенсиосъя<br />
фондлэн Удмурт ёзэз 23-<br />
тӥ октябре 14-ысен 15<br />
часозь<br />
«пӧсь телефон»<br />
радъя. Пенсиосъя юанъёсты<br />
вань ке, вазиське редакцие<br />
8(3412)73-33-42,<br />
8-951-195-37-65 но 8-951-<br />
195-37-66 телефонъёсъя.<br />
Юандэс азьвылгес но сётыны<br />
быгатӥськоды. Вань валэктонъёсты<br />
печатлаломы<br />
газетын.<br />
Юрттэт мултэс уз лу<br />
Ужтэк кыли, биржае<br />
султоно луиз. Пособие<br />
пичи, кузпалылэн уждунэз<br />
но бадӟым ик ӧвӧл, 2 нылпимес<br />
будэтӥськом. Кылӥ<br />
вал, ичи доход басьтӥсь<br />
семьяослы ЖКХ тыриськонъёсъя<br />
субсидия висъяське<br />
шуыса. Кытчы вазиськоно<br />
сое басьтон понна?<br />
Кыӵе документъёс дасяно?<br />
Иванова О.<br />
Пичи Пурга черкогурт.<br />
Валэкто Ижысь Первомайской<br />
ёросъя МФЦысь<br />
субсидиосты, компенсациосты<br />
лыдъян но<br />
тырон ужпумъёсъя специалистъёс.<br />
ЖКХ тыриськонъёсъя<br />
субсидия басьтон сярысь<br />
пыр-поч гожтэмын Россилэн<br />
Улон интыя кодексэзлэн<br />
159 номеро статьяяз,<br />
озьы ик Россиысь Правительстволэн<br />
2005-тӥ арын<br />
юнматэм 541 но 761 номеро<br />
постановлениосаз. Соос<br />
вылэ пыкиськыса, Удмурт<br />
Республикаын но законъёс-постановлениос<br />
кутэмын.<br />
Субсидия висъяське<br />
соослы, кинлэн улон инты<br />
понна тыриськонъёсыз семьяезлэн<br />
доходэзлэсь 22<br />
процентлэсь ятыр луэ. Та<br />
юрттэтэз басьтыны быгато<br />
квартиралэн, нимаз юртлэн<br />
(яке люкетэзлэн гинэ)<br />
кузёосыз (собственник),<br />
кун яке муниципал, озьы<br />
ик нимаз фондъёсысь улон<br />
интыез арендае кутӥсьёс,<br />
улон интыя кооперативъёслэн<br />
ёзчиоссы.<br />
Субсидиез басьтон понна<br />
ёросысьтыды многофункциональной<br />
центре<br />
куриськон гожтоно. Луонлыкты<br />
вань на кун услугаосъя<br />
огъя портал пыр<br />
вазиськыны (gosuslugi.<br />
udmurt.ru). Но лыдэ басьтэ:<br />
субсидия уз висъяськы<br />
улон инты понна тыриськонъёс<br />
люкаськемын<br />
ке. МФЦ-ын курозы ЖКХ<br />
понна расчёткаез. Со сяна,<br />
кулэ луоз улон интылэн<br />
собственникезлэн, озьы ик<br />
соин ӵош прописать карем<br />
муртъёслэн паспортъёссы,<br />
быдэ вуымтэ нылпиослэн<br />
вордскемзы сярысь,<br />
озьы ик кузпалъяськем<br />
яке люкиськем сярысь<br />
свидетельствоос, улон интылы<br />
документъёс, отын<br />
улӥсьёслэн лыдзы сярысь<br />
справка (таиз ёросъёсынгуртъёсын<br />
сётӥське поселенилэн<br />
администрацияз),<br />
кузпалъёслэн доходзы<br />
сярысь уж интыысьтызы<br />
справкаос, ужтэк кылемъёслы<br />
- биржаысь, озьы ик<br />
ЖКХ тыриськонъёсъя расчёткаос<br />
но квитанциос. Эн<br />
вунэтэ: та документъёс<br />
пӧлысь уноезлэн копиоссы<br />
гинэ кулэ луозы, но соослэсь<br />
МФЦ-ысь специалистлы<br />
сётыку, возьматоно луоз<br />
оригиналъёссэ, угось сотэк<br />
копиостэс уз кутэ. Со сяна,<br />
куд-ог справкаос сётӥсько<br />
тужгес троссэ 10 нуналлы,<br />
тазэ но лыдэ басьтыны<br />
эн вунэтэ. Лыдэ басьтэ<br />
тазэ но: нимаз семьяосъя<br />
пӧртэм документъёс кулэ<br />
луозы, кылсярысь, алиментъёс<br />
тырем, нылпиосты<br />
уксёен дышетэм сярысь<br />
справкаос но трос мукет. Та<br />
сярысь тодыны быгатоды,<br />
МФЦ-ысь специалистъёслы<br />
азьвыл ик вазиськыса.<br />
Документъёстэс кутӥзы<br />
ке толэзьлэн 16-тӥ числоозяз,<br />
субсидия тыриськоз ни<br />
со толэзьлэн пумаз ик. Но<br />
солэсь азьвыл сётэм документъёстэс<br />
эскероз ай нимысьтыз<br />
комиссия, со юрттэт<br />
висъян сярысь решение<br />
кутӥз ке, тӥледлы СМС<br />
яке электрон почта гожтэт<br />
пыр ивортон вуоз. Отын<br />
пусъемын луоз субсидилэн<br />
быдӟалаез. Со висъяськоз<br />
ӝыны ар ӵоже - толэзьлы<br />
быдэ. Тамында дыр ортчыса<br />
но, семьядылэн доходэз<br />
ӧз йылы ке, озьыен, нош ик<br />
юрттэтлы куриськон гожтыны<br />
быгатоды. Но таяз учыре<br />
документъёслэсь копиоссэс<br />
лэсьтоно уз луы ни. Выльдоно<br />
луоз доходъёсъя, озьы<br />
ик улон интые пусъем муртъёслэн<br />
лыдзыя справкаосты,<br />
тыриськонъёсъя квитанциосты<br />
гинэ. Субсидилэн<br />
быдӟалаез котькуд семьялы<br />
пӧртэм, со юнматӥське, шаерамы<br />
улыны тупатэм минимумез<br />
лыдэ басьтыса.<br />
Салам вӧзы уксё кулэ<br />
Пиелэн вордскемез сярысь свидетельствояз атаез пусъемын<br />
ӧвӧл, но атайзэ пиеным адскыны лэзисько, куд-ог<br />
дыръя гуртамы вуылэ. Салам вае, нош уксёен юрттэмез<br />
уг поты. Валэктэ вал, кызьы сое алимент тырытоно?<br />
Татьяна А.<br />
Пичи Пурга ёрос<br />
Валэктэ Судъя приставъёслэн федерал управленизылэн<br />
Удмурт ёзэзлэн кивалтӥсез Игорь Наговицын.<br />
Нырысь ик пидылэсь атайзэ установить кароно, со понна<br />
вазиськоно улон интыдыя ёрос судэ. Та ужрад мыныку ик<br />
(яке бергес но), та воргоронэз алимент тырытон сярысь судэ<br />
куриськон гожтоно. Нялтас вераса, нылпилэн атаез, мурт кунысь<br />
лыктыса, татын ужа ке но, алимент тырытыны луоз.<br />
Мукет ужпум, кызьы судын пиналлэсь атайзэ шараянопусъёно.<br />
Ӵектӥсько нырысь ик пидылэн атаеныз кенешыны -<br />
оло, уксёен юрттыны ачиз соглаш кариськоз. Пумит луиз ке,<br />
ДНК-тест лэсьтоно луоз. Та эскерон понна уксё тыроно луоз<br />
судэ куриськон гожтэм нылкышнолы. Но бӧрысь, суд ортчем<br />
бере, та уксёез берыктыны быгатоды пидылэн атаезлэсь.<br />
ДНК эскеронлэн дуныз - 17 сюрс манетысен 30 сюрс манетозь.<br />
Суд воргоронэз алимент тырытон сярысь решение кутӥз<br />
ке, тӥледлы судын басьтоно исполнительной документэз.<br />
Сое сётоно судъя приставъёслэн управлениязы. Но сыӵе<br />
ёросын, кытын улэ пидылэн атаез. Та бӧрсьы уж борды<br />
басьтӥсько судъя приставъёс.<br />
Алиментлэн одӥг пиналлы быдӟалаез юнматэмын Семейной<br />
кодексэн: атайлэн доходэзлэн 1/4 люкетэз. Но уждунэз<br />
пичи ке, тӥляд луонлыкты вань судын тросгес курыны,<br />
меӵак лыдпус юнматыны. Шуом, нылпилы улон минимумлэсь<br />
ӝынызэ - та вакытэ минимум 4 но ӝыны сюрс манет<br />
мында. Вылаз ик, та лыдпус котьку инфляцияя тупатӥськоз,<br />
йылоз. Быгатӥськоды эшшо но тросгес уксё курыны, но судын<br />
сомында юрттэт куремдэс валэктоно луоз. Пусйытэк кельтыны<br />
уг луы тазэ но: куд-ог учыръёсы должник конвертэн уксё<br />
басья, нош документъёсын пусъем уждунэз туж ичи. Валамон,<br />
алиментлы одӥг ньыльмос люкетэз туж ичи люкаськоз.<br />
Та учыре судын вераны быгатӥськоды, бадӟымгес юрттэт куриськоды<br />
шуыса, угось кияз вуись уждунэз шӧдскымон тросгес.<br />
Суд тӥ пала кариськиз ке, атайлэн амалыз уз лу: судэн<br />
юнматэм лыдпус мында тыриськоз. Шоро-куспо алиментлэн<br />
быдӟалаез али тамында: одӥг нылпилы - доходлэн 1/4 люкетэз,<br />
2 пиналлы - 1/3 люкетэз, 3-лы - 1/2 люкетэз.
Change language